Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń buıryǵy №6

2016 jylǵy 13 qazan, Astana qalasy Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) týraly erejeni bekitý týraly «Quqyqtyq aktiler týraly» Qazaqstan Respýblıkasy Zańynyń 35-baby 1-tarmaǵynyń 6) tarmaqshasyna, «Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń keıbir máseleleri jáne Qazaqstan Respýblıkasy Prezıdentiniń keıbir aktilerine ózgerister men tolyqtyrýlar engizý týraly» 2016 jylǵy 5 qazandaǵy № 349 Qazaqstan Respýblıkasy Prezıdentiniń Jarlyǵyna sáıkes, buıyramyn: 1. Qosa berilip otyrǵan Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) týraly ereje bekitilsin. 2. «Qazaqstan Respýblıkasy Memlekettik qyzmet isteri mınıstrliginiń Sybaılas jemqor­lyqqa qarsy is-qımyl ulttyq bıýrosy týraly erejeni bekitý týraly» Qazaqstan Respýblıkasy Memlekettik qyzmet isteri mınıstriniń 2016 jylǵy 5 qańtardaǵy № 1 buıryǵynyń (Normatıvtik quqyqtyq aktilerdi memlekettik tirkeý tiziliminde № 12838 bolyp tirkelgen, «Ádilet» quqyqtyq-aqparattyq júıesinde 2016 jyly 22 qańtarda jarııalanǵan) kúshi joıyldy dep tanylsyn. 3. Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) (budan ári – Ulttyq bıýro) zańnamamen belgilengen tártipte: 1) osy buıryq bekitilgennen keıin onyń kóshirmelerin baspa jáne elektrondy túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵyna jiberýdi; 2) osy buıryqty Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń jáne Ulttyq bıýronyń ınternet-resýrstarynda ornalastyrýdy qamtamasyz etsin. 3. Osy buıryqtyń oryndalýyn baqylaý Ulttyq bıýronyń basshysy T.M. Tatýbaevqa júktelsin. 4. Osy buıryq qol qoıylǵan kúnnen bastap qoldanysqa engiziledi. Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Q.QOJAMJAROV Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń 2016 jylǵy 13 qazandaǵy №6 buıryǵymen BEKITILGEN Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) týraly ereje 1. Jalpy erejeler 1. Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) (budan ári – Ulttyq bıýro) Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń (budan ári – Agenttik) sybaılas jemqorlyq quqyq buzýshylyqtardy anyqtaý, jolyn kesý, ashý jáne tergeý máseleleri boıynsha iske asyrý fýnksııalaryn jáne Qazaqstan Respýblıkasynyń zańnamasyna sáıkes ózge de fýnksııalardy Agenttiktiń quzyreti sheginde júzege asyratyn vedomstvosy bolyp tabylady. 2. Ulttyq bıýro óz qyzmetin Qazaqstan Respýblıkasynyń Konstıtýsııasy men zańdaryna, Qazaqstan Respýblıkasy Prezıdentiniń jáne Úkimetiniń aktilerine, ózge de normatıvtik quqyqtyq aktilerge, osy Erejege, sondaı-aq Qazaqstan Respýblıkasy ratıfıkasııalaǵan halyqaralyq sharttarǵa sáıkes júzege asyrady. 3. Ulttyq bıýro respýblıkalyq memlekettik mekemeniń uıymdastyrý-quqyqtyq nysanyndaǵy zańdy tulǵa bolyp tabylady, memlekettik tilde óz ataýymen móri jáne mórtańbasy, belgilengen úlgidegi blankileri, sondaı-aq Qazaqstan Respýblıkasynyń zańnamasyna sáıkes Qazaqstan Respýblıkasy Qarjy mınıstrliginiń qazynashylyq organdarynda shottary bar. 4. Ulttyq bıýro azamattyq-quqyqtyq qatynastarǵa óz atynan túsedi. 