Kópten kútken kúdik aqyry shyndyqqa aınaldy. Keshe Halyqaralyq olımpııalyq komıtet (HOK) qazaqstandyq aýyr atlet Ilıa Ilınniń Olımpııa oıyndarynda alǵan altyn medaldaryn qaıtaryp alý jóninde sheshim shyǵardy. Osyǵan oraı Qazaqstan ulttyq olımpııalyq komıtetine resmı habarlama keldi. HOK muny sportshynyń aǵzasynan 2008 jáne 2012 jyldardaǵy Oıyndar kezinde tyıym salynǵan preparattar iziniń tabylýymen túsindirdi. Komıtet ony tártiptik komıssııasy júrgizgen Ilıa Ilınniń «A» jáne «V» dopıng synamalarynyń qosymsha tekserý qorytyndysyna súıenip jasaǵanyn da atap kórsetti.
Endi sportshyǵa qoldanylatyn jazanyń merzimin Halyqaralyq aýyr atletıka federasııasy (IWF) anyqtaıtyn bolady. Osy oraıda, «ádil sport» qaǵıdalary men taza sportshylardy qorǵaý jáne dopıngti qoldanýǵa «nóldik tózimdilik» saıasatyn qoldaý Qazaqstan Ulttyq olımpııalyq komıteti qyzmetiniń de basty baǵyty bolyp tabylatynyn eskerte keteıik. Shynyn aıtqanda, munyń bári biz úshin jańalyq bolýdan qaldy. Sebebi, sońǵy bir jyldan beri dopıngke qatysty daý-damaı taqyrybynyń álemdegi jańalyqtar tasqynynyń eń aldyńǵy leginde tur.
Álbette, dopıng – tózýge eshqandaı tıek berýge bolmaıtyn zulym nárse. Ol saıysta bireýlerge aıtarlyqtaı artyqshylyq áperip, sportty ádil saıyskerlik turǵysyndaǵy eń basty qundylyǵynan aıyryp qana qoımaıdy, sonymen birge ony qoldanǵan sańlaqtardyń densaýlyq jaǵdaıyna da keri áser etip, túbinde zor zardaptarǵa uryndyrýy da múmkin. Sondyqtan mundaı zulymdyqpen búkil álem bolyp kúresken lázim.
Eń ókinishtisi, qazir halyqaralyq týrnırlerdiń sportshylar arasyndaǵy ádildikke qurylǵan saıystan góri, memleketterdiń farmakologııalyq múmkindikterin jarystyryp qoıatyn básekesine aınalyp bara jatqany onshalyqty qupııa bolmaı qaldy. Osy turǵydan kelgende, atalmysh zulymdyqpen kúresýshi uıymdarǵa barynsha jiti kózben qaraıtyn da ýaqyt keldi. Olardyń meılinshe taza jáne ádil bolýy birinshi kezektegi shart. Áıtpese, qandaı da bir durys tirliktiń óziniń bir-aq sátte kúlin kókke ushyrý mundaǵylar úshin túkke turmaıtyn nárse ekenine bıylǵy jyldyń ózinde áldeneshe ret kóz jetkizip úlgerdik.
Qazir dopıng máselesimen Ulybrıtanııa ókili basshylyq jasaıtyn Búkilálemdik dopıng agenttigi (VADA) aınalysady. Al keıingi kezderdegi jumystarynyń mazmunyn bir sholyp shyqqan kez kelgen adam onyń barlyq nazary men qaharynyń negizinen bir ǵana elge – Reseıge jáne onymen dostyq qarym-qatynastaǵy birqatar elderge ǵana túsip turǵanyn anyq baıqar edi. Bulardyń qatarynda taǵy birqatar elderdiń birli-jarym ókilderi ǵana qamtylyp qalady. Sonymen, tamat-támam. Munyń esesine, AQSh, Ulybrıtanııa, Fransııa, Germanııa, Kanada sekildi «tonnyń ishki baýyndaı» elderdiń birde-bir sportshysy agenttik qurǵan torǵa túspeı, aman shyǵyp kete beredi. Muny da az deseńiz, negizinen osy elderdiń atynan iri halyqaralyq jarystarǵa qatysyp júrgen kóptegen sportshylar VADA-nyń arnaıy ruqsaty boıynsha dopıng qoldanatyn bolyp shyqty. Osynyń ózi atalǵan zulymdyqpen bitispes kúres júrgizýge arnaıy shyǵaryp qoıylǵan halyqaralyq uıym joǵaryda aıtylǵan elderdiń saıasat máselesindegi quralyna aınalyp, solardyń shyn mánindegi qolshoqpary sekildenip bara jatqanyna aıǵaq bola alady.
