Stýdentter tekserilýden ótýde

Jańa oqý jyly bastal­ǵa­ly beri Almaty qa­la­l­yq SPID-tiń aldyn alý men kúresý jónindegi ortalyǵy oqý mekemelerinde VICh ınfek­sııa­sy­nyń aldyn alý úshin aksııalar ótkizip jatyr. – Zertteýler kórsetip otyrǵan­daı, VICh dertin juqtyrýǵa beıim áleýmettik toptardyń ishinde birinshi kezekte jastar bar. О́kinishke oraı, olar ımmýn tapshylyǵy vı­rý­sy­nyń juǵý joldary men odan qorǵanýdyń amaldaryn bile bermeıdi. Sondyq­tan da jastardyń VICh-ınfek­sııa­sy­na shaldyǵýy ońaı, – deıdi medısına ǵylymda­rynyń kan­dıdaty Talǵat Bapıev. – Osy máselege oraı, qala­lyq SPID ortalyǵynyń qyzmetin­de­gi basym baǵyttyń biri – jastarmen jumys isteý bolyp tabylmaq. Al alma­ty­lyq stýdentter arasynda júrgizilip jatqan aksııalar jas­tar­ǵa VICh jáne SPID-tiń juǵý joldary, saqtaný jáne VICh-pen ómir súrip jatqan adamdarǵa túsi­nistikpen qa­raý týraly tolyq aqpar beredi. Aksııa barysynda arnaýly mamandar leksııa oqyp, trenıngter júr­gizilip, jastarǵa óziniń de, ja­qyn­darynyń da densaýlyǵyna júr­­dim-bardym qaramaý nasıhattalady. Eń bastysy, qajet dep tapqan stýdentter qupııa túrde tegin VICh-ke tekserilip, medısına qyzmet­ker­le­ri tarapynan keńes ala alady. Bul úshin oqý mekemelerine qajetti qu­ral-jabdyqtar ornatylǵan arna­ýly mobıldi laboratorııa kelip, birneshe mınýttyń ishinde eks­press-testi­leýdiń kómegimen qanda vırýs bar-joǵyn anyqtap bere alady. Almaty qalasyndaǵy SPID or­talyǵynyń jyljymaly labo­ra­to­rııa­sy QMEBI, S.Asfendııarov at­yn­daǵy ulttyq medı­sı­na­lyq, Qazaq memlekettik qyzdar pe­dagogıkalyq ýnıversıtetteri, Ag­rarlyq kolledj sııaqty oqý oryndaryna barady. Osy arada 2011 jyldyń al­ǵash­qy jarty jyldyǵynda, ıaǵnı 1 shildege deıin respýblıkamyzda ósińki qorytyndymen 16741 VICh-pozı­tıv­ti adam anyqtalǵanyn aıta ketsek deımiz. Bul – 100 myń adamǵa 101,8 adamnan keledi degen sóz. Aınash ESALI. Almaty.