5. Ulttyq bıýronyń, eger zańnamaǵa sáıkes oǵan ýákilettik berilgen bolsa, memlekettiń atynan azamattyq-quqyqtyq qatynastardyń tarapy bola alady. 6. Ulttyq bıýro óz quzyretiniń máseleleri boıynsha zańnamamen belgilengen tártippen Ulttyq bıýro basshysynyń buıryqtarymen resimdeletin sheshimder jáne Qazaqstan Respýblıkasynyń zańnamasymen kózdelgen basqa da aktilerdi qabyldaıdy. 7. Ulttyq bıýronyń qurylymy men shtat sanynyń lımıtin Ulttyq bıýro basshysynyń usynýy boıynsha Agenttik tóraǵasy bekitedi. 8. Ulttyq bıýronyń zańdy mekenjaıy: 010000, Qazaqstan Respýblıkasy, Astana qalasy, Almaty aýdany, Seıfýllın kóshesi, 37. 9. Ulttyq bıýronyń tolyq ataýy – «Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet)» respýblıkalyq memlekettik mekemesi. 10. Osy Ereje Ulttyq bıýronyń quryltaı qujaty bolyp tabylady. 11. Ulttyq bıýronyń qyzmetin qarjylandyrý respýblıkalyq bıýdjetten júzege asyrylady. 12. Ulttyq bıýroǵa kásipkerlik sýbektilermen Ulttyq bıýronyń fýnksııalary bolyp tabylatyn mindettemelerin oryndaý mánine sharttyq qatynastarǵa túsýge tyıym salynady. Eger Ulttyq bıýroǵa zań aktilerimen kirister ákeletin qyzmetti júzege asyrý quqyǵy berilse, onda mundaı qyzmetten alynǵan kirister respýblıkalyq bıýdjettiń kirisine baǵyttalady. 2. Ulttyq bıýronyń mindetteri, fýnksııalary, quqyqtary men mindettemeleri 13. Ulttyq bıýronyń mindetteri: 1) jeke jáne zańdy tulǵalardyń, qoǵam men memlekettiń quqyqtaryn, bostandyqtary men zańdy múddelerin qorǵaý; 2) sybaılas jemqorlyq quqyq buzýshylyqtardy anyqtaý, jolyn kesý, ashý jáne tergeý máseleleri boıynsha memlekettik saıasatty ázirleýge jáne iske asyrýǵa qatysý; 3) sybaılas jemqorlyq qylmystyq quqyq buzýshylyqtardyń anyqtaý, jolyn kesý, ashý jáne tergeý. 14. Ulttyq bıýronyń fýnksııalary: 1) sybaılas jemqorlyqqa qarsy is-qımyl salasyndaǵy strategııalardy jáne baǵdarlamalardy ázirleýge jáne iske asyrýǵa qatysý; 2) Qazaqstan Respýblıkasyndaǵy sybaılas jemqorlyqqa qarsy is-qımyl týraly jyl saıynǵy Ulttyq baıandamany daıyndaýǵa qatysý; 3) Sybaılas jemqorlyqqa qarsy strategııany iske asyrý boıynsha josparly is-sharalar­dyń oryndalýyn baǵalaý jáne ótkizilgen monıtorıng týraly jıyntyq aqparat qurastyrýǵa qatysý; 4) qylmystyq quqyq buzýshylyqtar týraly aryzdardy, habarlamalardy jáne ózge aqparatty qabyldaý, tirkeý jáne qaraý; 5) aldyn ala tergeý, anyqtaý nysanynda jáne hattamalyq nysanda sotqa deıingi tergep-tekserýdi júrgizý; 6) qylmystyq proseske qatysatyn adamdardyń qaýipsizdigin qamtamasyz etý; 7) jedel-izdestirý qyzmetin uıymdastyrý jáne júzege asyrý; 8) jarııa emes tergeý áreketterin, jalpy jáne arnaıy jedel-izdestirý is-sharalaryn júrgizý barysynda arnaıy jáne basqa tehnıkalyq quraldardy qoldaný; 9) Ulttyq bıýroǵa osy maqsattarǵa