Sapar jalǵasýda

Astana temir jol vokzalynan 10 qyrkúıek kúni «Meniń Qazaqstanym» aqparattyq-nasıhat poıyzy birinshi kezeńnen keıingi saparyn jalǵas­tyrý úshin jolǵa shyqty. Munyń aldynda, ıaǵnı 10-20 tamyz kúnderi soltústik-shyǵys óńirdi aralaǵan poıyz endi 27 qyrkúıekke deıin elimizdiń oń­tús­tik-batys aımaqty júrip óte­tin bolady. Osy ýaqyt ishinde sharaǵa qatysýshylardyń eldi-me­kenderde konsertter qoıyp, dárigerlik kómek kórsetip, jergilikti halyqpen kezdesýleri jos­par­lanyp otyr. Bul is-shara Mádenıet mınıstrligi men «Nur Otan» HDP-nyń uıymdastyrýymen el táý­el­sizdiginiń 20 jyldyǵy aıa­syn­da ótkizilýde. Oǵan áleýmettik qyzmet, densaýlyq saqtaý, qarjy sektory, mádenıet, sport qaırat­kerleri jáne basqa da sala qyz­metkerleri qatysýda. Gazetimizde buǵan deıin habarlaǵanyndaı, atalǵan sharanyń maqsaty – bar­lyq óńir turǵyndaryn el Táý­elsizdiginiń 20 jyldyq merekesine atsalysýǵa tartý, Táýelsizdik ákelgen jetistikterdi árbir aza­matqa jetkizý, halyqtar arasyn­da birlik pen yntymaqtastyqty, salamatty ómir salty men El­ba­synyń Qazaqstan halqyna Jol­daýyn nasıhattaý, shalǵaı eldi-mekenderde turatyn azamattarǵa túrli kómek kórsetý jáne mem­lekettiń jańa áleýmettik saıasa­tynyń mánin túsindirý. Senbi kúni saǵat tańerteń Astanadan shyqqan poıyz saǵat 09.30-da Atbasarǵa keldi. Osy jerde temir jol vokzalynyń al­dynda saltanatty shara ótti. Oǵan aýdan ákimi Rýslan Áýbá­ki­rov, «Nur Otan» HDP-nyń Aq­mo­la oblystyq fılıaly tóraǵa­synyń orynbasary Ǵalym Shoıkın, Qazaqstannyń halyq ártisi Altynbek Qorazbaev, «Gúlder» ansambliniń jetekshisi Jeńis Seı­dolla, aýdandyq týberkýlezge qarsy dıspanserdiń bas dá­ri­geri Baýyrjan Dildábekov, son­daı-aq soǵys jáne eńbek ardagerleri keńesiniń tóraǵasy Ivan Komıssarov qatysyp, sóz sóı­ledi. Osydan keıin aýdandyq ju­myspen qamtý jáne áleýmettik baǵdarlamalar basqarmasynda zeı­netaqymen qamtamasyz etý, áleýmettik saqtandyrý, áleýmet­tik kómek berý, zańdyq jáne bank­tik qyzmet kórsetý máse­le­leri boıynsha «Nur Otan» HDP-nyń qoǵamdyq qabyldaýy bol­dy. Sonymen birge, aýdandyq aýrýhanada «Ashyq esik kúni» ót­kizilip, onda halyqqa dárigerlik kómek-keńes berildi. Aýdandyq jumyspen qamtý jáne áleý­met­tik baǵdarlamalar basqarma­sy­nyń basshysy Sáýle Dúısen­ba­e­va­nyń aıtýynsha, azamattarǵa bar­lyq másele boıynsha kómek kórsetildi. Mysaly, Eńbek jáne halyqty áleýmettik qorǵaý mı­nıs­trliginiń Baqylaý jáne ha­lyqty áleýmettik qorǵaý komıte­tiniń sarapshysy Raýshan Kósh­kinbekova óziniń qabyldaýynda bolǵan azamattardyń bárine túr­li keńes berdi. Onyń qabyldaý­yn­da 20-dan astam adam bolyp, zeınetaqyny kóbeıtý máselesi tý­raly mol maǵlumat aldy. So­nyń ishinde Atbasar qalasynda 30-40 jyl temir jol salasynda jumys istegen azamattar zeınet­aqyny ósirý týraly ótinishterin bildirdi. Qazir olar 40 000 - 45 000 teńge zeınetaqy alady eken. Bul ortasha zeınetaqy bolyp sa­nalady. Elimizde eń tómeńgi zeı­netaqy 16 000 teńge. Alaıda bas­qa salalarda zeınetaqy úste­me­lep berilip jatsa, temir joldyń burynǵy qyzmetkerlerine ondaı jeńildikter qarastyrylmaǵan kó­rinedi. Zeınetkerler osy má­seleni tilge tıek etti. Sondaı-aq Halıfa Batrýdtınova degen qala turǵyny ózi tyl ardageri ekenin, biraq ony rastaıtyn kýáger­ler­diń joqtyǵyn aıtyp, osy máse­leni oń sheshýdiń joldaryn su­ra­dy. Nátıjesinde osy másele boı­ynsha aýdandyq ardagerler keńesine qoldaý hat jiberiletin boldy. Qoǵamdyq qabyldaýda bol­ǵan múgedek ana Zámzegúl Zeı­tenovanyń úıine sý qubyryn tartý týraly ótinishi de qana­ǵat­tandyryldy. Al erli-zaıyp­ty