Áńgime arqaýy – jún óńdeý klasteri

Qazaq ulttyq agrarlyq ýnıversıtetinde aýyl sha­rýa­shylyǵy salasyn turaq­ty damytýdyń mańyzdy má­se­leleri qashanda kún tár­tibine ótkir qoıylyp keledi. Taıaýda ýnıversıtettegi Qa­zaq-japon ınnovasııalyq ǵy­lymı ortalyǵynda ja­pon­dardyń bir top ǵa­lym­dary boldy. Bul basqosýǵa sonymen qatar tikeleı mal sharýashylyǵymen aınaly­sa­tyn óndiris, fermerlik, qosalqy sharýashy­lyq­tar­dyń jetekshileri men bas­shy­lary jáne ǵalymdar qa­ty­nasty. Áńgime barysynda elimizde zamanaýı jún óń­deý klasterin júzege asyrý joldary keńinen talqy ta­razysyna tústi. Ýnı­versıtettiń ǵylym jáne halyqaralyq baıla­nys­tar jónindegi pro­rek­to­ry Sho­qan Álpeıisov baǵa­ly shı­kizattyń qaınar kózi bolyp otyrǵan júnniń ush­an-teńiz paıdasy jaı­ly jan-jaq­ty áńgime­le­di. Bu­dan keıin sóz alǵan Qazaq-japon iskerlik jáne gýma­nı­tarlyq «Pro­gress» bir­­les­tik assosıa­sııa­sy bas­qar­ma­synyń tóraǵasy Horıgome Keııchı, osy assosıasııa basqarmasynyń mú­she­si Kavada Tadası, «TOWA» kom­panııasynyń prezıdenti Sato Keııchılerdiń kóteri­lip otyr­ǵan másele tóńire­ginde aıtqan oı-pikirleriniń qun­dy­­lyǵy nazar aýdarar­lyqtaı. «Qazaqstan Respýb­lı­ka­sy Pre­zıdentiniń «Qazaq­stan–2030» baǵdarlamasyn qol­daý» qoǵamdyq qorynyń pre­zıdenti Erbolat Qasy­mov, «Aqseńgir-Agro-MTS» fermerlik sharýashylyqtar birlestigi» JShS baqy­laý keńesiniń tóraǵasy, qu­ryl­taıshy Álimbek Ábıi­rov­ter de jún klasterin jasaýdyń ýaqyt talabyna saı keletin tıimdi jaq­taryna basa toqtaldy. Osy jıynda Qazaq­stan­da jún ónimderin óz máninde paıdalanýdyń quldyrap ket­kendigi keńinen sóz bol­dy. Al qazaq-japon arasyn­da­ǵy qarym-qatynas pen baı­la­nys arasyndaǵy ózara kelisim men memorandým Al­ma­ty, Qaraǵandy, Taldy­qor­ǵan, Shymkent aımaq­taryn­daǵy ortalyqtardan jún óńdeıtin zaýyttar ashýdy kóz­deıdi. Sonda ár zaýytta kem degende 300-ge jýyq adam jumyspen qamtylmaq. Qanat TÁKEBAEV, ýnıversıtet baspasóz qyzmeti ortalyǵynyń ókili. Almaty.