Radıobaılanys quraldary ózimizde shyǵady

Keshe Qorǵanys mınıstri Ádilbek Jaqsybekov radıo­baı­lanys quraldaryn jasaıtyn «Tales Kazahstan Injınırıng» zaýytyn saltanatty jaǵdaıda ashty. «Kazınjelektronıks» qor­ǵa­nys kásipornynyń bazasynda bi­rigip ÝQT jáne QT-dıapa­zon­dy baılanys quraldarynyń úshin­shi, tórtinshi býynyn shy­ǵa­rý qolǵa alynbaq. Bul joba Qazaqstan men Fran­sııa prezıdentteri Nursul­tan Nazarbaev pen Nıkolıa Sar­kozıdiń eki el arasyndaǵy yn­ty­maqtastyqty keńeıtý jónin­de­gi kelisimderiniń tájirıbe jú­zinde júzege asýynyń al­ǵash­qy kezeńi. «Kazahstan ınjınırıng» pen «Tales» kompanııasynyń bir­lese atqarǵan jumysynyń nátıjesinde zamanaýı tehno­lo­gııa­lyq bazasy bar kásiporyn qu­ryldy. Fransýzdyń «Tales» kom­panııasy áskerı jáne aza­mat­tyq maqsattaǵy joǵary teh­no­logııaly elektrondy júıeni ja­saýda jáne shyǵarýda álem­degi kóshbastaýshylardyń biri. Fransııa TMD elderi ara­synda Qazaqstanǵa birinshi bo­lyp óz armııasynda jáne qy­ryq­tan astam elderde qolda­ny­latyn jańa tehnologııasyn berip otyrǵandyǵyn atap ótken jón. Qazaqstan úshin mundaı ón­diristi iske qosý údemeli ın­dýs­trııalyq-ınnovasııalyq damý baǵdarlamasynyń mańyzdy elementi bolyp sanalady. – Búgin biz ulttyq radıo­elek­trondy ónerkásiptiń dúnıe­ge kelgenine kýá bolyp turmyz jáne de onyń shyǵarǵan ónimi aldyńǵy qatarly sapa stan­dar­tyna saı bolýy tıis,– dep atap ótken Qazaqstan Qorǵanys mınıstri Ádilbek Jaqsybekov, «Tales Kazahstan Injınırıng» elimizdegi mańdaıaldy kásip­oryn­dardyń biri bolatynyna senim bildirdi. Júnis OMAR, Qorǵanys mınıstrligi baspasóz qyzmetiniń bólim bastyǵy, polkovnık. ---------------------------------- Sýretti túsirgen  Ermek Sarbasov.