Tolysý men kemeldený kezeńi

Memleket basshysynyń atyna Ońtústik Qazaqstan oblysynyń zııaly qaýym ókilderi atynan hat keldi, dep habarlady Qazaqstan Respýblıkasy Prezıdentiniń baspasóz qyzmeti. Hat ıeleri elimizdiń ekonomıkasynyń ósip-órkendep kele jatqanyn atap ótip, ásirese, Ońtústik Qazaqstan oblysynyń damýyna memleket tarapynan jan-jaqty qoldaý kórsetilip kele jatqanyna zor rızashylyq sezimderin bildirgen. Odan ári ońtústiktik zııaly qaýym ókilderi: «Oń­tústik óńirinde turǵyndardyń ál-aýqatynyń artýyna memleket barlyq jaǵdaı jasap keledi. Sonyń bir ǵana aıǵaǵy – ótken  jyly 75 densaýlyq saqtaý mekemesi, 60 bilim berý nysany el ıgiligine berildi. Elbasy bas­ta­masymen qolǵa alynǵan «100 mektep, 100 aýrýhana» jáne «Balapan» baǵdarlama­lary­nyń aıasynda bıylǵy jylǵy 1 qyrkúıekte 17 mektep, 7 balabaqsha jańadan ashyldy. Apattyq, úsh aýysymdyq mektepterdiń problemalary oń sheshimin tapty. Osynyń ózi táýelsiz elimiz úshin árbir jyldyń tolysý, kemeldený jylyna aınalǵandyǵyn aıqyn kórsetedi. Bolashaqqa nyq qadam basyp kele jatqan memleketimiz budan da orasan tabystar men bıik belesterdi baǵyndyra alatynyna kámil senemiz», dep jazady. Prezıdenttiń el múddesi jolyndaǵy eren eńbegine tolaıym tabystar, zor densaýlyq jáne otbasyna amandyq-saýlyq tilegen hatqa Keńes Odaǵynyń Batyry T.Qaýymbaev, Sosıalıstik Eńbek Erleri B.Shúkirbekov pen T.Aǵabekov, OQO ardagerler keńesiniń tóraǵasy J.Máýlenqulov, Qazaqstannyń eńbek sińirgen qaıratkeri M.Baıǵut, professor Á.Ombaev, oblystyq slavıan mádenı ortalyǵynyń tóraǵasy Iý.Kırıýhın, oblystyq ózbek etnomádenı bir­lestiginiń tóraǵasy I.Hashımjanov, Qazaq­stan koreıleri assosıasııasy oblystyq fılıalynyń tóraǵasy Iý.Iýgaı, eńbek ardageri, general-maıor J.Sultanov, jáne t.b. qol qoıǵan.