Qazaqstannyń damý joly – ózgelerge úlgi

Ekonomıkalyq yntymaqtastyq jáne damý uıymynyń (EYDU) Parıjdegi shtab-páterinde osy uıym Bas hatshysynyń tóraǵalyǵymen Eýrazııa aptalyǵy bastaldy, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti. Jyl saıyn ótetin atalǵan sharanyń maqsaty – álemdik qoǵamdastyqtyń nazaryn Eýrazııa qurlyǵynyń jahandyq mańyzyna aýdaryp, Eýrazııa elderiniń EYDU memleketterimen nátıjeli yntymaqtastyǵy úshin jaǵdaılar jasaý. Atalǵan alań jyl saıyn bir ústel basyna osy únqatysýǵa tartylǵan elderdiń joǵary shendi laýazym ıelerin jınap keledi. Máselen, osy jyly Eýrazııa aptalyǵyna Polsha Premer-mın­ıstri­niń orynbasary – Má­denıet jáne ulttyq mura mınıstri P.Glınskıı, Qyr­ǵyzstan vı­se-premeri O.Pan­kra­tov, Ýk­raına, Chehııa, Moń­ǵolııa jáne basqa el­der­diń mı­nıstrleri qatysýda. Qazaqstan Eýrazııa ap­talyǵyna 2012 jyldan bas­tap belsendi qatysyp keledi. Ústimizdegi jyly Qazaqstan delegasııasyn Parıjge eli­mizdiń Syrtqy ister mı­nıstri Erlan Ydyrysov bastap bardy. Delegasııa quramynda Ulttyq ekonomıka, Investısııalar jáne damý, Energetıka, Densaýlyq saqtaý jáne áleýmettik damý mınıstrlikteriniń, «Báı­terek» holdınginiń, «As­­tana EKSPO-2017» ult­tyq kompanııasynyń, Asta­na halyqaralyq qarjy orta­ly­ǵynyń jáne qa­zaq­standyq damý ınstıtýt­tarynyń ókil­deri bar. Eýrazııa aptalyǵy ashy­lýy saltanatyndaǵy negizgi sát Qazaqstan Premer-Mı­nıstri Baqytjan Saǵyn­taev­tyń sharaǵa qatysý­shy­larǵa beıneúndeýi boldy. Úkimet basshysy elimiz Pre­zıdentiniń Eýrazııa qurlyǵyn damytýdyń baǵyttaryn qalaı boljaıtyny týraly kózqarasymen bólisti. Bul jerde EYDU-men ózara is-qımyldy óristete túsý­diń mańyzdy ekeni atap kórse­tildi. Qazaqstannyń osy bedel­di uıym standarttaryna negiz­delgen reformalarǵa jaqyn ekendigine basa nazar aýdaryldy. Syrtqy ister mınıstri Erlan Ydyrysov mınıstrlik sessııasynyń ashylýynda sóz sóıledi. О́ziniń sózinde ol Eýrazııa keńistigindegi negizgi oıynshylardyń biri ret­inde Qazaqstannyń damý ba­ǵyttary týraly egjeı-teg­jeıli áńgimelep berdi. Syrt­qy saıasat vedomstvosynyń basshysy aýdıtorııaǵa «100 naqty qadam» Ult jospary negizinde júzege asyrylyp jatqan Bes ınstıtýttyq reformanyń maqsattary týraly túsindirdi. Bul arada Ult josparynyń EYDU-ǵa múshe elderdiń ozyq táji­rıbelerine negizdelgeni de nazardan tys qalǵan joq. Pikirtalas barysynda elimizdiń ınvestısııalar tar­tý men ekonomıkany árta­rap­tandyrý salalaryn­daǵy tájirıbesi úlken qyzy­ǵýshylyq týǵyzdy. Sharaǵa qatysýshylar Qazaqstannyń ınvestorlar tartý jáne iskerlik baılanystar ornatý úshin ońtaıly jaǵdaılar qalyptastyrylǵan el ekenin biraýyzdan maquldap jatty. Qazaqstan delegasııasy basshysynyń baǵdarlamasy asa tyǵyzdyǵymen erek­she­lenedi. Máselen, E.Ydy­rysov EYDU Bas hatshysy An­hel Gýrrııamen jáne osy uıymnyń Jahan­dyq baılanystar jónindegi hat­shy­lyǵynyń basshylyǵymen kezdesýler ótkizdi. Suhbattastar Qazaqstannyń EYDU-men asa tyǵyz yntymaqtastyq ornatyp otyrǵanyn erekshe atady. Olardyń pikirinshe, Qazaqstan asa damyǵan memleketter klýby baǵytyna qaraı senimdi qadamdarmen adymdap barady. Bas hatshy atap ótken­deı, qol jetkizilgen tamasha ta­bystar ári qaraıǵy birlesken jumystarǵa berik negiz qa­laıdy. Eýrazııa aptalyǵynyń ashylý saltanatynda sóz sóı­le­gen EYDU basshysy aýdı­torııanyń nazaryn Qazaq­stannyń Táýelsizdik alǵan az ǵana ýaqyt ishinde úlken jetistikterge jetkenine aý­dar­dy. Onyń pikirinshe, bas­qa elder osy tájirıbeni jan-jaqty oqyp-úırenýleri tıis. EYDU-nyń Eýrazııa apta­lyǵy jumysyn búgin aıaq­taıdy. Qazaqstan delega­sııa­synyń músheleri bıznes-forým men túrli taqyryptyq sessııalarǵa qatysady. Astanada «Bolashaqtyń energııasy» taqyrybymen ótetin «EKSPO-2017» kórmesiniń tusaýkeserine erekshe nazar aýdarylady dep kútilip otyr.