bólingen bıýdjet qarajaty sheginde jedel-izdestirý qyzmetin qarjylyq jáne materıaldyq-tehnıkalyq jabdyqtaý; 10) tergeýden, anyqtaýdan nemese sottan jasyrynyp júrgen izdeýdegi adamdardyń turatyn jerin anyqtaý jáne ustaý; 11) sybaılas jemqorlyq qylmystar boıynsha jedel-izdestirý, ákimshilik, tergeý qyzmeti tájirıbesine taldaý júrgizý; 12) Ulttyq bıýronyń aýmaqtyq organdarynyń qyzmetin baqylaý, úılestirý jáne baǵalaý; 13) vedomstvolyq statıstıkany qalyptastyrý; 14) «Ákimshilik quqyq buzýshylyq týraly» Qazaqstan Respýblıkasynyń kodeksimen belgilengen tártipte qylmystyq-prosestik qazmetti qamtamasyz etýmen baılanysty ákimshilik quqyq buzýshylyqtar týraly ister boıynsha óndiristi júzege asyrý; 15) sybaılas jemqorlyq qylmystar týraly qylmystyq ister boıynsha tárkilengen múlikti jáne ádette, qylmystyq jolmen tabylǵan qarajatqa alynǵan múlikti memlekettiń kirisine aınaldyrý týraly aqparatty keıin jarııalaýmen iske asyrýǵa arnalǵan monıtorıngti júzege asyrý; 16) sybaılas jemqorlyq quqyq buzýshylyqtardy anyqtaý turǵysynan áleýmettik-ekonomıkalyq saladaǵy krımınogendik jaǵdaıdy taldaý; 17) basqa quqyq qorǵaý jáne arnaýly organdardan, onyń ishinde shet memleketterdiń quzyrly organdarynan kelip túsken ótinishterdi jáne suraý salýlardy oryndaý; 18) sybaılas jemqorlyq quqyq buzýshylyqtardy anyqtaý, jolyn kesý, ashý jáne tergeý máseleleri boıynsha basqa memlekettik organdarmen, uıymdarmen jáne shet memleketterdiń tıisti organdarymen óz quzyreti sheginde ózara is-qımyl jasaý; 19) aqparattyq qaýipsizdik saıasatyn iske asyrý, Ulttyq bıýronyń tehnıkalyq jáne aqparattyq qyzmetin qamtamasyz etý jáne jetildirý; 20) Ulttyq bıýroǵa tergeý-jedel qyzmet máseleleri boıynsha júktelgen mindetterdi sheshýdi qamtamasyz etetin aqparattyq júıelerdi ázirleý, qurý, satyp alý, paıdalaný jáne jańartý; 21) Ulttyq bıýronyń ákimshilik ǵımarattaryn kúzetý rejımin jáne ótkizý rejımin qamtamasyz etý; 22) Ulttyq bıýronyń qarýlandyrýynda turǵan qarýlardyń, oq-dárilerdiń, arnaıy quraldardyń saqtalýyn esepke alý jáne baqylaý; 23) arnaıy memlekettik muraǵatta muraǵat qujattaryn jınaý (satyp alý), turaqty saqtaý jáne paıdalanýdy júzege asyrý; 24) beıbit jáne soǵys ýaqytynda tótenshe jaǵdaılar týyndaǵan kezdegi jumyldyrý daıarlyǵy, Ulttyq bıýro jumysynyń turaqtylyǵyn arttyrý; 25) memlekettik qupııalardy qorǵaýdy qamtamasyz etý jáne qupııalylyq rejımniń saqtalýyn vedomstvolyq baqylaý; 26) Ulttyq bıýronyń biryńǵaı kadr saıasatyn ázirleý jáne iske asyrý; 27) Ulttyq bıýronyń jeke quramynyń arasyndaǵy quqyq buzýshylyqtardy anyqtaý, aldyn alý jáne jolyn kesý; 28) Qazaqstan Respýblıkasynyń zańnamasymen kózdelgen ózge fýnksııalardy júzege asyrý. 