Deklarasııa – qoǵamdy toptastyrýdaǵy mańyzdy qujat

Keshe Parlament Senatynda spıker Qaırat Mámıdiń tóraǵalyq etýimen Qazaqstan Respýblıkasy Táýelsizdiginiń 20 jyldyǵy Deklarasııasynyń jobasyn talqylaý boıynsha keńes boldy. Keńeske Memlekettik hatshy Q.Saýdabaev, Senat Tóraǵasynyń oryn­ba­sa­ry A.Sýdın, Májilis Tóraǵasy­nyń orynbasary J.Ká­ri­b­janov, Prezıdent Ákim­shi­ligi Bas­shy­synyń orynbasary T.Do­na­qov, Bilim jáne ǵylym mınıstri B.Ju­maǵulov, Baılanys jáne aqparat mınıstri A.Juma­ǵa­lıev, Mádenıet mınıstri M.Qul-Muhammed, Premer-Mınıstr Keń­­sesiniń Bas­shysy Ǵ.Áb­dira­hy­mov, sondaı-aq jumys to­bynyń mú­sheleri – Parlament depýtattary qa­tysty. Keńeske qatysýshylar aldyn­da­ǵy sózinde Q.Mámı Qazaqstan Respýblıkasy Táýelsizdiginiń 20 jyldyǵy Deklarasııasyn qabyl­daý­ǵa ázirlik aıasyndaǵy bul kez­desýdiń mańyzdylyǵyn atap óte kelip, osy bastama «Parlament jáne onyń depýtattarynyń már­tebesi týraly» Konstıtýsııalyq zańynyń 13-babyna saı ekenine toqtaldy. Parlamenttiń besinshi sessııasynyń ashylýynda Prezıdent Nursultan Nazarbaev Dek­larasııa qabyldaý týraly bizdiń bastamamyzǵa qoldaý bildirdi. Mem­leket basshysy atap ótken­deı, ol bizdiń qoǵamymyzdy top­tas­tyrýdaǵy jańa mańyzdy qu­jat bolady, dedi Q.Mámı. Senat Tóraǵasy qujat boı­ynsha pikir almasý onyń mazmu­nyn jaqsarta túsýge qyzmet etetinine senim bildirdi. Q.Mámıdiń habarlaýynsha, qujat jobasynda qazirgi zamanǵy tabysty memleket qurylysyndaǵy Qazaqstan­nyń Tuńǵysh Prezıdenti – Elbasy Nursultan Nazarbaevtyń kórnekti róli atalyp ótiledi. Memleket basshysynyń jetekshiligimen ekonomıkalyq jáne túbe­geıli saıası ózgerister júzege asty. Deklarasııa jobasynda táý­el­sizdiktiń alǵashqy jylda­ryn­da Elbasy belgilegen baǵyt­tyń ózin-ózi aqtaǵany jáne «Qa­zaqstannyń damý joly» retinde dúnıe júzinde moıyndalǵany aıtylǵan. Sonymen qatar, spıker Deklarasııada halyqtyń ál-aý­qa­tynyń arta túsýin jáne syrtqy qaterlerge ornyqtylyqty qam­ta­ma­syz etken ekonomıkalyq re­for­malardyń qorytyndylary kór­­setilgenin, ındýstrııalyq-ın­no­vasııalyq damý, áleýmettik jań­ǵyrý, kadrlar strategııasy, eń­bek­pen qamtý júıesi sala­laryn­daǵy memlekettik baǵdarlamalardy iske asyrý nátıjelerine erekshe na­zar aýdarylǵanyn jetkizdi. Sondaı-aq, ulttyq qaýipsizdik máse­le­lerine de erekshe oryn berilgeni jáne Qazaqstannyń qor­ǵa­nys qabiletin nyǵaıtý kórs­e­til­geni aıtyldy. Jobada Qazaqstan syrtqy saıa­sı qyzmetindegi negizgi basym­dyqtar da atalyp, elimizdiń ha­lyqaralyq bedeldi uıymdar