Kókshetaý spartakıada ótkizedi

Búgin Kókshetaýda Qazaqstannyń qysqy arnaıy spartakıadasy bastalady. Oǵan elimiz­diń túkpir-túkpirinen kelgen múm­kindigi shekteýli sportshylar qatysady. Jarysty Mádenıet jáne sport mınıstrligi men Aqmola oblystyq ákimdigi uıymdastyryp otyr. Onyń ashylý saltanaty búgin túste «Býrabaı» sport saraıynda ótedi. Úsh kún boıy sporttyń shańǵy, konkı, florbol, sne­gostýp, taý shańǵysy jáne snoýbord atty 6 túri bo­ıyn­sha ótetin saıys 26 qarasha kúni óz máresine jetedi. Olımpıadanyń maqsaty múmkindigi shekteýli jandar arasynda salamatty ómir saltyn qalyptastyrýdyń, olardyń psıhologııalyq jáne kúsh-qaırat jaǵdaılaryn jaqsartýdyń bir faktory retinde deneshynyqtyrý men sportty damytýdy nasıhattaý bolyp tabylady. Al negizgi mindeti belsendi túrde deneshynyqtyrýǵa tartyp, olardy halyqaralyq jarystarǵa kóptep qatystyryp turýǵa qadam jasaý bolmaq. Olımpıadaǵa qatysýshylar sporttyq daıyn­dyqtary deńgeılerine qaraı birneshe dıvızıonǵa bólinip jarysady. Baqbergen AMALBEK, «Egemen Qazaqstan» KО́KShETAÝ