Ardagerler bas qosatyn oryn

Oblys ákimi Baqytjan Saǵyn­taev­tyń bastamasymen ashylǵan «Zamandastar» ardagerler klýbynyń jas­tarǵa tárbıelik-ónegelilik maqsatta atqaryp jatqan jumystary aýdan ortalyq­ta­ryn­da turatyn aqsaqaldar­dyń da oıy­nan shyqqandaı. Jýyrda aýdan or­talyǵy Aqtoǵaıda da soǵys jáne eńbek ardagerleri klýby zaman­dastaryn jı­nady.  Aýdan ákimi Juma­keldi Qojanov úlkender bas qosatyn bul ortalyqtyń ashylýyna aýdan ká­sipkerleri «Jár­dem» seriktestiginiń basshysy Serik Ahmetov, oblystyq máslıhat depýtaty Igor Golovashov, aýdandyq máslıhat depýtaty Aleksandr Tarambalar óz úlesterin qosqanyn atap ótti. Son­dyq­tan bolar, sheteldik jıhaz, tońazytqysh, teledı­dary bar ortalyqtyń ishi jarqyrap tur. Kásipkerler bul bizdiń el Táýel­sizdiginiń 20 jyldyǵy qarsa­ńynda ardagerlerge  kórsetken syı-qurmetimiz deıdi. Endi ardagerler shahmat oınaýǵa, teledıdar kórýge, gazet-jýrnaldar oqý­ǵa, keńesýge, jastar, jasóspi­rimdermen kezdesip, áńgime ótkizýlerine múmkindik alady. Osy ortalyq atynan aqsaqaldar alqasy ózderiniń usynystary men máselelerin tikeleı aýdan ákimine aıta alady. Aýdandyq ardagerler keńesiniń tóraǵalary B.Qýatov, M. Korobkın, P. Raevskıı, V. Zýev, S. Sádýaqasova, T Ǵıbadýllınalar ardagerler atynan al­ǵystaryn bildirdi. Sóıtip, aqsaqaldar alqasynyń usynysymen klýbtyń bas­shysy, eńbek ardageri Sámet Maǵzum­uly boldy. Sonymen qatar, sol kúni or­ta­lyqtyń qasynan  aýdandyq ólke­taný murajaıy ashylyp,  ardagerler endi aýdannyń ótken ómiri, qalyptasýy úshin qyzmet etken adamdar, zaman­dastary týraly derektermen tolyǵa túsýine de úles qosatyn bolady. Farıda BYQAI, Pavlodar oblysy.