Jańa oqý jyly bastaldy

«Nur Otan» HDP Joǵary partııa mektebinde jańa oqý jyly bastaldy. Mektep byl­tyr ashylǵan bolatyn. Osy ýa­qyt ishinde bul jerde 1,5 myńǵa jýyq partııa qyzmetkeri, sonyń ishinde Ortalyq apparattyń 30 qyz­met­keri oqyp shyqty. Joǵa­ry partııa mektebiniń mate­rıal­dyq-tehnı­ka­lyq bazasy, oqytý ádis-tásilderi, oqytýshylar qu­ramy qalyptasyp úlgergen. Pre­zıdent, «Nur Otan» partııa­sy­nyń Tóraǵasy Nur­sul­tan Nazarbaevtyń partııalyq-saıa­sı oqý jelisin nyǵaıtý jó­nin­degi nus­qaýlary boıynsha mektep fı­lıaldary ashylýda. Qazirgi ýa­qytta olar Almaty men Aq­tó­be qalalarynda ashylyp, oıda­ǵydaı jumys isteýde. Qysqa merzimde mektep fılıaldaryn 300 bas­taýysh partııa uıym­da­ry­nyń jetekshileri oqyp shyq­ty. Qazan aıynda Semeı qala­synda mekte­p­tiń shyǵys­qazaq­stan­dyq bólimi ashylady. Alǵashqy semınar eldi áleý­mettik-saıası jańǵyrtý jaǵdaı­yn­daǵy partııa qyzmetiniń ba­sym­­dyqtaryna arnalǵan. Jańa oqý sıklyn «Nur Otan» par­tııa­sy Tóraǵasynyń birinshi oryn­ba­sary ashty. Nurlan Nyǵma­týlın­niń aıtýynsha, Elbasy, partııa Tóraǵasy Nursultan Nazarbaev belgilep bergen ındýstrııalyq-ınnovasııalyq damý strategııasy shaǵyn jáne orta bızneske qol­daý jasaý men adam kapıtalynyń sapasyn arttyrýdy qamtıdy. Reformalardyń túpki maqsaty – barsha qazaqstandyqtardyń ál-aýqatyn arttyrý. Bıylǵy oqý jylynda bul jer­de oblystyq, qalalyq, aýdan­dyq partııa fılıaldarynyń jáne elimizdiń barlyq aımaq­tary­nyń bastaýysh partııa uı­ym­dary jetekshileri oqıtyn bola­dy. Oqý ornynyń basty maqsaty partııa­lyq-saıası elıtany qa­lyp­tas­tyrý bolyp tabylady. Qo­ǵam­da bolyp jatqan oqıǵalarǵa der kezinde jaýap bere alatyn, jaýapkershilik se­zimi joǵary, memlekettik saıa­sat­ty júrgizetin ma­man­­dardyń asa qajet ekeni daýsyz.