Bir aıta keterligi, qazir bizdiń Svetlana Podobedovanyń da, Ilıa Ilınniń de salmaqtary boıynsha Olımpıadalarda júldeli oryndardan kóringen sportshylardyń bári medaldarynan qaǵylyp otyr. Osylardyń aldy júlde alǵanyna 8 jyl bolsa, keıingi tolqynyna 4 jyl ótken. Endeshe, bul jerdegi kináli sportshylar emes, osy olqylyqty sonshama ýaqyttan beri tappaǵan Búkilálemdik dopıng agenttigi men onyń aıtqanyna bas shulǵı beretin Halyqaralyq olımpııalyq komıteti bolýǵa tıis. Osy tirlik HOK-tiń prınsıpsizdigin, biliksizdigin jáne ózine jaqpaǵan elder atletterin birden qoldan aıypty etip shyǵara salatyn ádiletsizdigin taıǵa tańba basqandaı kórsetip berip otyr. Munyń ózi olımpııalyq qozǵalystyń basty urany – ádilettilik pen tazalyq tunbasyna úlken zalal keltiredi. Qazirgi tańda álemniń birqatar elderinde bul qozǵalys ǵumyrynyń uzaq bolatynyna kúmán keltirýshiler qatary barǵan saıyn kóbeıip keledi.
Serik PIRNAZAR,
«Egemen Qazaqstan»
Kópten kútken kúdik aqyry shyndyqqa aınaldy. Keshe Halyqaralyq olımpııalyq komıtet (HOK) qazaqstandyq aýyr atlet Ilıa Ilınniń Olımpııa oıyndarynda alǵan altyn medaldaryn qaıtaryp alý jóninde sheshim shyǵardy. Osyǵan oraı Qazaqstan ulttyq olımpııalyq komıtetine resmı habarlama keldi. HOK muny sportshynyń aǵzasynan 2008 jáne 2012 jyldardaǵy Oıyndar kezinde tyıym salynǵan preparattar iziniń tabylýymen túsindirdi. Komıtet ony tártiptik komıssııasy júrgizgen Ilıa Ilınniń «A» jáne «V» dopıng synamalarynyń qosymsha tekserý qorytyndysyna súıenip jasaǵanyn da atap kórsetti.
Endi sportshyǵa qoldanylatyn jazanyń merzimin Halyqaralyq aýyr atletıka federasııasy (IWF) anyqtaıtyn bolady. Osy oraıda, «ádil sport» qaǵıdalary men taza sportshylardy qorǵaý jáne dopıngti qoldanýǵa «nóldik tózimdilik» saıasatyn qoldaý Qazaqstan Ulttyq olımpııalyq komıteti qyzmetiniń de basty baǵyty bolyp tabylatynyn eskerte keteıik. Shynyn aıtqanda, munyń bári biz úshin jańalyq bolýdan qaldy. Sebebi, sońǵy bir jyldan beri dopıngke qatysty daý-damaı taqyrybynyń álemdegi jańalyqtar tasqynynyń eń aldyńǵy leginde tur.
Álbette, dopıng – tózýge eshqandaı tıek berýge bolmaıtyn zulym nárse. Ol saıysta bireýlerge aıtarlyqtaı artyqshylyq áperip, sportty ádil saıyskerlik turǵysyndaǵy eń basty qundylyǵynan aıyryp qana qoımaıdy, sonymen birge ony qoldanǵan sańlaqtardyń densaýlyq jaǵdaıyna da keri áser etip, túbinde zor zardaptarǵa uryndyrýy da múmkin. Sondyqtan mundaı zulymdyqpen búkil álem bolyp kúresken lázim.