zeınetkerler Begendik pen Rash Janabaevtar kezdesýde El­ba­sy­nyń aǵa urpaqty qoldaý­da­ǵy aza­mattyq isine rızashylyq­taryn bildirdi. «Nur Otan» partııasynyń qa­byldaý bóliminde de biraz máse­le qaraldy. Partııanyń ortalyq apparaty qoǵamdyq qabyldaý ból­mesiniń keńesshisi Asqar Qu­mar­baı kezdesýde eki másele sheshilgenin aıtty. Onyń alǵash­qysy, áke-sheshesi múgedek bala­nyń áskerı ýchılıshege oqýǵa túsý jóninde bergen ótinishi bolsa, ekinshisi jas otbasylardy turǵyn úımen qamtamasyz etý jaıy eken. Aýdandyq aýrýhanada jergilikti mamandar men jyl­jymaly medısınalyq keshenniń dárigerleri 729 adamdy qabyl­dasa, árbir maman 40-45 azamatqa dárigerlik kómek kórsetti. Mu­nyń aldynda olar sharanyń birinshi kezeńinde 3 442 adamdy qabyldasa, osy joly 12 kúnniń ishinde 10 000-nan astam adamǵa kómek kórsetýdi josparlaýda. Osy kúni Olımpıada chempı­ondary Ermahan Ybyraıymov pen Iýrıı Melnıchenko Balalar jáne jasóspirimder sport mektebinde sheberlik-synyptaryn ót­­kizip, bapkerlermen, sportshy­lar­men júzdesti. Odan keıin aý­dandyq mádenıet úıinde Elbasy N.Nazarbaevtyń balalyq shaǵy týraly «Balalyq shaǵymnyń as­pany» atty kórkem fılm men sharaǵa qatysýshylardyń halyq­pen kezdesýi, «Lokomotıv» sta­dıo­nynda sporttyq is-sharalar ótse, onyń sońy merekelik konsertke ulasty. Keshke ánshiler Altynbek Qorazbaev, Baǵdat Sá­medınova, «Gúlder» men «Ál­qıs­sa» bı ansambli, «Báıterek» toby qatysty. Al keshe tańerteń poıyz Hrom­taýǵa kelip jetti. Vokzal aldyn­da­ǵy alańda mıtıng ótti. Oǵan qa­lalyqtarmen qosa jaqyn jerdegi aýyl turǵyndary da jı­naldy. Saltanatty sharada Aqtóbe ob­lysynyń ákimi Arhımed Mu­hambetov, «Nur Otan» HDP Tór­aǵasynyń birinshi orynbasary Nurlan Nyǵmatýlın, Hromtaý aýdandyq «Qazaq tili» qoǵamdyq qorynyń tóraıymy Marııam Ju­maǵalıeva aksııanyń mán-ma­ńyzy týraly jurtshylyqqa ke­ńi­nen áńgimelep berdi. Odan keıin «Nur Otan» partııasy Tór­aǵasynyń birinshi orynbasary N.Nyǵmatýlın aýdandyq máde­nıet úıinde qabyl­daý júrgizdi. Bul jerde de ártúr­li máseleler kóterildi. Mysaly, Mádenıet úıi­niń janyndaǵy ha­lyq teat­ry­nyń rejısseri Aqti­lep Mal­ǵa­rın iri ónerkásip ón­di­risteri kóp­tep shoǵyrlanǵan qala­da ta­ǵy bir mádenıet oshaǵy qa­jet­ti­gin aıtqan. Ras, mádenıet úıi bar kórinedi, biraq ol 40 000 tur­ǵyny bar aýdan úshin jetkiliksiz dedi ol. Onyń qoıǵan máselesi sheshiletin boldy. Endi 2013 jy­ly mádenıet úıiniń irgesi qalan­baq. Qoǵamdyq qabyldaýǵa kelgen Aqtóbe mys kompanııasynyń la­bo­ranty Aına О́teshova «Nurly kósh» baǵdarlamasyna sońǵy 10 jylda óz tarıhı Otanyna qaı­typ kelgen oralmandardy qosý­dy surady. Ol qazir baǵdar­lamaǵa 2009 jyldan keıin kelgender ǵana kiretinin aıtsa, ká­siptik lıseı oqytýshysy Maral Birjanov aýyl-aımaqtarda kadr­lar jetispeýshiligi máselesin kó­terdi. Osyǵan oraı ol «Dıplommen – aýylǵa!» baǵdarla­ma­sy aıa­synda qamtylatyndardyń ishine qazirgi kezde joǵary sura­nysqa ıe ınjener, agronom, zootehnık sııaqty mamandardy qo­sý­dy usyndy. Osydan keıin jyljymaly medısınalyq keshenniń dáriger­leri men qarjy sektory, halyq­ty áleýmettik qorǵaý jáne eń­bekpen qamtý salasy mamandary turǵyndarǵa kómekterin kórse­tip, keńesterin berdi. Sol kúni kesh­ke merekelik konsert qoıyldy. Búgin aqparattyq-nasıhat po­ıy­zy ári qaraı baǵyt aldy. Kelesi aıaldama – Qandyaǵash qalasy. Odan keıin sharaǵa qa­ty­sýshylar Qulsary, Beıneý, Qa­zaq­stan, Aral, Jańaqorǵan, Ar­ys-2, Jańatas, Otar, Úshtóbe eldi-mekenderinde bolyp, 27 qyr­kúı­ek kúni Astanaǵa qaıtyp oralmaq. Dastan KENJALIN. Astana – Atbasar – Hromtaý.