Bolashaqtyń kilti – birlikte

Qyzylorda oblysynda Táýelsizdiktiń 25 jyldyǵyna arnalǵan sharalar kún ótken saıyn kúsh ala bastady. 25 kún boıyna azattyqty ulyqtaǵan, táýelsizdikke táý etken, derbestikti dáriptegen sharalar úzdiksiz ótpek. Al osy istiń báriniń bastaýy «Bolashaǵymyz – birlikte» atty oblystyq patrıottar forýmynan bastaldy. Burnaǵy kúni «Muz aıdyny» ke­she­ninde Táýelsizdiktiń 25 jyl­dy­ǵy­na oraı «Bolasha­ǵy­­myz – bir­likte» at­ty oblystyq patrıot­tar forýmy ót­ti. Oblystyq ishki saıasat bas­qar­ma­sy, «Aýǵan soǵysynyń ardagerleri men mú­­gedekteriniń keńesi» qoǵamdyq bir­lestiginiń uıym­dastyrýymen ót­ken sharaǵa oblys ákiminiń oryn­ba­sary Rýslan Rústemov, qoǵamdyq bir­les­tikter men jastar uıymdary, jalpy úsh myń­nan asa adam qatysty. Forýmnyń negizgi maqsaty Táý­el­sizdiktiń 25 jyldyǵyna oraı «Bos­tandyq», «Birlik», «Beıbitshilik» syn­dy negizgi qundylyqtardy ny­ǵaıtý, jastardyń patrıottyq sana-sezimi men azamattyq belsendiligin arttyrý bolyp tabylady. Sharada oblys ákiminiń orynba­sa­­ry R.Rústemov forýmǵa qaty­sý­­­­­shylardy el Táý­el­sizdiginiń 25­ jyl­­­dyq mereıtoıymen qut­tyq­taı ke­le, belgilengen atalymdar­ bo­ı­yn­­­­sha elge eńbegi sińgen birqatar aza­mattardy mara­pattady. Sonyń ishin­de «Qyzylorda koreıler qaý­y­m­dastyǵy» oblystyq fılı­a­ly tó­r­aǵasynyń oryn­­basary Vı­lorıı Nıkola­evıch Shın «Qazaqstan patrıo­ty» ata­lym­y­ny­nyń ıegeri atandy. Vılorıı Shın óz kezeginde fo­­­­rým­­­dy uıym­das­tyrýshylarǵa al­­­­­ǵy­syn bildirip, jastarǵa aq­jarma ti­­­­le­gin jetkizdi. «Biz qazir júzdegen et­­­­nos ókilderi bas qosqan elmiz. Ara­myz­da orys ta, nemis te, cheshen de bá­ri bar. Bizderdi bir taǵdyr túı­is­­-­ ti­rdi. Bir shańyraqtyń astynda bir­ge tútin tútetip jatqannan keı­in biz­ge qazaq pen qazaqtyń da, qa­zaq pen basqa otandasymyz arasyn­da dos­tyq óte qajet. Munsyz eldiń e­r­­te­ńin, jarqyn bolashaqty eles­te­­tý qıyn. Qazaq eliniń búgingi tiz­ginin ustap otyrǵan El­ba­symyz da «Bir bolaıyq. Bir bol­­masaq, toz-tozymyz shyǵyp, eldik­ten aıy­­rylamyz» degendi jıi qaı­ta­laı­­dy. El aldynda turǵan jar­qyn maqsatqa el birligin saqtaı oty­­­ryp qana jetetinimizdi udaıy es­­­ker­tip keledi. Halyqtyń sózine qa­­ra­ǵan­da baq degeniń kez kelgen jer­ge taban tireı bermeıtin kó­ri­ne­di. Yntymaq, aýyzbirshilik, ja­ra­­­symdylyq uıalaǵan jerge baryp qo­naqtaıdy. Sol baq qazir Qa­zaq elin­de. Osy baqty saqtaý úshin biz bárimiz birligimizge bekem bo­laıyq», dedi. Arqaly aqyn Shahızada Ábdi­ká­ri­mov: «Táýelsizdik – qazaqqa qanmen, jan­­men kelgen qasıetti de kıeli uǵym. Onyń qadirine jetkender kúnde táýbe deý­den jalyqqan emes. Kók aspannyń as­tynda Kók týdyń jelbiregenin kó­rip júrgen bizde arman joq. Búgingi kúnge myń shúkir!» – deıdi. Shara sońynda forýmnyń úndeýi qabyl­dan­dy. Al «Bir taǵdyr! Bir El­basy» dep uran­datqan patrıot­­tyq fo­rým­nyń sońy Syr ónerpazdaryn­yń konsertine ulasty. Erjan BAITILES, «Egemen Qazaqstan» QYZYLORDA