2011 jylǵy 5 qyrkúıek, Astana, Úkimet úıi
«Shıki munaı men munaıdan jasalǵan taýarlarǵa kedendik áketý bajdary týraly» Qazaqstan Respýblıkasy Úkimetiniń 2005 jylǵy 15 qazandaǵy № 1036 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Shıki munaı men munaıdan jasalǵan taýarlarǵa kedendik áketý bajdary týraly» Qazaqstan Respýblıkasy Úkimetiniń 2005 jylǵy 15 qazandaǵy № 1036 qaýlysyna (Qazaqstan Respýblıkasynyń PÚAJ-y, 2005 j., № 38, 533-qujat) mynadaı ózgerister engizilsin: kórsetilgen qaýlyǵa qosymshada: «Baj stavkasy (1000 kg úshin dollarmen)» degen baǵan mynadaı redaksııada jazylsyn: «Baj stavkasy (1000 kg úshin dollarmen) 40 143,54 95,69 95,69 95,69». 2. Qazaqstan Respýblıkasy Syrtqy ister mınıstrligi eki apta merzimde Eýrazııalyq ekonomıkalyq qoǵamdastyq Integrasııalyq Komıtetiniń Hatshylyǵyn Qazaqstan Respýblıkasynyń Úkimeti qabyldaıtyn syrtqy saýda qyzmetin retteý sharalary týraly habardar etsin. 3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K. MÁSIMOV