EQYU jáne IYU-ǵa tóraǵalyq etýi men álemdik dástúrli dinder lıderleri sezin turaqty ótkizip kele jatqany aıtylǵany belgili boldy. Odan basqa, ıadrolyq qa­rý­dy taratpaý, ózara tıimdi eko­no­mıkalyq yntymaqtastyqqa ba­ǵyttalǵan ıntegrasııalyq úderis­ter­di damytý jáne aımaq pen tutas álemdegi qaýipsizdik shara­la­ryn nyǵaıtý salasyndaǵy Qa­zaqstannyń bastamalary jarııa etilgen. О́rkendegen egemendi eli­mizdiń sımvolyna aınalǵan elor­da­myz – Astanaǵa arnaıy oryn berildi, dedi Tóraǵa. Sóziniń sońynda Deklarasııa­ny talqylaý jáne qabyldaý ba­ry­syn aqparattyq turǵyda qol­daý qajettigi, halyq arasynda túsindirý jumystaryn júrgizý týraly da oılaryn ortaǵa saldy. Bul sharalarǵa Parlament depý­tat­tary belsendi túrde qatysýy tıis dep atap ótti. Keńes otyrysynda Senat Tór­aǵasynyń orynbasary, Táýel­sizdiktiń 20 jyldyǵy Dekla­ra­sııa­synyń jobasyn ázirleý jó­nin­degi jumys tobynyń jetekshisi Aleksandr Sýdın sóz sóıledi. Ol keńeske qatysýshylardy atqa­rylǵan jumystar týraly habardar etip, qujattyń qurylymy men mazmunyna toqtaldy. Qujat­tyń tarıhı mańyzyn, onyń izgilikti ıdeıalyq baǵdaryn atap óte kelip, A.Sýdın Deklarasııanyń negizgi máni – tarıhı ómir­sheń­digin aıǵaqtap otyrǵan memleketti damytýǵa jáne nyǵaıtýǵa qýat­ty úndeý ekenin atap ótti. «Deklarasııa jobasyn jetildirý jó­nin­degi jumystar jalǵasýda, taıaý ýaqytta jumys toby múshe­leriniń eskertpeleri eskerile oty­ryp, qujattyń túpkilikti nus­qasy ázirlenedi», dedi A.Sýdın. Osydan keıin qatysýshylar ózderiniń pikirlerin bildirdi. Sonyń ishinde Memlekettik hat­shy Q.Saýdabaev 20 jyldyń ishinde ǵasyrlarǵa tatıtyn sharýalar jasalǵanyn atap ótti. Sondyqtan osyndaı Deklarasııa qabyldaý tabıǵı jaǵdaı ǵoı dep oılaımyn, dedi ol. Odan ári Memlekettik hat­shy 1991 jyldyń 1 jeltoq­sa­nyndaǵy saılaýda halyqtyń du­rys tańdaý jasap, Nursultan Na­zarbaevty Prezıdenttikke saıla­ǵanyn, sodan beri elimizdiń durys saıası baǵyt ustanǵanyn atap ótý kerektigin eskertti. Elbasynyń áleýmettik ustanymdy baǵdarǵa alǵan ekonomıka qurýy, «Qazaq­stan – 2030» Strategııalyq baǵ­dar­lamasy, ıadrolyq qarýdan óz erkimen bas tartý, sondaı-aq ha­lyqtyń mádenı murasyn qaıta órletip, rýhanı jaǵynan baıytý máselelerin de Deklarasııada atap ótý qajettigin atap ótti. Son­daı-aq, onyń qabyldanýy Táýelsizdik kúniniń aldyndaǵy sońǵy aptada, ıaǵnı 14 jeltoqsan, sársenbiniń sátinde qabyldanýy týraly usynysyn májiliske qa­tys­qandar biraýyzdan maqul­da­dy. Qalǵan usynystar jazbasha túrde beriletin boldy. Jaqsybaı SAMRAT.