Nıger saadıge baspana berdi

Nıger úkimeti Lıvııa kósemi Mýamar Kaddafıdiń balasy Saadıge baspana bergen. Osynyń aldyndaǵy kúni ol óziniń jolbasshylarymen birge Lıvııa jaǵynan Nıger eline kelip kirgen kórinedi. Nıgerdiń ádilet mınıstri Marý Amadýdiń aıtýynsha, áskerı patrýl Lıvııa shekarasy jaǵynan joǵary jyldamdyqpen kele jatqan avtomobılder tobyna nazar aýdarǵan. Áskerıler kolonnany toqtatqan kezde avtomáshınelerdiń birinde Saadı Kaddafıdiń bar ekeni anyqtalǵan. Onyń qasynda on adam bolǵan kórinedi. QURBANDARDY ESKE TÚSIRDI AQSh ótken demalys kúnderi 2001 jyldyń 11 qyrkúıeginde bolǵan ter­rorlyq akt qurbandaryn eske aldy. Nıý-Iorkte Búkilálemdik saýda orta­lyǵynda qaza tapqandarǵa eskertkish ashyp jatqan kezde búkil amerıkalyq arnaıy qyzmet jańa teraktini kútýmen bolǵan kórinedi. Máselen, Vashıngton áýejaıynda birneshe saǵat boıy bomba izdegen, biraq dabyl jalǵan bolyp shyqqan. AQSh tarıhynda oryn alǵan eń iri terrorlyq akt saldarynan 19 terrorshynyń syrtynda 2973 adamnyń qaza tapqany belgili. LIVAN EGEMENDIGIN MOIYNDAÝDY TALAP ETTI  Egıpet bıligi Izraılden Lıvannyń egemendigin bultaryssyz moıyndaýdy talap etti. Sonymen birge, resmı Kaır Izraıl áskerı-áýe kúshteriniń atalǵan eldiń aýmaǵymen ushýyn toqtatýdy da talap etken. «Maarıv» basylymynda jazylǵandaı, Egıpet syrtqy ister mınıstrligi Kaırdegi Izraıl elshiligine shabýyl jasalǵannan keıin eki kún óte salysymen osyndaı málimdeme jasaǵan. Ázirge Egıpet úkimetiniń mundaı málimdemesine Izraıl jaǵy eshqandaı jaýap qaıtarmaǵan kórinedi. ÁZIL TÚBI – ZIL Japonııanyń ekonomıka, eńbek jáne ónerkásip mınıstri Iosıo Hatıro «Fýkýsıma» stansasyndaǵy apatqa qatys­ty sátsiz qaljyńynan keıin otstav­kaǵa ketken. Daily Yomiuri basylymynyń habar­laýyn­sha, Hatıronyń «Fýkýsıma-1» stan­sasyna ınspeksııalyq saparmen barý kezinde aıtqan birqatar ázilderi janjaldyń týýyna sebepker. Ol atom elektr stansasy janyndaǵy turǵyn aýdandardy «eles-qalalar» dep ataǵan kórinedi. Sóıtip, jurtshylyqtyń ashý-yzasynan keıin ol otstavkaǵa ketetini týraly ótinish berýge májbúr bolǵan. ÁSKERI BAZA JANYNDAǴY JARYLYS Aýǵanstanda jankeshti jarylǵysh tıelgen avtomobıldi halyqaralyq kúshterdiń áskerı bazasynyń qaq­pasy aldynda jaryp jibergen. Aýǵanstannyń Vardak provınsııasynda oryn alǵan terakt saldarynan jaraly bolǵandar men qaza tapqandar sany 110 adamǵa jetken. Jaraqat alǵandardyń ishinde AQSh-tyń 77 soldaty da bar. Talıbterdiń baspasóz hatshysy Zabıýlla Mod­jahedtiń jýrnalısterge habarlaýyna qara­ǵanda, jankeshti otyrǵan avtomáshınede 100 kılodan astam jarylǵysh bolǵan kórinedi. ATOM ELEKTR STANSASY ISKE QOSYLDY Dúısenbi kúni Irandaǵy tuńǵysh «Býsher» atom elektr stansasynyń birinshi energoblogy iske qosyldy, dep habarlady RIA Novostı agenttigi. Qurylys Reseımen birlese júrgizil­gendikten Býsherde ótetin is-sharalarǵa Reseı energetıka mınıstri Sergeı Shmatko men Rosatom basshysy Sergeı Kırıenko qatysady. Atom elektr stansasynyń jobalyq qýaty 1 myń MVt.