Ciz ne deısiz?

О́ńir tolyq energetıkalyq táýelsizdikke jete ala ma? Keshegi keńestik kezeńde Oral óńiri Qazaqstannyń bir­­yńǵaı elektr júıesinen tym oqshaý ornalasty. Son­dyqtan da oblys tur­ǵyn­dary Reseıden tasymal­da­natyn elektr energııasyna kiriptar boldy. Táýel­siz­diktiń alǵashqy jyl­da­ryn­da mundaǵy elektr qýaty­nyń ımporty 80 paıyzǵa deıin jetkeni jóninde derekter bar. Al búgingi kórinis qandaı? «Egemen Qazaqstan» gazetiniń Batys Qazaqstan oblysyndaǵy tilshisi Temir Qusaıyn Batys Qazaqstan oblystyq energetıka jáne kommýnaldyq sharýashylyq basqarmasynyń bólim bastyǵy Qýanysh Sharafýtdınge: – Siz buǵan ne deısiz? – Bul is egemendiktiń eleń-alańynyń ózinde qolǵa alyn­dy. Osy maqsatta aımaq aýma­ǵynda birneshe gaztýr­bı­na­lyq elektr stansalary sa­lynyp, iske qosyldy. Onyń biri Kıoto hattamasy boı­yn­sha Qazaqstanda iske asy­ryl­ǵan tuńǵysh joba bolatyn. Sonyń nátıjesinde energe­tı­ka ımporty 20 paıyzǵa deıin tómendedi. Buǵan qosa, Chınarev kenishinde óndiristik qajettilikti qamtamasyz ete alatyn gaztýrbınalyq qon­dyr­ǵynyń qurylysy aıaqta­lyp keledi. Búgingi kúni Batys Qazaq­stan oblysy energetıkalyq táýelsizdiktiń qarsańynda tur dep túıin jasaýǵa tolyq negiz bar. Qazir energetıka ım­porty úlesin nebári 2-3 paı­yz­ǵa deıin túsirýge múm­kin­dik týyp otyr. Alaıda, Bókeı Ordasy, Jánibek aýdan­da­ry­nyń ortalyqtary jáne Jaq­sybaı aýyly Reseı Fede­ra­sııasynyń energetıkalyq júı­esine qosylǵan. Bul eldi mekender oblys ortalyǵynan shalǵaı ári Reseı Federasııa­sy­men shekaralas ornalas­qan. Sondyqtan «Alystan arbalaǵansha, jaqynnan dorbala» degen ustanymnyń dál osy arada qajet ekeni de talas týǵyzbaıdy. Nesi bar, kór­shimen qarym-qatynasy­myz jaqsy. Endeshe, ońtaıly ári tıimdi joldan nege bas tartamyz?! Degenmen, elektrmen jab­dyq­taý nysandaryn jospar­ly jóndeý jumystary kezinde jáne qys mezgilinde úde­meli júktemeni qamtamasyz etý maqsatynda baǵasy reseılikterden arzan Mań­ǵys­taý atom energııa­sy kom­bı­na­ty­nan elektr qýatyn oblysqa jet­kizýdiń rezervtik syzbasy ázir tur. Oral.