Sheteldik ınvestorlarǵa jol ashyq

Keshe Astanadaǵy Táýelsizdik saraıynda ótip jatqan Digital Communications Kazakhstan-2011 sharasy aıasynda Premer-Mı­nıstr­diń orynbasary – Indýstrııa jáne jańa tehnologııalar mınıstri Áset Isekeshev pen Baılanys jáne aqparat mınıstri Asqar Jumaǵalıev iri sheteldik IT kompanııalar ókilderimen kezdesti. Kezdesýge Huawei Techno­lo­gies kompanııa­sy­nyń Ortalyq Azııa aımaǵy boı­ynsha prezıdenti Tang Kıbıng, IBM vıse-prezıdenti Djefrı Roda, Ericsson kompanııasynyń vıse-prezıdenti Erık Oldmark, TIMWE kompa­nııasynyń negizin salýshylardyń biri Rıkardo Karvalo, J’son & Partners kompanııa­synyń atqarýshy áriptesi Karl Iohannesson jáne basqa da kompanııa ókilderi kelip, ózara pikir almasty. Áset Isekeshev kezdesýge kelgen sheteldik ınvestorlarǵa elimizde júzege asyrylyp jatqan údemeli ındýstrııalyq-ınnova­sııa­lyq damýdyń memlekettik baǵ­darlamasy jaıyn da baıan­da­dy. «Onda jetekshi róldi eko­no­mıkanyń negizgi sektorlary – metallýrgııa, hımııa, máshıne jasaý, munaı óńdeý óndiristeri alady. Desek te aqparattyq-kommý­nı­ka­sııalyq tehnologııa sektoryna da erekshe mán beriledi. Elbasy elimizdegi ınnovasııa damýyn jiti qadaǵalap otyrady», dep atap ótti ol. Á.Isekeshev barlyq áleýet­ti ınvestorlardy Qazaqstanda Baı­lanys jáne aqparat mınıstrligi men «Samuryq-Qazyna» UÁQ  júrgizip jatqan birlesken jobalarǵa qatysýǵa shaqyrdy. Venera TÚGELBAI.