15. Ulttyq bıýronyń quqyqtary: 1) sybaılas jemqorlyq qylmystar boıynsha jedel-izdestirý jáne tergeý qyzmetiniń, sotqa deıingi tergeý tájirıbesine taldaý jasaý; 2) memlekettik organdarǵa, uıymdarǵa jáne olarda basqarýshylyq fýnksııalardy oryndaıtyn adamdarǵa Qazaqstan Respýblıkasynyń qylmystyq-prosestik zańnamasymen belgilengen tártipte mán-jaılardy jáne basqa da zań buzýshylyqtardy joıý jóninde sharalar qabyldaý týraly usynýlar engizý; 3) sybaılas jemqorlyq qylmystarmen kúresý nysandary men ádisterin jetildirý, jedel-izdestirý qyzmetiniń strategııasy men taktıkasyn aıqyndaý, onyń tıimdiligin arttyrý boıynsha sharalar ázirleý jáne iske asyrý; 4) Qazaqstan Respýblıkasynyń zańnamasyna sáıkes ózine júktelgen mindetterdi sheshýdi qamtamasyz etetin aqparattyq júıelerdi qurý jáne paıdalaný, sotqa deıingi tergeý, ákimshilik quqyq buzýshylyqtar týraly ister boıynsha is júrgizý barysynda Qazaqstan Respýblıkasynyń zańnamasymen belgilengen tártippen tekserý uıymdastyrý; 5) sybaılas jemqorlyqqa qarsy is-qımyl boıynsha baǵdarlamalyq qujattar ázirleýge jáne iske asyrýǵa qatysý; 6) sybaılas jemqorlyqqa qarsy is-qımyl salasynda normatıvtik-quqyqtyq bazany jetildirý boıynsha usynystar ázirleý; 7) Qazaqstan Respýblıkasynyń zańnamasymen kózdelgen tártippen tergeý áreketterin júrgizý, prosestik sheshimderdi qabyldaý jáne jedel-izdestirý is-sharalaryn júzege asyrý; 8) qylmystyq-prosestik zańnamaǵa jáne (nemese) ákimshilik quqyq buzýshylyq týraly zańnamaǵa sáıkes qujattardy, taýarlardy, zattardy nemese ózge de múlikti alyp qoıý nemese alýdy júrgizý; 9) Qazaqstan Respýblıkasynyń zańnamasymen kózdelgen jaǵdaılarda, ýákiletti organdar men laýazymdy adamdardan revızııalar, salyqtyq jáne basqa da tekserýler, memlekettik aýdıt jáne baǵalaý júrgizýdi talap etý; 10) Qazaqstan Respýblıkasynyń zańnamasymen kózdelgen tártippen tıisti ýaqytsha ustaý ızolıatorlaryn, tergeý ızolıatorlaryn paıdalaný; 11) memlekettik organdardan, uıymdardan, laýazymdyq jáne jeke tulǵalardan Qazaqstan Respýblıkasynyń zańnamasynda belgilengen tártippen qajetti aqparattar men materıaldardy suratý jáne alý; 12) óńdiristegi qylmystyq ister boıynsha shaqyrýǵa kelýden jaltarǵan adamdardy kúshtep ákelý; 13) ustalǵan jáne qamaýǵa alynǵan adamdardy aıdap alyp kelý; 14) sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylda basqasha túrde járdem kórsetken adamdardy yntalandyrý; 15) ózara aqparat almasýdy, onyń ishinde zańnamada belgilengen tártippen elektrondy tásilmen qamtamasyz ete otyryp, Ulttyq bıýronyń quzyretine kiretin máseleler boıynsha memlekettik organdarmen jáne uıymdarmen, basqa quqyq qorǵaý organdarymen, halyqaralyq uıymdarmen ózara is-qımyldy júzege asyrý; 16) Ulttyq bıýronyń júrgizýine jatatyn máseleler boıynsha shet memleketterdiń tıisti organdarymen, halyqaralyq uıymdarmen yntymaqtasý, sondaı-aq sybaılas jemqorlyqqa qarsy is-qımyl salasyndaǵy halyqaralyq sharttardy jasasý jáne qosylý boıynsha Agenttikke usynystar engizý; 17) atys jáne ózge qarýdy, arnaıy quraldardy alyp júrý, saqtaý jáne qoldaný, sondaı-aq qajet bolǵan jaǵdaıda qol kúshin, onyń ishinde Qazaqstan Respýblıkasynyń zańnamasynda belgilengen