Sýret: gov.kz
157 607 080 000 Bıyl 8 aıda bıýdjetke túsken kedendik tólemder men salyqtar kólemi osynsha teńgeni qurady. Qazaqstan, Reseı, Belarýs elderi qurǵan Keden odaǵyna baılanysty el shebindegi keden beketteri jabylǵanmen, kórshiles memleketter arasyndaǵy barys-kelis, alys-beris toqtaǵan joq. Syrtqy saýdada da taýar aınalymynyń kórsetkishi tómendemedi. Kedendik túsimder men salyqtar ósti. Máselen, bıylǵy 8 aıda Atyraýda kedendik tólemder men salyqtar túsimi 157 mıllıard 607 mıllıon 80 myń teńgeni qurady. Bul – ótken jyldyń osy kezeńindegi kórsetkishpen salystyrǵanda 4,2 ese kóp degen sóz. Sonymen qatar, syrtqy saýda aınalymynda da qarqyndy jandaný bar. Jyl basynan bergi 8 aıda syrtqy saýda aınalymy 18 mıllıard 373 mıllıon AQSh dollaryn qurap, byltyrǵydan 38,8 paıyzǵa ulǵaıǵan.
Joldasbek ShО́PEǴUL. Atyraý oblysy.
59 623 2011 jyldyń ekinshi toqsanynda oblys boıynsha ortasha eńbekaqynyń kórsetkishi osynsha teńgeni qurady. Bul – ótken jyldyń sáıkes merzimimen salystyrǵanda 6,8 paıyzǵa artyq. Jalaqynyń ortasha kórsetkishi kúnkóris deńgeıinen 4 ese, eń tómengi eńbekaqy mólsherinen 3,7 ese asyp tústi. Osy merzimde eń joǵary jalaqy qarjy jáne saqtandyrý qyzmeti salasynda (87 724 teńge) tirkeldi. Bul – oblystyq ortasha kórsetkishten 1,5 ese kóp. Sondaı-aq, Stepnogor, Kókshetaý qalalarynda, Eńbekshilder, Zerendi jáne Býrabaı aýdandarynda eńbekaqy mólsheri orta deńgeıden joǵary boldy. Atalǵan óńirlerdegi kórsetkish 60 471 men 68 199 teńge aralyǵynda. Jaqsy aýdanynda aılyq jalaqynyń ortasha deńgeıi 44 415 teńgeni qurap, oblystaǵy eń tómengi kórsetkish tirkelip otyr.
Baqbergen AMALBEK. Aqmola oblysy.
1 272 Sońǵy jyldary «Dıplommen – aýylǵa» joldamasymen elde eńbek etip, qyzmet jasaýǵa osynshama jas maman kelipti Jas mamandardyń arasynda 1049 muǵalim, 201 dáriger, 22 mádenıet qyzmetkeri bar. Aýylǵa kelgen osy jastardyń barlyǵy da memleket tapsyrmasyna oraı tıisti qoldaýǵa ıe boldy. Iаǵnı, jas mamandarǵa 70 myńnan 500 myń teńgege deıin jergilikti bıýdjetterden kómek kórsetildi. О́tken jyly jeńildetilgen nesıe júıesi arqyly 156 jas maman úı aldy. Bıyl olarǵa arnalǵan aýyldaǵy, aýdan ortalyqtaryndaǵy nesıe júıesimen alynatyn páter quny tómendemekshi. Bul joo bitirgen jastardy aýylǵa shaqyrýǵa jaqsy jol ashady.
Farıda BYQAI. Pavlodar.
