Tilderi jatyq, oılary oramdy

Memlekettik tildi engizý úde­risi telekommýnıkasııa kompa­nııa­­lary júıesinde keńinen qol­daý taýyp, búgingi kúni belsendilikpen jalǵasyp keledi. 2007 jyly qazaq tiliniń qoldaný aıa­syn keńeıtý maqsatymen osy sala boıynsha birinshi respýb­lı­ka­lyq Tilder festıvaliniń uı­ym­dastyrylýy iske jańasha sıpat berdi. Sodan beri jyl saıyn eli­mizdiń ár óńirinde osyndaı ta­ǵylymdy basqosý ótkizý dás­túr­ge aınaldy. 5-shi Tilder fes­tıvaliniń shymyldyǵy «Til tu­tastyǵy – el tutastyǵy» degen atpen Qyzyljar óńirinde ashy­lyp, Qazaqstan Respýblıkasy Táýelsizdiginiń 20 jyldyǵyna arnaldy. Igi shara Parlament Má­jilisi depýtattarynyń, Ba­ı­la­nys jáne aqparat mınıstr­li­giniń, Soltústik Qazaqstan ob­ly­sy ákimdiginiń qoldaýyna ıe bolyp, uıymdastyrý jumysta­ryn «ALTEL» AQ oıdaǵydaı atqaryp shyqty. Festıvalge 6 iri telekommý­nıkasııalyq kompanııalar, atap aıt­qanda, «Qazaqtelekom» AQ, Qaz­poshta» AQ, «GSM Qazaq­stan» JShS, «Kar-Tel» JShS, «KazTransKom» AQ jáne «ALTEL» AQ qatysyp, «túri basqa – tilegi bir, júzi basqa – júregi bir» degen uranmen ózge ulttar­dyń ók­il­deri baq synasty. Fes­tıval­diń ashylý saltanatynda Aqpa­rat jáne baılanys mınıstrligi aqpa­rat jáne muraǵat komıteti tór­aǵa­synyń orynb­a­sa­ry, belgili pýb­lısıst, aqyn Erbol Shaımerdenov sóz sóılep, Qyzyljar óńi­rinde memlekettik tildi da­my­tý aıasy keńeıe tús­ke­nin, búgingi shara sonyń bir kó­rinisi ekenin aıta kelip, saıysqa qatysý­shy­lar­ǵa aq jol tiledi. «ALTEL» AQ-tyń departament dırektory Rınat Sı­sembaev bá­sekeli dodaǵa elimiz­diń ár óńi­ri­nen qazaq tili­niń maı­talman­da­ry men júırik­teri jı­nalǵanyn jetkizdi. Shara taqy­ryp aıasy­nyń keńdigimen erek­she­lenip, mem­lekettik tilmen qatar qazaq halqynyń salt-dás­túrle­rin, ádet-ǵuryptaryn, máde­nıetin jan-jaqty nasıhattaý maqsatyn kóz­degeni ańǵaryldy. Jasyra­ty­ny joq, kóptegen mekemeler men uı­ymdarda keńselik is-qaǵaz­dar­dy júrgizý memlekettik tilge kósh­kenimen, ekonomıka, bank, baı­lanys salalarynda pro­ble­ma­lardyń qordalanyp qal­ǵany ja­syryn emes. Osy jolǵy baı­qaý kóńildegi kúdik­terdi seıiltip, jan-jaqty izdenisimen, bilmekke qumarlyǵymen áser etti. Baı­la­nys salasy qyz­metkerleri men mamandarynyń qazaq tilinde erkin sóılep, oı­laryn anyq jetkizip, yńǵaıyna qaraı, ádemi ázildi de, oınaqy qaljyńdy da ara­las­tyryp oty­rýy kókeıge qondy. Máselen, qu­ramy kóp ultty «alteldikter» bar­lyq kezeń synda­ry­nan múdirmeı ótip, qa­zaq tilin jap-jatyq meńgerip al­ǵandaryn baıqatty. Olardan tilderi jatyq, oılary ora­lym­dy «qazaqtelekom­dyqtar» da qa­lyspady. Biri ózin «ultym tatar, júregim – qazaq» dep tanys­tyr­sa, ekinshisi «ana tilin bilmeıtin qazaqtardyń aldy­na úlgi bolýǵa shyqtym» dep ilip áketip, boı­daǵy namysty qam­shy­lap jatty. Basqa komandalar da jaqsy daıyndyqpen kelgenderin bildirip baqty. «Qazaqtelekom» AQ uıymdastyrý-baqylaý depar­ta­­men­tiniń jetekshisi Naǵıma Sma­­ǵulovanyń sózine qaraǵanda, bas dıreksııada 19 qazaq tilin úı­re­ný úıirmesi qurylǵan. Tyńdaý­shy­larǵa arnap arnaıy sózdik­ter, tilasharlar qurastyrylǵan. Demek, baılanys salalarynda da mem­lekettik tildiń mańyzy men qajettiligi barǵan saıyn artyp keledi degen sóz. Mundaı kóz­qa­ras aldymen tildi qurmet­teý­den bastaý alary anyq. «Qaz­Trans­Kom» AQ komandasy aty­nan kelgen Irına Pak ta qazaq tilin úı­rený eshqandaı qıyn­dyq­qa soq­paǵanyn alǵa tartty. Qazylar alqasy aqyldasa kelip, birinshi orynǵa «ALTEL» AQ pen «Qazaqtelekom» AQ qura­ma komandalaryn laıyq dep tap­ty. Ekinshi oryndy «Qazposh­ta» AQ, úshinshi oryndy «GSM Qazaq­stan» JShS jeńip aldy. Jeńim­pazdar men júldegerlerge aýys­pa­ly kýbok, baǵaly syı­lyq­tar men Baılanys jáne aq­parat mı­nıstrliginiń qurmet dıp­lomdary tabys etildi. Jeke saıysshylar arasynda I, II or­yn­dardy «Qa­zaq­telekom» AQ-tyń qyzmet­ker­leri Elına Ivanova men Elena Kosenkova, III oryndy «ALTEL» AQ ókili Nıkolaı Sobotovıch ıelendi. Jeti atalym boıynsha je­ńimpazdar anyqtaldy. «ALTEL» AQ balalar úıine arnaıy syı-sııapattar tartý etti. О́mir ESQALI. Soltústik Qazaqstan oblysy.