Chernobyl apaty zardabyn joıýshylarǵa monýment ashyldy

Ekibastuzda Chernobyl atom elektr stansasy apatynyń zardabyn joıýǵa qatysqan jaýyngerlerge arnalǵan monýment ashyldy, dep habarlady pavlodarnews.kz. Kenshiler qalasynyń ákimi Qaırat Núkenov turǵyndar men apat zardabyna qatysýshylardy aıtýly sharamen quttyqtady. «Bıyl Chernobyl apatynyń oryn alǵanyna 30 jyl tolyp otyr. Sodan beri shırek ǵasyrdan astam ýaqyt ótse de zulmat apattyń zardaby umytylǵan joq. Qazaqstannan Chernobylge 32 myńnan astam adam qatysty. Olardyń qatarynda Pavlodar oblysynan attanǵan 1200 jerlesimiz apat oryn alǵan aımaqty qalypqa keltirýge zor úles qosty. Biz bul azamattardyń erligin  árdaıym este saqtaımyz», –­ dedi Qaırat Núkenov. «Chernobyl odaǵy» QB Ekibastuz qalalyq fılıalynyń tóraǵasy Ǵabdylhamıt Qarjasovtyń aıtýynsha, Chernobyl atom stansasyna Ekibastuzdan 100 shaqty adam attanǵan. О́kinishke oraı, olardyń jartysyna jýyǵy qaıtys bolǵan. Qazir qalada 53 ardager turady.