tártippen jaýyngerlik kúres tásilderin qoldaný; 18) qyzmettik mindetterin oryndaý kezinde nysandy kıim kııý; 19) Ulttyq bıýronyń jáne onyń aýmaqtyq bólimsheleri qyzmetkerleriniń (jumyskerleriniń) qyzmetinde ishki qaýipsizdiktiń qamtamasyz etilýi jáne zańdylyqtyń saqtalýy boıynsha sharalar qabyldaý; 20) Qazaqstan Respýblıkasynyń zańnamasyna sáıkes sotqa talap-aryzdar berý; 21) Qazaqstan Respýblıkasynyń zańnamasynda kózdelgen ózge quqyqtardy júzege asyrý. 16. Ulttyq bıýronyń mindettemeleri: 1) quqyq buzýshylyqtar týraly ótinishterdi, habarlamalardy, shaǵymdar men basqa da aqparattardy qabyldaý, tirkeý, esepke alý jáne qarastyrý kezindegi zańdylyqty saqtaý; 2) jasalǵan nemese daıyndalyp jatqan qylmystar týraly aryzdar men habarlamalardy qabyldaý, tirkeý jáne qarastyrý, olardyń jolyn kesý, ashý, olardy jasaǵan adamdardy ustaý jáne qoǵamdyq qaýipti áreketterge jol bermeý boıynsha sharalardy ýaqtyly qabyldaý; 3) Ulttyq bıýronyń quzyreti sheginde jalpy jáne arnaıy jedel-izdestirý is-sharalaryn, ja­syryn tergeý áreketterin júzege asyrý, qylmystyq proseske paıdalaný úshin olardyń nátı­jelerin tirkeý arqyly qylmystardy anyqtaýdy, jolyn kesýdi jáne ashýdy qamtamasyz etý; 4) Qazaqstan Respýblıkasynyń Qylmystyq-prosestik zańnamasymen kózdelgen tártippen aldyn ala tergeýdi anyqtaýdy júzege asyrý; 5) qylmystyq proseske qatysatyn adamdardy memlekettik qorǵaý boıynsha zańnamalyq aktilermen kózdelgen sharalardy qabyldaý; 6) Ulttyq bıýronyń qarýlandyrýynda turǵan qarýlardyń, oq-dárilerdiń, arnaıy quraldardyń saqtalýyna baqylaýdy esepke alý jáne júzege asyrý; 7) qylmystyq ister boıynsha zattaı aıǵaqtardy, sotqa deıingi tergep-tekserýdiń merzimi toqtatylǵan qylmystyq isterdi, sondaı-aq jedel esepke alý jáne jasyryn tergeý amaldarynyń isterin esepke alý jáne saqtaý; 8) prokýrorlyq yqpal etý jáne sot aktilerin qarastyrý; 9) «Ákimshilik quqyq buzýshylyq týraly» Qazaqstan Respýblıkasynyń kodeksimen belgilengen tártipte qylmystyq-prosestik qazmetti qamtamasyz etýmen baılanysty ákimshilik quqyq buzýshylyqtar týraly ister boıynsha óndiristi júzege asyrý; 10) izdeýdegi adamdardyń ornalasý jerin anyqtaý jáne ustaý boıynsha is-sharalar júrgizý; 11) Ulttyq bıýronyń belgilengen quzyreti sheginde izdeýdegi adamdardy alyp kelýdi uıymdastyrý; 12) óz qyzmetin júzege asyrý kezinde qyzmettik tártipti jáne qupııalylyq rejımin saqtaý; 13) Ulttyq bıýronyń jáne onyń aýmaqtyq bólimsheleriniń qyzmetkerlerin (jumyskerlerin) daıarlaýdy, qaıta daıarlaýdy jáne biliktiligin arttyrýdy júzege asyrý; 14) Qazaqstan Respýblıkasynyń zańnamasynda kózdelgen ózge mindettemelerdi júzege asyrý. 3. Qyzmetti uıymdastyrý 17. Ulttyq bıýrony basqarýdy vedomstvoǵa júktelgen mindetterdiń oryndalýyna jáne onyń óz fýnksııalaryn júzege asyrýǵa derbes jaýaptylyqta bolatyn basshy júzege asyrady. 18. Ulttyq bıýronyń basshysyn Agenttik tóraǵasynyń usynýy boıynsha laýazymǵa taǵaıyn­daıtyn jáne laýazymnan bosatatyn Qazaqstan Respýblıkasynyń Prezıdenti taǵaıyndaıdy. 