Sertke laıyq serpin

Elbasymyz Nur­sultan Na­zar­baevtyń Qyzyljar óńirine jumys sa­pary oblys dıqan­da­ryn bıik belesterge umtyl­dy­ryp, egin oraǵyn uıym­shyl­dyq­pen ót­ki­zýge erekshe dem berdi. Memleket bassh­y­sy soltústik­qa­zaq­stan­dyq­tar­dyń jaýapty naý­qandy uıym­dastyrýdaǵy biliktiligin atap kórsetip, mol astyqty ysy­rap­syz jınap ala­tynymyzǵa úlken senim bildirdi. Táýelsizdigimizdiń mereıli me­rekesi qarsańynda sertke saı serpin kórsetýdi aq­jarlyqtar da úlken abyroı sa­naıdy. Qa­zir­diń ózinde birqatar sharýa­shylyqtar astyq jınaýdy bitirip, kelesi jyldyń qamyna kirisip ketken. Máselen, oblystyq máslı­hat­tyń depýtaty Muhamedjan Luq­pa­nov basqaratyn «Luq­pa­nov» JShS 2300 gektar al­qa­p­tyń eginin ysyrapsyz qam­balap aldy. Gektar berekeliligi 17,5 sentnerge jetti. G. Mıtına jetekshilik etetin «Mıtın» ShQ shyǵymdy­lyq­ty 18 sentnerden aınaldyrdy. «Nan» sharýa qo­ja­lyǵy da bıik tabystarǵa qol jetkizdi. «Agrotehnıka Aqjar», «Men­jin», «Kıevskoe Sever» sekildi seriktestikter márege taıaý. «Bulan­baı» ShQ ár gektardan 25 sentner dán jınap, jarys kóshin bastady. Aqjar – astyqty aýdan­dar­dyń biri. Sońǵy 5 jyldyń ishin­de tyń jáne tyńaıǵan jerlerdi ıgerý esebinen egis alqaptary 320 myń gektarǵa deıin ul­ǵaı­dy. Dán­di daqyldar negizinen ja­zyq dalalarda ósiriletin­dik­ten, sapa­sy joǵary, balýyzy 23-ten kem emes. Byltyr qýań­shylyqqa qa­ra­mastan, túsim­di­lik 12 sentner bolsa, bıyl 17,5 sentnerden alýda­myz. Jyl ót­ken saıyn memlekettiń agrar­lyq salaǵa degen qarjylyq qol­daýy artyp keledi. Buryn­da­ry shet el­der­diń tehnıka­la­ryn satyp alýǵa ınvestorlar ǵana qaýqarly bolsa, qazir mashına-traktor parkin seriktestikter men sharýa qoja­lyq­tary da jańarta bastady. Sońǵy 5 jylda 6,7 mıllıard teń­gege 400-den astam shet el­derdiń qýat­ty tehnıkalary ákelindi. Kóktemgi, kúzgi dala jumys­ta­ry­nyń 75-80 paıyzy osyndaı alymdy tehnıkalarmen atqarylady. Ǵylym jetistikteri men ozyq tehnologııalar da keńinen qoldanylady. Prezıdent osy jolǵy jumys saparynda ylǵal saqtaýdyń nóldik tehnologııasyn keńinen ıgerýge tapsyrma berdi. Aýdanda ylǵal saqtaýdyń, topyraqtyń qunarlylyǵyn ke­mitpeıtin tásildi qoldanatyn agroqu­ry­lymdar barshylyq. Jumysty talapqa saı uıymdastyrýdyń arqasynda kún saı­yn 11-13 myń gektar alqaptyń astyǵy bas­tyrylýda. Oraqqa 400-ge jýyq kombaın tartylǵan. Janar-jaǵar maıdan tapshylyq joq. Tasymaldaý jumysy eki aýysymda atqarylyp, qyrmandar men elevatorlarda da jumys qyzý óris alǵan. Sóz arasynda Elbasynyń «Jańa on­jyl­dyq – jańa ekonomıkalyq órleý – Qa­zaqstannyń jańa múmkindikteri» Jol­daýynan týyndaıtyn talaptarǵa sáıkes ushqyr jobalardyń iske asyrylǵanyn aıta ketken jón. Solardyń biri – Ashykól aýylynda boı kótergen 60 myń tonnalyq astyq qabyldaý kásiporny. Onyń qury­lys jumystary men jabdyqtaý qon­dyr­ǵylaryna 600 mıllıon teńge jumsaldy. Astyq qabyldaý, keptirý, tazalaý jáne saqtaý kompıýter arqyly atqarylady. Ár­qaısysy 10 myń tonnalyq 6 syıym­dylyq, astyq óńdeıtin jáne keptiretin qondyrǵylar, qozǵaltqysh tasymalda­ǵysh­tar, júk vagondary men avtomobılderge arnalǵan elektrondy tarazylar shetelderdiń ozyq tehnologııasyna negizdelgen. Bıyl astyqtyń kútkendegiden de mol bolatynyn eskerip, ony saqtaý máse­lesine aıryqsha nazar aýdaryp otyrmyz. Astyq óndirisi salasyndaǵy bıik belesimiz el Táýelsizdiginiń 20 jyldyǵy merekesine arnalǵan torqaly tartýymyz bolmaq. Aǵzam TASTEMIROV, Aqjar aýdanynyń ákimi. Soltústik Qazaqstan oblysy.