-ty quramaq. Taıaý bolashaqta stansa óz qýatynyń 34-40 paıyzy mólsherinde jumys isteıtin bolady. MUNAIShYLARDY IZDEÝ JALǴASÝDA Meksıka shyǵanaǵynda 8 qyrkúıek kúni joǵalyp ketken on munaıshynyń jeteýi tiri jáne olardy aman-esen qutqaryp alǵan. Munaıshylar 11 qyrkúıek kúni Meksıka jaǵalaýynan shamamen 80 shaqyrymdaı qashyqtyqta tabylǵan kórinedi. Qut­qarý­shylar tiri qalǵandarmen birge qaza tapqan 2 ju­mysshynyń da denelerin taýyp alǵan. Joǵalyp ketken sońǵy munaıshyny izdestirý áli de jalǵasýda. BEIBIT KELISSО́ZDERGE ORALÝǴA ShAQYRDY Izraıldik ShABAK jáne «Mossad» arnaıy qyzmetteri el úkimetine Palestına jaǵymen beıbit kelissózderge qaı­ta oralýdyń tıimdi ekendigin málim­degen. Bul týraly Izraıldiń qorǵanys mınıstri Ehýd Baraktyń tóńiregindegi aqparat kózderine silteme jasaı otyryp, «Gaares» basylymy habarlaǵan. Arnaıy qyzmettiń baıandama­larynda keltirilgen kózqarastardy premer-mınıstr Bınıamın Netanıahýǵa jáne úkimettiń basqa da múshelerine Baraktyń ózi jetkizgen kórinedi. Onyń aıtýynsha, eger Izraıl qatań baǵyt ustana beretin bolsa, munyń ózi eldiń halyqaralyq qoǵamdastyqtan oqshaý qalýyna aparyp soqtyrýy múmkin. BAQYLAÝ KÚShEITILMEITIN BOLDY Egıpet bıligi kúsheıtilgen vızalyq baqylaý jónindegi osyǵan deıin qabyldanǵan sheshimniń kúshin joıdy, dep habarlaǵan Associated Press agenttigi. Buǵan deıin ońaılatylǵan shemany paıdalanyp kelgen elderdiń azamattaryna shekaradan ótken kezde qujattar toltyrýǵa týra keletindigi jóninde habarlanǵan bolatyn. Egıpettiń týrızm mınıstri Mýnır Fahrı Abdel Nýr atap kórsetkendeı, kabınet qabyldanǵan sharalarǵa qatysty jergilikti halyq pen sheteldikterdiń reaksııasy eldiń týrıstik sektory úshin bolatyn teris zardaptardy bildiredi degen ortaq pikirge toqtalǵan. Osy oraıda týrıstik salanyń pıramıdalar eli úshin asa mańyzdy oryn alatynyn aıta ketý qajet. IаNÝKOVICh TÚRKIMENSTANǴA KELDI 12-13 qyrkúıek kúnderi Ýkraına prezıdenti Vıktor Iаnýkovıch resmı saparmen Túrkimenstanda bolady, dep habarlaǵan memleket basshysynyń baspasóz qyzmeti. Sapar barysynda ekonomıkalyq qyzmettestikti odan ári tereńdetý, atap aıtqanda, Ýkraınaǵa túrkimen gazyn jetkizýdi qaıta jolǵa qoıý máseleleri kóterilmekshi. О́ńirler partııasy fraksııasy basshysynyń orynbasary Anatolıı Kınah atap kórsetkendeı, sapar energııa kózderin jetkizý joldaryn ártaraptandyrýǵa yqpalyn tıgizetin bolady. Internet materıaldary negizinde ázirlendi.