BOKSShYLAR BAQ SYNAIDY

Búgin Astanada eresekter arasynda boks­tan kezekti Qazaqstan chempıonaty basta­lady. Mundaǵy birneshe kún­nen beri kerilip turǵan sharshy alańda 23 qań­tarǵa deıin elimizdiń jer-jerinen jıylǵan by­lǵary qolǵap she­berleri baq synasatyn bolady. Qazir eki aıdan be­ri ulttyq qura­manyń bas bapkeri qyzmetin osy kezge deıin Oń­tús­tik Qa­zaqstan oblysy boks­shyla­ry­nyń tizgi­nin ustaǵan ha­lyq­ara­lyq dárejedegi sport she­beri Myr­zaǵalı Aıt­janovtyń atqaryp kele jatqany belgili. Boks federa­sııasy­nyń málimetterine qara­ǵanda, Astanada bir aptaǵa sozylatyn aı­qastarda Aıtjanov kúsh­­tiligimen, epti­li­gimen kózge túsken bylǵary qolǵap she­ber­lerin Qazaqstan ulttyq qura­­­masynyń sapyna jınaıtyn bolady. Bul osy synda qara úzip, chempıon atanǵan boksshylar en­di ulttyq qurama sapyna qosylyp, bıylǵy jyly ótetin jazǵy Azııa oıyndary men kelesi jyly Koreıanyń Býsan qalasynda jalaýyn kóteretin álem chempıonatyna barady degen sóz. Jalpy, Damır Býdanbekovtiń ornyna kelgen mamannyń boksshylardy jıi kezdes­tirip, qolǵap túıistirgizip jatqanyn tek jaqsy­lyqqa balaý kerek sııaqty. О́ıtkeni, mundaı aıqastar bir jaǵynan sharshy alańnyń shańyn qaǵyp júrgen boksshy­lardyń sheberligin arttyrsa, ekinshi jaǵynan áli el chempıonaty sekildi jaýapty báse­kelerge barmaǵan jastar úshin naǵyz tájirıbe alańy bolatyny sózsiz. Buǵan deıin ulttyq quramanyń tizginin ustaǵan Myrzaǵalı Aıtjanovtyń kózge túsken boks­shylardy iriktep alyp, Qazaqstan komandasyn birneshe básekelerge aparǵany belgili. Sóıtip, eki aıda úsh topqa iriktelgen ulttyq quramanyń boksshylary úsh halyqaralyq týrnırge qatysyp qaıtqan bolatyn. Onyń birinshisi, Ázirbaıjannyń Baký qalasynda ótken AIVA prezıdentiniń kýbogy jolyndaǵy týrnır bolsa, ekinshisi Reseıdiń Hanty-Mansı okrýginde munaıly elderdiń arasynda ótkizilgen álem kýbogy. Al úshinshisi Qaraǵandy qalasynda uıymdastyrylǵan Ǵalym Jarylǵapovty eske túsirýge arnalǵan halyqaralyq týrnır. Osy­lar­dyń ishinde Bakýde baq synaǵan boksshy­lary­myz elimizge bir altyn, bir kúmis jáne bir qola medaldi alyp keldi. Osy jerde aıta ketetin nárse, Ázirbaıjan astanasynda ótken aıqasta Aıtjanovtyń tól shákirti byltyr belgisiz sebeptermen álem chempıonatyna bara al­maǵan Birjan Jaqyp altynnan alqa taǵy­nyp qaıtty. Al Hanty-Mansıde ótkizilgen bá­sekede ulttyq qurama úsh qola júldege ıe bol­sa, Qaraǵan­dy­daǵy synda otandastarymyz qur­met tuǵyrynyń eń bıik satysynan kórine bildi. Onda 48, 54 kg. jáne asa aýyr salmaqtaǵy boksshylardan bas­qalarynyń bári bas júldeni oljalaǵanyn atap ótken jón. Munda kezinde kenshiler qalasynyń sharshy alańynda atoı salyp, jeńimpaz atanǵan Ermahan Ybyraıymov, Vasılıı Jırov, Gennadıı Golovkın, Serik Eleýovtiń jolyn 51 kg. salmaqtaǵy jas talant Jandos Ahme­tov, álemniń eki dúrkin chempıony Serik Sá­pıev pen basqa da boksshylar jalǵastyrdy. Mine, osyndaı básekelerge baryp, jańa taǵaıyndalǵan bas bapkerdiń qaramaǵynda jattyǵyp júrgen bylǵary qolǵap sheberleri búgin Astana tórinde birneshe jyldan beri kezegin kútip, kerilip turǵan sharshy alańnyń shańyn qaǵý úshin ózara kúsh synasatyn bolady. “Toıdyń bolǵanynan, boladysy qyzyq” demekshi, bul básekeni taǵatsyzdana kútken jankúıerler kóp. Sondyqtan bolar, chempıonatty uıymdasty­rýshylar onyń barynsha qyzyqty ári tartymdy ótýine qolda bar jaǵdaıdyń bárin jasap otyr. Boks federasııasynyń vıse-prezıdenti Janbolat Sársenov sııaqty osy sport túriniń aına­la­synda júrgen mamandar bıylǵy chempıonat­tyń ótken jyldarǵa qaraǵanda, erekshe bolatynyna jáne jaqsy nátıjelermen ári óte qyzyqty ótetinine senimdi. Qalaı bolǵanda da, shyn myqtyny jekpe-jektiń ózi kórsetedi. Qazir elimizde Serik Sápıev, Bir­jan Jaqyp, Ǵanı Jaılaýov, Oljas Sátti­baev, Baqytjan Qojabekov, Mereı Aqshalov, Bakýde ótken týrnırde reseılik boksshydan on bir upaı aıyrmasymen utylyp turyp, kezdesýdiń aıaqtalýyna sanaýly sekóntter qalǵanda qarsylasyn uryp jyqqan Rýslan Myrsataev, olardyń izin basyp kele jatqan Vasılıı Levıt, Jandos Ahmetov, Erjan О́mirjanov, Dýman Álimov, Azamat Belgibaev, Dáýren Eleýsinov syndy jas talanttar barshylyq. Sóz sońynda Astanada ótetin respýblıka chempıonatynyń jartylaı fınaldyq jáne aqtyq aıqastaryn jankúıerler 22-23 qańtar kúnderi “Qazaqstan” ulttyq telearnasynan tamashalaı alatynyn eskertkimiz keledi. Dastan KENJALIN.