Qazaqstan Respýblıkasy Úkimetiniń qaýlysy № 1055

2011 jylǵy 14 qyrkúıek, Astana, Úkimet Úıi Kondıterlik ónimderdiń keıbir túrlerin ákelýge qatysty qorǵaý sharalaryn engizý týraly «Taýarlar ımporty jaǵdaıynda ishki rynokty qorǵaý sharalary týraly» Qazaqstan Respýblıkasynyń 1998 jylǵy 28 jeltoqsandaǵy Zańynyń 21-babyna sáıkes Qazaqstan Respýblıkasynyń Úkimeti qaýly etedi: 1. Mynalarǵa: 1) Keden odaǵynyń Syrtqy ekonomıkalyq qyzmetiniń taýar nomenklatýrasynyń 1704 90 710 0, 1704 90 750 0 kodtarymen jikteletin, quramynda kakao joq, ishinde qospasy bar nemese qospasy joq muz kámpıtten jasalǵan karamel, toffı, ózge de karamelder jáne soǵan uqsas táttiler ákelýge qatysty kedendik qunynyń 30%-y mólsherinde, biraq 1 kg úshin keminde 0,27 evro; 2) Keden odaǵynyń Syrtqy ekonomıkalyq qyzmetiniń taýar nomenklatýrasynyń 1806 90 110 0, 1806 90 190 0 kodtarymen jikteletin, quramynda alkogoli bar jáne joq, ishinde qospasy bar nemese qospasy joq shokoladty kámpıtter ákelýge qatysty kedendik qunynyń 49 %-y mólsherinde, biraq 1 kg úshin keminde 0,8 evro; 3) Keden odaǵynyń Syrtqy ekonomıkalyq qyzmetiniń taýar nomenklatýrasynyń 1806 90 500 1, 1806 90 500 2, 1806 90 500 9 kodtarymen jikteletin, qanttan jáne quramynda kakao bar qantty almastyratyn ónimderden ázirlengen onyń almastyrǵyshtarynan jasalǵan kondıterlik ónimderdi ákelýge qatysty kedendik qunynyń 39 %-y mólsherinde, biraq 1 kg úshin keminde 0,42 evro qorǵaý bajdary 3 jyl merzimge engizilsin; 2. Qazaqstan Respýblıkasy Qarjy mınıstrliginiń Kedendik baqylaý komıteti kedendik deklarasııalaý kezinde osy qaýlynyń 1-tarmaǵynda kórsetilgen qorǵaý bajyn alsyn. 3. Qazaqstan Respýblıkasy Ekonomıkalyq damý jáne saýda mınıstrligi Qazaqstan Respýblıkasy Syrtqy ister mınıstrligimen birlesip, belgilengen tártippen múddeli shet memleketterdi, sondaı-aq Eýrazııalyq ekonomıkalyq qoǵamdastyqtyń Integrasııalyq komıtetin Qazaqstan Respýblıkasynyń osy qaýlynyń 1-tarmaǵynda kózdelgen qorǵaý sharalaryn engizgeni týraly habardar etsin. 4. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.