Jemqorlyqpen kúres sharalary odan ári kúsheıtiledi

Keshe Aqordada Qazaqstan Respýblıkasynyń Memlekettik hatshysy Qanat Saý­da­baevtyń tóraǵalyq etýimen Qazaqstan Respýblıka­sy­nyń Prezıdenti janyn­da­ǵy Sybaılas jem­qor­lyqqa qarsy kúres máseleleri jó­nindegi komıssııanyń oty­rysy bolyp ótti. Memleketimizdiń sybaılas jem­qorlyqqa qarsy stra­te­gııa­syn iske asyrý úshin aýqymdy jumystar aıasynda Elbasy Nur­sultan Ábishuly Nazarbaevtyń tapsyrmasy boıynsha sybaılas jemqorlyqqa qarsy kúresti kú­sheıtý jáne quqyq qorǵaý júıe­siniń reformasyn júrgizý baǵy­tynda odan ári tıisti sharalar qabyldanyp jatyr, dedi Qanat Saýdabaev komıssııa otyrysyn ashardaǵy sózinde. Osylaı deı kelip, Memlekettik hatshy Elbasynyń Parlamentte sóılegen sózine toqtalyp ótti. Degenmen, dedi osy týraly Q.Saýdabaev, Memleket basshysy tórtinshi shaqyrylymdaǵy Par­la­menttiń besinshi sessııasynyń ashylýynda sóılegen sózinde: «Qu­qyq qorǵaý tártibin nyǵaı­tý­dyń mańyzdy aspektisi – sy­baı­las jemqorlyqqa qarsy ymyra­syz kúres. Sybaılas jemqor­lyq­qa qarsy zańnamany osy derttiń alǵysharttaryn boldyrmaıtyn naqty normalarmen tolyqtyrý qajet», dep atap kórsetken edi. Sondyqtan sybaılas jemqor­lyq­tyń kórinisterimen tabysty kúresý úshin qysqa merzim ishinde zańdy kúshi bar naqty da aıqyn quqyqtyq normalar baza­syn kú­sheıtý qajet. Osyndaı tásil Pre­zıdenttiń sybaılas jemqor­lyq­pen kúrestegi usta­nym­daryn iske asyrýǵa sózsiz múmkindik beredi. Otyrysta memlekettik organ­dar­dyń kóshi-qon zańnamasyn qol­daný jónindegi qyzmetine pro­kýratýra organdarynyń júr­gizgen tekserý nátıjeleri men Aqmola jáne Almaty oblystary ákimdikteriniń sybaılas je­m­qor­lyq­qa qarsy kúrestiń aımaqtyq máselelerin iske asyrýda qabyl­dap jatqan sharalary boıynsha Bas prokýrordyń birinshi oryn­basary I.Merkeldiń, Ishki ister mınıstri Q.Qasymovtyń, sondaı-aq atalǵan oblystardyń ákimderi S.Dıachenko men A.Musahanovtyń baıandamalary tyńdaldy. Otyrystyń qorytyndysynda komıssııa Ishki ister mınıstrligine, Aqmola jáne Almaty oblys­tarynyń ákimderine halyqtyń kóshi-qonyn retteý salasynda sybaılas jemqorlyqtyń aldyn alýdy odan ári jetildirý, sondaı-aq Sybaılas jemqorlyqqa qarsy is-qımyldyń 2011-2015 jyl­dar­ǵa arnalǵan baǵdarlamasyn júzege asyrý boıynsha pármendi sharalar qabyldaý jóninde naqty usynymdar jasady. Álısultan QULANBAI.