Respýblıkalyq bıýdjetten 140 mıllıon teńge qarjy bólingen bul qurylysty «GSÝ Qurylys» seriktestigi bıylǵy jyldyń naýryz aıynda bastap, belgilengen merzimde aıaqtady. Endi kórshiles Baıqonys, Qyzyltań, Tileýbaı aýyldarynyń da turǵyndary osy emhanada emdele alady. Kúnine 30-40 adam qabyldaıdy. Dárigerlik mekemede barlyq jaǵdaı jasalǵan, mamandar da jetkilikti. «Bıyl oblysta 60-qa jýyq osyndaı bólimsheler ashylady», dedi Peschandaǵy dárigerlik bólimsheniń ashylýyna qatysqan oblys ákimi Baqytjan Saǵyntaev.
Farıda BYQAI. Pavlodar oblysy.
«100 KÚN – 100 IGI IS» AKSIIаSY BASTALDY. Muhtar Áýezov atyndaǵy Ońtústik Qazaqstan memlekettik ýnıversıtetiniń stýdentteri táýelsizdigimizdiń 20 jyldyǵyna baılanysty «100 kún – 100 ıgi is» dep atalǵan sharany bastady. Onyń barysynda el táýelsizdiginiń mereıtoıyn atap ótetin kúnge deıin túrli tanymdyq sharalar ótkiziletin bolady. Ýnıversıtettiń negizgi ǵımaratyna kire beriste táýelsizdik mereıtoıyn atap ótetin kúndi keri qaraı sanaıtyn kúntizbe ornalastyryldy. Ýnıversıtettiń ár stýdenti 100 kúndi ózi úshin de, Otany úshin de paıdaly ótkizýge mindetteme aldy. Belsendi stýdentter bas bolyp, joǵary oqý ornynyń basshylyǵymen kelisip, ár kúni ótkiziletin sharalardyń kestesin jasady.
Baqtııar TAIJAN. Shymkent.
ALYS AÝYLǴA AÝYZ SÝ JETKIZILDI. Respýblıkalyq qazynadan bólingen 0,5 mıllıard teńgege Aqjar aýdanyndaǵy Bostandyq aýylyna 52 shaqyrymdyq sý qubyry jelisi tartylyp, sý munarasy qosa paıdalanýǵa berildi. Onyń ashylý saltanatyna qatysqan aýdan ákimi Aǵzam Tastemirov «Taza sý» memlekettik baǵdarlamasy sheńberinde qyrýar jumys atqarylyp, 14 mekenge sapaly aýyz sý jetkizilgenin atap ótti. Aldaǵy ýaqytta da bul baǵyttaǵy sharalar jalǵasatyn bolady. Bas merdiger «Petropavlspeıkommýnstroı» JShS-niń basshysy V.Kalmykov birer aıdyń ishinde Kıev aýyly taza sýmen qamtylatynyn málimdedi. Sóıtip, aýdan turǵyndarynyń 90 paıyzdaıy sapaly tirshilik nárimen sýsyndap otyr.
О́mir ESQALI. Soltústik Qazaqstan oblysy.
«SEN MAǴAN QYMBATSYŃ, QAZAQSTAN!». El táýelsizdiginiń 20 jyldyq merekesine arnalǵan sharanyń biri retinde Atyraýdaǵy Sh. Sarıev atyndaǵy óner murajaıynda jergilikti sýretshilerdiń kórmesi ashyldy. Úsh kún boıy atyraýlyqtardyń qyzyǵýshylyǵyn oıatqan kórmede sýretshiler Svetlana Gýzeva men Nadejda Eksýzıannyń shyǵarmashylyq sheberhanasynan ár túrli taqyryptardy qamtyǵan 90 sýret qoıyldy. Sýretterdiń barlyǵy da maıly boıaýmen salynypty. – Biz óz shyǵarmashylyǵymyzda Qazaqstannyń ádemi tabıǵatyn, yntymaǵy jarasqan adamdarynyń dostyq ráýishin kórsetýdi maqsat tuttyq. Sebebi, ózimiz meken etken eldegi birlik pen dostyq bárinen qymbat. Tipti, tasy men taýy da, ózen-kólderi de, adamdary da biz úshin qymbat ekenin sezine tústik, – deıdi sýretshi Nadejda Eksýzıan.
