Joǵarǵy palata alǵashqy otyrysyn ótkizdi

Keshe Senat Tóraǵasy Qaırat Mámıdiń jetekshiligimen pa­la­tanyń besinshi sessııadaǵy alǵashqy otyrysy bolyp ótti. Tór­aǵa Elbasynyń sessııany ashý kezindegi sózinde depýtattyq kor­pýs jumysyn joǵary baǵalaǵanyn jáne zań shyǵarýshy or­gan óziniń aldyndaǵy mindetterin aıqyndap bergenin erekshe atady. Memleket basshysy Parlament palatalarynyń birlesken otyrysyndaǵy sózinde jedel qa­byldanýǵa tıisti jıyrma zańdy  tórt blokqa bólip qamtyǵan bolatyn. Senat Tóraǵasy qazirgi kezde Senat pen Májilistiń qa­raý­ynda jatqan zańdar da bar eken­digin jetkizdi. Osy rette Q.Mámı jańadan saılanǵan depýtattar óz mindetterin sapaly oryn­daýla­ry­na jáne jańa qyzmetterinde tabysty bolýlaryna tilektestigin de bildire ketti. Qazaqstan Táýelsizdiginiń 20 jyldyǵy Deklarasııasyn qabyl­daý jónindegi Parlamenttiń bas­ta­masyna qatysty ıdeıany Prezıdent Nursultan Nazarbaev  qol­daǵany belgili. Memleket basshysy «Deklarasııa qoǵamdy toptastyrýdaǵy jańa mańyzdy qujat bolady», dep atap ótken bolatyn. Osy týraly spıker qu­jat­tyń saıası jáne tarıhı ma­ńyzyn eskere otyryp, biz Dek­la­rasııany Parlament palata­la­ry­nyń birlesken otyrysynda qa­byl­daýdy oryndy dep sanaımyz, dedi. Parlament reglamentine ózge­rister men tolyqtyrýlar engizý jónindegi jumystar jalǵasyp jatqany, bul másele boıynsha da Parlament palatalarynyń birlesken komıssııasy qurylǵany belgili boldy. Otyrystyń kún tár­ti­bine sáıkes depýtattar óz árip­testerin Senattyń turaqty ko­mıtetteriniń quramyna saı­la­dy. Sondaı-aq S.­Á.Qul­ma­ǵam­betov pen A.V.Gorıaınovty Res­pýb­lıkalyq bıýdjettiń atqa­ry­lýyn baqylaý jónindegi esep ko­mıtetiniń músheligine taǵaıyn­dady. Otyrys sońynan Senat Tór­aǵasy birqatar buqaralyq aqpa­rat quraldary ókilderiniń qoıǵan saýaldaryna oraı, memlekettik til máselesi týraly óz pikirin bildirdi.  Qazaqstanda qazaq tili­niń mártebesi tolyqtaı saqta­la­dy. Bizdiń Ata Zańymyz boıynsha qazaq tili memlekettik til bolyp qaldy jáne qala beredi. Ony ózgertý týraly zańǵa eshqandaı ózgeris engizileıin dep otyrǵan joq, dedi Qaırat Mámı. Memlekettik tildiń qoldaný aıasyn keńeıtý  barshaǵa ortaq másele ekendigin tilge tıek etken Tóraǵa Ata Zańda qazaq tili memlekettik til bolyp bekitilgen jáne solaı bolǵandyqtan da Konstıtýsııa bizdiń árqaısymyzǵa tek qana quqyq berip qoımaı, min­det te júkteıtindigin atap ótti. Sondaı-aq, tilimizdiń már­te­besi zańda belgilengenin jáne ar­naıy baǵdarlama qabyldanǵanyn, sol baǵdarlamalardyń ýaqy­tyn­da sapaly oryndalýyn qoǵamdyq baqylaýǵa alý, sol úshin talapty kúsheıtý kerektigine de toqtaldy. Asqar TURAPBAIULY.