Qanat Islam aýyl turǵyndarymen kezdesti

Búgin, boksshy Qanat Islam Shyǵys Qazaqstan oblysyndaǵy Nurly kósh aýylynda bolyp, qandastarmen kezdesti, dep habarlady QazAqparat. Aýyldaǵy atqaminer azamattardyń arnaıy shaqyrýymen Nurly kósh aýylyna kelgen Qanat Islam, aýyldyq orta mektepte jankúıerlermen júzdesip, suraqtaryna jaýap berdi. Qandastar batyr uldaryna arnap aq sarbas qoı soıdy, shapan jaýyp, at mingizdi. Qanat Islam  ózi sekildi boksshy bolýdy armandaıtyn jastarǵa aqyl-keńesin aıtyp, mektep oqýshylaryna  óz qoltańbasy jazylǵan sporttyq qural-jabdyqtardy syıǵa tartty. «Qanat Islamdy halyq jaqsy kóredi. О́ıtkeni ol sportshy ǵana emes, júregi qazaq dep soqqan namysy bıik, otanshyl azamat. Búgingi jas urpaq Qanatqa eliktegisi keledi. Aýyldaǵy qara domalaq balalar osyndaı aǵalarynan úlgi alsyn, áńgimesin óz aýzynan estisin degen nıetpen arnaıy shaqyrdyq. Urpaqtarymyz Qanat Islam sekildi bilegine júregi saı bolyp ósse, armanymyz joq», – dedi kezdesýdi uıymdastyrýshy Dáýlet Iаqııauly.