Kóńilden shyqqan kezdesýler

El Táýelsizdiginiń 20 jyldyǵyna oraı  jolǵa shyqqan úgit-nasıhat poıyzy toǵyz joldyń torabynda ornalas­qan shejireli meken Qandyaǵash qalasyna keldi. Qalanyń temir jol vok­za­lynda ádettegideı Astanadan bastaý alyp, elordanyń ystyq sálemimen birge janashyrlyq iltıpatyn ala kelgen poıyzdy qarsy alý saltanaty ótti. Oǵan «Nur Otan» HDP ob­lys­tyq bóliminiń tóraǵasy, ob­lys­tyq máslıhat hatshysy Bal­ǵalı Ordabaev, Muǵaljar aýdanynyń ákimi,  partııanyń aýdandyq bóliminiń tóraǵasy Serik Shanǵutov pen arnaıy poıyzdyń músheleri qatysyp, sóz sóıledi. Saltanatty sharadan keıin quramynda «Nur Otan» HDP Ortalyq appa­raty­nyń, Ádilet, Eńbek jáne halyqty áleýmettik qorǵaý, Den­saýlyq saqtaý, Týrızm jáne sport mınıstrlikteri men Ulttyq banktiń qyzmet­ker­leri bar kerýen-poıyzdyń músheleri óz salalary boı­yn­sha aýdan turǵyndarynyń suraq­taryna jaýap berip, máselelerin sheshý úshin qabyldaýlar  júr­gizýdi jalǵastyrdy. Muǵaljar aýdany 1997 jyly burynǵy Oktıabr jáne Muǵal­jar aýdandaryn biriktirý nátı­jesinde qurylǵan aýdan. Onyń jer kólemi 27,8 myń sharshy km., halqynyń sany – 67,4 myń adam. Aýdanda 3 qala, 12 aýyldyq okrýg bar. Qaı jerde bolsa da  árbir azamattyń jeke basynyń problemalary, kópten beri sheshilmeı  jatqan más­e­le­leri­niń bolatyny jasyryn emes. Sondyqtan aýdan tur­ǵyndary Elba­sy­nyń bastama­sy­men jolǵa shyqqan «Meniń Qazaq­sta­nym» poıyzyn tań­ert­eń ertemen temir jol vokzalynda qar­sy alyp,  óz­de­rin tolǵan­dy­ryp júr­gen másele­le­rin  sheshý úshin aýdan ortalyǵynda ótki­zil­­gen barlyq is-sha­raǵa qatysty. Bul kezdesýlerde azamattarǵa zeınet­aqy­men qamta­ma­syz etý, áleý­mettik kómek, áleýmettik saqtan­dy­rý, zańdyq jáne banktik qyz­met kórsetý má­seleleri boıynsha  jaýaptar berildi. Máselen,  aýdan­dyq ju­mys­­pen qamtý jáne áleýmettik baǵ­darlamalar bóli­minde zeınet­aqyny kóterý, soǵys jáne eńbek ardagerleri men múge­dek­terge kómek kórsetýge baıla­nysty má­se­leler qaraldy. Onyń ishinde, zeı­net jasyn azaıtý, zeı­net­aqy­syn kóbeıtý, kezinde den­saýlyǵyna baılanysty zeınetke erte shyqqan azamattarǵa jeńil­dik­ter berý máselesi kóterildi. Kezdesýde Eńbek jáne halyqty áleý­mettik qorǵaý mınıstrliginiń mamandary azamattardyń barlyq ótinishterin qarap, olarǵa tıisti jaýap beriletinin jetkizdi. Osy jerde aýdan turǵyndary mı­nıs­tr­liktiń mamandaryna ótinishte­rin aıtyp qana qoımaı, aýdanda jumyspen qamtý, múgedekterdiń máselesin sheshýde istelinip jat­qan jumystarǵa toqtalyp, bala­lary men nemereleriniń jumys­syz júrmeı, eńbekaqysyn alyp, el qatarly azamat bolyp qalyp­ta­syp jatqandaryn aıtty. Soǵan rızashylyqtaryn bildirdi.  Ju­mys­pen qamtý jáne áleýmettik baǵdarlamalar bóliminiń  basty­ǵy Aıdynǵalı Shotovtyń aı­týyn­sha,  aýdanda jumysqa ja­ram­dy 37 000 adam bolsa, sonyń ishinde jumyssyz júrgenderi 109 adam. Bul aýdan boıynsha 0,7 paı­yzǵa teń. Qazir osy aza­mat­tar­dy jumyspen qamtý úshin bar­lyq múmkindikter qarastyry­lý­da. Múgedekterge 50 paıyz je­ńil­dik berilip otyr. Oblysta 1,2,3 toptaǵy múgedekterge aı saıyn   3 000 teńge kóleminde kómek beriledi. Sonymen birge oblys bıýd­jetinen so­ǵys ardagerlerine te­ńes­tirilgen, olardyń jesirleri men aýǵan so­ǵysy men tyl ar­da­gerleriniń kommýnal­dyq qyzmeti 50 paıyz je­ńil­dikpen tólense, soǵys a­rdagerleriniń kommý­nal­dyq qyzmet aqysy 100 paıyz ob­lys bıýdjetinen tóle­nip keledi. Osy kúni «Nur Otan» partııasynyń qabyldaý bóliminde aza­mattar kó­bi­ne baspana má­se­lesi boıynsha ótinishterin aıtsa, aýdandyq aýrýhanada turǵyndar­ǵa dárigerlik kómek kórsetildi.  Ádi­let mınıstrligi men Ulttyq banktiń qyzmetkerlerimen  kezdesýde de azamattar ózderine tıesili jaýaptaryn aldy. Osydan keıin Qandyaǵashta Olımpııada chempıondary Ermahan Ybyraıymov pen Iýrıı Mel­nıchenko bapkerlermen jáne sport­shylarmen kezdesip, bala­lar­ǵa sheberlik klastaryn kór­setse, aýdandyq mádenıet úıinde «Balalyq shaǵymnyń aspany» kórkem fılmi men «Báıterek» derekti fılmi kórsetildi. Keshke qaraı is-shara  merekelik konsertpen jalǵasty. Dastan KENJALIN. Aqtóbe oblysy, Muǵaljar aýdany.