Kezdesý barysynda J.Túımebaev Memleket basshysyna oblystyń bıylǵy perspektıvalary, sondaı-aq óńirdiń 2021 jylǵa deıingi áleýmettik-ekonomıkalyq damý jospary týraly baıandady, dep habarlaıdy Aqordanyń resmı saıty.
Elbasy óńirdiń salyq túsimderi kórsetkishiniń tómen ekenin, óńirdiń respýblıka boıynsha meılinshe dotasııaly bolyp otyrǵanyn atap ótti.
Sondaı-aq, Nursultan Nazarbaev eńbek naryǵyn retteý salasyndaǵy jumyssyzdyq máselelerine nazar aýdardy.
"О́zin-ózi jumyspen qamtyǵan azamattardyń úlesi joǵary. Ońtústik Qazaqstan úshin jumyssyzdyq pen halyqtyń kóshi-qon máselesi árqashan ózekti bolyp qala bermek. Bul máselelerdi sheshý úshin shaǵyn jáne orta bıznesti odan ári damytý qajet," – dedi Qazaqstan Prezıdenti.
Budan bólek, Memleket basshysy Shymkenttiń taıaý keleshekte turǵyndarynyń sany 1 mıllıon adamnan asatyn qalaǵa aınalatynyn atap ótti.
Oblys ákimi Elbasyǵa «Qazaqstannyń úshinshi jańǵyrýy: jahandyq básekege qabilettilik» atty joldaýda belgilengen maqsattar men mindetterdi aımaq turǵyndary jan-jaqty qoldap otyrǵany týraly málimdedi.
Sońynda Nursultan Nazarbaev oblys ónerkásibin, aýyl sharýashylyǵy men mal sharýashylyǵy salalaryn damytý, ınvestısııalyq tartymdylyǵyn arttyrý jóninde mindetterdi oryndaýǵa baǵyttalǵan birqatar naqty tapsyrma berdi.
Sońǵy jańalyqtar
Sheńgeldi aýylynda mal soıý pýnkti iske qosyldy
Aımaqtar • Búgin, 00:40
Elena Rybakına Dýbaıdaǵy týrnırdi sátti bastady
Tennıs • Keshe
Astanadaǵy jyly aıaldamalar «Sergek» júıesine qosyldy
Elorda • Keshe
Erteń elimizde aýa raıy qandaı bolady?
Aýa raıy • Keshe
Qoǵam • Keshe
Otandyq kólikterdiń baǵasy tómendeı me?
Qoǵam • Keshe
Qazaqstan halqy naýryz aıynda qansha kún demalady?
Qazaqstan • Keshe
Ramazanǵa oraı London kósheleri bezendirildi
Álem • Keshe
