Kúshtilerdiń qatary setinegen joq

Pavlodarda ótip jatqan boks­tan Qazaqstan chempıonatynda sońǵy eki kúnniń ishinde jartylaı fınalǵa shyqqandar tolyq belgili boldy. Elimizdiń namysyn Olımpııalyq oıyndarda, álem jáne Azııa chempıonattarynda qorǵap júrgen tańdaýly bylǵary qolǵap sheberleri saptaryn buzbaı, «medaldar aýlasyna» qaraı qadam basty. Keshegi jartylaı fınaldyq aıqastarda ózin jaqsy qyrynan tanytqandardyń biri Rıo Olım­pıadasyna qatysýshy, álemniń 2013 jylǵy qola júldegeri, shymkenttik  Qaırat Erálıev (56 kg) boldy. Qarqyny qatty sportshy shırek fınalda 18 jastaǵy alań ıesi Abylaı Saılaýbekovti talassyz jeńdi. Al kelesi ke­zeńde ol Azııa oıyndarynyń chempıony, jaqynda osy sal­maqqa aýysyp kelgen Ilııas Súleımenovpen fınalǵa shyǵý jolynda shaı­qasady. О́ziniń jańa salmaqtaǵy birinshi dodasyn Pavlodar rınginde ótkizgen astanalyq boksshy bul joly Asylhan Uzaqbaevpen jekpe-jegin mer­ziminen buryn aıaqtady. Sebebi, Ilııastyń qarsha boraǵan soqqysynan shákirtin saqtap qal­ǵysy kelgen atyraýlyq jat­tyq­tyrýshy ekinshi raýndta urys­ty jalǵastyrýdan bas tartty. Budan ári 64 kıloǵa deıingi sportshylar sharshy alańǵa shyq­ty. Ony kókshe­taýlyq Sabyr­jan Bekber­genovti tize búktirgen almatylyq Dilmurat Mejı­tov jeńispen bastap berdi. Al pav­lodarlyq 20 jasar Qýan Qýatov qostanaılyq Nıkolaı Shvabty tartysty talas ústinde ádemi utty. 75 kıloǵa deıingi salmaqta da tartysty shaıqastar az bolǵan joq. Sol qolǵap túıistirýlerde Erik Áljanov, Manat О́mirzaqov, Tursynbaı Qulahmetov jáne Ábil­han Amanqul medaldar sarapqa salynatyn sheńberden tabyldy. 91 kg salmaqta Azııa men Azııa oıyndarynyń chempıony Anton Pınchýk eki jyldyq úzilisten soń rıngke qaıta oralǵan qaraǵandylyq Almat Serimovtiń osal tusyn tapty. Sondaı-aq, bul salmaqta Arbek Ábdýǵanıev, Erkin Muhametjan jáne Serik Musadilov jarysty jalǵastyrýǵa múmkindik aldy. Búgin – chempıonattyń dem-al­y­s kúni. Erteń jartylaı fı­naldyq jekpe-jekter ótedi. Al 27 qarashada chempıonat márege jetedi. Farhat ÁMIRENOV PAVLODAR Sýretti túsirgen Danııar MAILYBAEV