Otyrar aýdany 10 aıda 11 mlrd teńgeniń ónimin óndirdi

Otyrar aýdany on aıda 11 mlrd. 522 mln. 700 myń teńgeniń ónimin óndirdi. Bul týraly aýdan ákimi Erlan Aıtahanov «Nur Otan» partııasy OQO fılıalynyń Saıası keńes bıýrosyndaǵy májiliste habarlady. «О́ńirimizdiń agrarly aımaq ekenin eskersek, aýyl sharýashylyǵynyń damýyna erekshe nazar aýdarylýda. Egis kólemin ulǵaıtý, jańadan qosylǵan jerlerdi ıgerý, zamanaýı tehnologııalardy keńinen engizý jylyjaı, mal basyn asyldandyrý boıynsha jumystar júrgizilýde. Máselen, osy jyldyń esepti kezeńiniń qorytyndysymen aýyl sharýashylyǵynyń jalpy ónim kólemi 11 mlrd 539 mln teńgeni qurap, ótken jyldyń osy kezeńimen salystyrǵanda 3 mlrd 179 mln teńgege ósken. Al ıgerilgen sýarmaly jerdiń kólemi 24 myń 338 gektarǵa jetip, ótken jylmen salystyrǵanda 2 myń 700 gektarǵa artqan. Búgingi tańǵa dándik júgeriden 27 677,5 tonna, kókónisten 9 610,5 tonna, baqshadan 110 428 tonna, kartoptan 2009,2 tonna ónim jınaldy»,-dedi E.Aıtahanov. Baqtııar TAIJAN, «Egemen Qazaqstan». Ońtústik Qazaqstan oblysy.