19. Ulttyq bıýro basshysynyń Qazaqstan Respýblıkasynyń zańnamasyna sáıkes laýazymǵa taǵaıyndalatyn jáne laýazymnan bosatylatyn eki orynbasary bolady. 20. Ulttyq bıýro basshysynyń ókilettikteri: 1) Ulttyq bıýroǵa júktelgen mindetterge sáıkes onyń qyzmetin uıymdastyrady jáne jalpy basshylyqty júzege asyrady; 2) shtat sanynyń lımıti sheginde Ulttyq bıýronyń jáne onyń aýmaqtyq organdarynyń qurylymy boıynsha usynystardy Agenttiktiń qaraýyna engizedi; 3) óz orynbasarlarynyń jáne Ulttyq bıýronyń qurylymdyq bólimsheleri basshylarynyń ókilettikterin aıqyndaıdy; 4) Ulttyq bıýronyń, onyń aýmaqtyq organdarynyń kadr máselelerin Agenttik Tóraǵasynyń buıryǵymen belgilengen tártippen sheshedi; 5) Qazaqstan Respýblıkasynyń zańnamasymen belgilengen tártippen Ulttyq bıýronyń jáne onyń aýmaqtyq organdarynyń jumyskerlerine (qyzmetkerlerine) tártiptik jazalar salady jáne yntalandyrý sharalaryn qabyldaıdy, eńbek qatynastary máseleleri onyń quzyretine kiredi; 6) óz quzyreti sheginde Ulttyq bıýro jáne onyń aýmaqtyq organdary qyzmetkerleriniń (jumyskerleri) oryndaýy úshin mindetti buıryqtar shyǵarady jáne nusqaýlar beredi; 7) Agenttikke Ulttyq bıýronyń jáne onyń aýmaqtyq organdarynyń qyzmetkerlerin (jumyskerlerin) memlekettik nagradalarmen nagradtaý týraly usynýlar engizedi; 8) Agenttik tóraǵasynyń kelisimi boıynsha Qazaqstan Respýblıkasynyń zańnamasymen belgilengen tártippen Ulttyq bıýronyń jáne onyń aýmaqtyq organdarynyń qyzmetkerlerine biliktilik synyptaryn belgileıdi; 9) Qazaqstan Respýblıkasynyń zańnamasyna sáıkes memlekettik organdarmen jáne ózge de uıymdarmen qarym-qatynastarda Ulttyq bıýronyń atynan ókildik etedi; 10) óz quzyretine kiretin ózge de máseleler boıynsha sheshimder qabyldaıdy. Ulttyq bıýronyń basshysy bolmaǵan kezeńde onyń ókilettilikterin oryndaýdy basshynyń tapsyrmasy boıynsha onyń orynbasarlarynyń bireýi júzege asyrady. 21. Ulttyq bıýro basshysynyń Ulttyq bıýronyń janynan konsýltatıvti-keńesshi organ qurýǵa quqyǵy bar. 4. Ulttyq bıýronyń múlki 22. Ulttyq bıýronyń Qazaqstan Respýblıkasynyń zańnamasymen kózdelgen jaǵdaılarda jedel basqarý quqyǵynda oqshaýlanǵan múlki bolady. Ulttyq bıýronyń múlki, onyń menshigine memleket bergen, sondaı-aq Qazaqstan Respýblıkasynyń zańnamasymen tyıym salynbaǵan ózge de kózderden jáne menshiktik qyzmetter nátıjesinde alynǵan múlikter esebinen (aqsha kiristerin qosa alǵanda) quralady. 23. Ulttyq ǵa bekitilgen múlik respýblıkalyq menshikke jatady. 24. Ulttyq bıýronyń ózine bekitilgen múlikti jáne qarjylandyrý jospary boıynsha berilgen qarajat esebinen alynǵan múlikti Qazaqstan Respýblıkasynyń zańnamasynda eger ózgeshe belgilenbese, óz betinshe ıelikten shyǵarýǵa nemese ózgeleı tásilmen ıelik etýge quqyǵy joq. 5. Ulttyq bıýrony qaıta uıymdastyrý jáne taratý 25. Ulttyq bıýrony qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.