Joldasbek ShО́PEǴUL. Atyraý oblysy.
JIYRMA BES ÁJE ...«JUMYSSYZ» QALDY. «Jumyssyz» adamdar, ádette, qabaǵyn túıip, qobaljyp júrmeýshi me edi, sóıtsek, mundaı «baqytqa» qýanatyndar da bar eken. Mysaly, jaqynda, Jýaly aýdanynyń Toǵyztaraý aýylyndaǵy bir top áje ózderin qyzmetten «bosatqan» jergilikti bılikke rahmet aıtyp, máz-meıram boldy da qaldy. Qýanyshtyń sebebi, aýyldan 25 búldirshinge arnalǵan balabaqshanyń ashylýyna baılanysty eken. Ol memlekettik «Balapan» baǵdarlamasy sheńberinde dúnıege kelipti. Sóıtip, balabaqshadaǵy 18 qyzmetker bala baqqan ájelerdiń jumysyn tolyǵymen óz moıyndaryna alypty. Bir balabaqshanyń arqasynda alystaǵy aýyldaǵy jıyrma shaqty jasqa jumys tabylyp, al jıyrmadan astam ájeniń... «jumyssyz» qalýy, árıne, jaqsylyq.
Kósemáli SÁTTIBAIULY. Jambyl oblysy.
MEMLEKETTIK TIL ULTTY UIYTADY. Taldyqorǵannyń shyǵysyndaǵy ásem ǵımarat – Til saraıynda mereıli 20 jyldyǵymyz qarsańynda ultjandylyqqa uıytatyn ana tilimizdiń keleshegi jaıly keń kólemde «dóńgelek ústel» ótti. Oblystyq tilderdi damytý basqarmasy uıymdastyrǵan sharaǵa memlekettik tildiń erteńine úles qosyp júrgen buqaralyq aqparat quraldarynyń ókilderi men jalpy jurtshylyq belsene qatysty. «Dóńgelek ústelde» Ata Zańymyzǵa sáıkes búgingi kúni áleýmettik saıası ómirde memlekettik tildiń qoldanys aıasy arta túskeni aıtyldy. Sonymen qatar, ulttyq rýhymyz nyǵaıyp, kemeldený ústinde. Osy máseleler jaıly jýrnalıster Atsalım Idıgov, Jumataı Ospanuly, Máýlithan Aqsan, Aıtaqyn Bulǵaqov jáne basqalar oı bólisip, keleli pikir aıtty.
Kúmisjan BAIJAN. Almaty oblysy.
ÚKIMETTIK EMES UIYM – ÚLKEN KÚSh. Qaraǵandyda úkimettik emes uıymdardyń uıytqysymen «Qazaqstan táýelsizdiginiń 20 jyldyǵy – azamattyq bastamalardyń qurylýy men damýynyń 20 jyldyǵy: órleý qezeńderi, tabysty tájirıbesi men bolashaǵy» atty konferensııa ótti. Onda «Áleýmettik súıemeldeý jáne beıimdelý», «Otbasy men neke máseleleri, «Qazaqstandaǵy volonterlik qozǵalystyń tájirıbesi» seksııalary boıynsha osy baǵyttaǵy is-sharalar, izdenister taldandy. «Eń tańdaýly ÚEU», «Úzdik áleýmettik joba» nomınasııalarynyń jeńimpazdary anyqtalyp, dıplomdar men baǵaly syılyqtar tabys etildi. Qazaqstannyń V Azamattyq forýmyna delegattar saılandy.
Aıqyn NESIPBAI. Qaraǵandy.