Eń ókinishtisi, qazir halyqaralyq týrnırlerdiń sportshylar arasyndaǵy ádildikke qurylǵan saıystan góri, memleketterdiń farmakologııalyq múmkindikterin jarystyryp qoıatyn básekesine aınalyp bara jatqany onshalyqty qupııa bolmaı qaldy. Osy turǵydan kelgende, atalmysh zulymdyqpen kúresýshi uıymdarǵa barynsha jiti kózben qaraıtyn da ýaqyt keldi. Olardyń meılinshe taza jáne ádil bolýy birinshi kezektegi shart. Áıtpese, qandaı da bir durys tirliktiń óziniń bir-aq sátte kúlin kókke ushyrý mundaǵylar úshin túkke turmaıtyn nárse ekenine bıylǵy jyldyń ózinde áldeneshe ret kóz jetkizip úlgerdik.
Qazir dopıng máselesimen Ulybrıtanııa ókili basshylyq jasaıtyn Búkilálemdik dopıng agenttigi (VADA) aınalysady. Al keıingi kezderdegi jumystarynyń mazmunyn bir sholyp shyqqan kez kelgen adam onyń barlyq nazary men qaharynyń negizinen bir ǵana elge – Reseıge jáne onymen dostyq qarym-qatynastaǵy birqatar elderge ǵana túsip turǵanyn anyq baıqar edi. Bulardyń qatarynda taǵy birqatar elderdiń birli-jarym ókilderi ǵana qamtylyp qalady. Sonymen, tamat-támam. Munyń esesine, AQSh, Ulybrıtanııa, Fransııa, Germanııa, Kanada sekildi «tonnyń ishki baýyndaı» elderdiń birde-bir sportshysy agenttik qurǵan torǵa túspeı, aman shyǵyp kete beredi. Muny da az deseńiz, negizinen osy elderdiń atynan iri halyqaralyq jarystarǵa qatysyp júrgen kóptegen sportshylar VADA-nyń arnaıy ruqsaty boıynsha dopıng qoldanatyn bolyp shyqty. Osynyń ózi atalǵan zulymdyqpen bitispes kúres júrgizýge arnaıy shyǵaryp qoıylǵan halyqaralyq uıym joǵaryda aıtylǵan elderdiń saıasat máselesindegi quralyna aınalyp, solardyń shyn mánindegi qolshoqpary sekildenip bara jatqanyna aıǵaq bola alady.
Bir aıta keterligi, qazir bizdiń Svetlana Podobedovanyń da, Ilıa Ilınniń de salmaqtary boıynsha Olımpıadalarda júldeli oryndardan kóringen sportshylardyń bári medaldarynan qaǵylyp otyr. Osylardyń aldy júlde alǵanyna 8 jyl bolsa, keıingi tolqynyna 4 jyl ótken. Endeshe, bul jerdegi kináli sportshylar emes, osy olqylyqty sonshama ýaqyttan beri tappaǵan Búkilálemdik dopıng agenttigi men onyń aıtqanyna bas shulǵı beretin Halyqaralyq olımpııalyq komıteti bolýǵa tıis. Osy tirlik HOK-tiń prınsıpsizdigin, biliksizdigin jáne ózine jaqpaǵan elder atletterin birden qoldan aıypty etip shyǵara salatyn ádiletsizdigin taıǵa tańba basqandaı kórsetip berip otyr. Munyń ózi olımpııalyq qozǵalystyń basty urany – ádilettilik pen tazalyq tunbasyna úlken zalal keltiredi. Qazirgi tańda álemniń birqatar elderinde bul qozǵalys ǵumyrynyń uzaq bolatynyna kúmán keltirýshiler qatary barǵan saıyn kóbeıip keledi.
Serik PIRNAZAR,
«Egemen Qazaqstan»
Sońǵy jańalyqtar
Pavlodarda salynyp jatqan Ertis kópirinde ekinshi ret órt shyqty
Aımaqtar • Keshe
Kadrdyń qadirin ketirmesek ıgi...
Qoǵam • Keshe
Memleket basshysy Tájikstan Prezıdenti Emomalı Rahmonmen kezdesti
Prezıdent • Keshe
Qazaqstan Mońǵolııany bıdaımen qamtamasyz etedi
Qazaqstan • Keshe
Aqtaýdaǵy saýda ortalyǵynda bomba qoıylǵany ras pa?
Aımaqtar • Keshe
Memleket basshysy birqatar mańyzdy zańǵa qol qoıdy
Prezıdent • Keshe
Kenshilerge beriletin ótemaqy qalaı ózgeredi?
Qoǵam • Keshe
