Prokýratýranyń jańa ǵımarattary shalǵaıdaǵy aýdan ortalyqtarynyń ajaryn asha tústi

Respýblıkanyń eń shalǵaı ornalasqan Bókeı ordasy, Jáni­bek, Kaztalov, Qaratóbe jáne Sy­rym aýdandarynyń ortalyq­ta­rynda búgingi zaman talabyna saı, eńseli, sándi de sapaly aýdan­dyq prokýratýralardyń jańa ǵımarattary ashyldy. Atalmysh qurylysqa qajetti qarajat res­pýblıkalyq bıýdjetten bólingen. Onyń paıdalanýǵa berilý rási­mi­ne respýblıka Bas prokýrory A.Daý­yl­baev qatysyp, sóz sóı­ledi. – Bul Elbasymyzdyń quqyq qorǵaý organdaryna, sonyń ishinde prokýratýranyń aýdandyq býyndaryna kórsetken sheksiz qamqorlyǵy men qoldaýynyń kó­ri­nisi. Ári elimizdiń alys aýdan­darynda prokýratýra ǵımarat­tary qurylystarynyń aıaqtalýy Táýelsizdiktiń 20 jyldyq merekesimen tuspa-tus kelip otyr. Munyń ózi, sóz joq, ıgi istiń máni men mazmunyn, tıgizer paıdasyn tereńdete túsedi. Atalmysh ǵı­ma­rattarda aýdandyq deńgeıdegi pro­kýratýra qyzmetkerleriniń alańsyz qyzmet jasaýlaryna barlyq jaǵdaılar bar. Endigi mindet bireý ǵana. Ol osy qoldaý men qamqorlyqtyń esesin óteý, qaıtarym koeffısıentin kóterý, – dedi Ashat Qaızollauly óz sózinde. Prokýratýra ardagerleri Ba­tys Qazaqstan oblystyq uıy­mynyń tóraǵasy Jeńis Hafızov óz oıyn bylaısha tarqatty: – Bizdiń prokýratýra organdarynda qyzmet jasaǵan kezimiz keńestik kezeńge sáıkes keldi. Ol jyl­dar­da aýdandyq prokýratýralardyń dál búgingideı sáýletti ǵıma­rat­tary óńimiz túgil túsimizge de kirmeıtin. Kózge tym qorash, my­jy­raıǵan, tóbeleri tómen, eńseńdi basyp turatyn tar úılerde eńbek ettik. Ekeýiniń aıyrmashylyǵy  jer men kókteı. Osynaý jaqsy­lyq pen qýanysh tek Táýel­siz­diktiń arqasynda múmkin bolyp otyr. Uzaǵynan bolsyn. Osyn­daı oıdyń jelisin eńbek ardageri Kárim О́teǵulov odan ári to­lyqtyrdy. Aýdan ortalyqtaryndaǵy len­ta qııý rásimin Bas pro­ký­ror Ashat Daýylbaev pen Batys Qa­zaqstan oblysynyń ákimi Baq­tyqoja Izmuhambetov jasady. Táýelsizdiktiń 20 jyldyq merekesi qarsańynda shalǵaı aýdandar ortalyqtarynda ashylǵan jańa prokýratýra ǵımarattary sol aımaqtardyń ajaryn asha túsýge aıtarlyqtaı áserin tıgizgeni qandaı ǵanıbet. Temir QUSAIYN, Batys Qazaqstan oblysy.