Táýelsizdik deklarasııasy – taǵylym alar tarıhymyz

Sársenbi kúni ótken Parlament palatalarynyń birlesken otyrysynda depýtattar Qazaqstan Respýblıkasy Táýelsizdiginiń 25 jyldyǵyna arnalǵan Deklarasııany qabyldaǵany belgili. Elimizdiń shırek ǵasyr ishinde qol jetkizgen jetistikterin aıshyqtaıtyn bul mańyzdy qujatta tolaǵaı tabystarǵa ıek artýymyz Elbasy Nursultan Nazarbaevtyń eren eńbeginiń arqasynda múmkin bolǵany aıryqsha atap ótiledi. Táýelsizdik Deklarasııasy qabyldanýyna oraı redaksııamyzǵa elimizdiń ár shalǵaıynan mańyzdy qujatqa jan-jaqty qoldaý bildirgen únqosýlar kelip jatyr.

Jasampazdyqtyń jarqyn kórinisi

San ultty Qazaqstan halqy mereı men maqtanysh qushaǵynda. Qashanda óz qolyńmen jasaǵan ıgiliktiń máýesi tátti bolatyny aıqyn. Bul Táýelsizdigimizdi qadirleýdiń, oǵan berile qyzmet isteýdiń kóńil ósirer qýanyshy. Osydan da qos palatanyń birlesken otyrysynda biraýyzdan qabyldanǵan Deklarasııa barshamyzdyń kókeıimizden shyqqan tarıhı qujat dep baǵalanatyny sózsiz. Men: «Táýelsizdiktiń 25 jyldyq mereıtoıy – óz tarıhynda tuńǵysh ret zamanaýı memleket qurǵan Qazaqstan halqynyń aýqymdy tarıhı jetistikteriniń jarqyn kórinisi. Qazaqstan úshin Táýelsizdiktiń 25 jyly ilgerileý men ornyqty damýdyń kezeńi boldy. Táýelsiz Qazaqstan óziniń jańa tarıhymen tabysty memleket jáne búkil Ortalyq Azııa óńiriniń kóshbasshysy atanýǵa quqyǵy bar ekendigin dáleldedi», degen deklarasııalyq baǵaǵa tolyq qosylamyn. О́ıtkeni, Qazaqstan osynaý tarıhı qysqa merzimde ekonomıkasy qarqyndy damyǵan, tabysqa jetýdiń biregeı tájirıbesi bar saıası turaqty memleket retinde qalyptasty. Bizdiń elimizde ekonomıkalyq, saıa­sı jáne áleýmettik salalarda asa iri ózgerister júzege asty. Osynaý kúrdeli de qıyn kezeńde elimizdi eńselendirýge hal-qaderinshe at salysqan bizdiń urpaq, bizdiń balalarymyz ben nemerelerimiz, erteńgi eren urpaq kók Týymyzdy asqaq kótergen Tuńǵysh Prezıdentimiz – Elbasy Nursultan Ábishuly Nazarbaevtyń danalyǵy men kóregendigine aqjarma alǵysyn aıtady. Talassyz shyndyq mynaý: «Prezıdent N.Nazarbaevtyń saıası erik-jigeri jáne strategııalyq kóregendigi damýdyń qazaqstandyq úlgisiniń tabysty bolýyn aıqyndap, Otanymyzdyń ornyqty ósip-órkendeý jolyna shyǵýyna múmkindik týdyrdy, ǵalamdyq josparlar túzýimizge senim qalyptastyrdy». Sol senimge saı búkilhalyqtyq silkiniske ekpin qosyldy, biz keshegi kúnniń elesinde joq bıikterge qol sozýdamyz. Bul senim bizdi «Qazaqstan-2050» Strategııasy men «Máńgilik El» ıdeıasynyń mereıli murattaryna jaqyndata túsýde. Qazaqstan Táýelsizdiginiń 25 jyldyǵyna arnalǵan Deklarasııanyń jigerlendirýshi qýaty da osynda.  Esilbaı QADYRÁLIN, Sosıalıstik Eńbek Eri Aqmola oblysy

Damýdyń dańǵyl jolyndamyz

Elimiz táýelsizdigin alǵan jyldary eldiń elordasyn ózgertý týraly oı eshkimniń oıyna kele qoıǵan joq edi. О́ıtkeni, sol 90-shy jyldardyń ortasy ekonomıkalyq daǵdarystyń shyńyna jetken kezi edi ǵoı. Sonda Elbasy Nursultan Nazarbaev memlekettiń ortalyǵyn búgingi ornyna kóshirý týraly usynysyn aıtqanda, Parlament depýtattarynan bastap, eldiń qarapaıym turǵyndaryna deıin tańyrqap qalǵany esimizde. Elbasy usynysyna qarsy bolǵandar da bar. Rasynda, qıyn ýaqytta astanany aýystyrý degen sóz ersi sekildi kóringen. Alaıda, Elbasy bastamasynyń durystyǵyn ýaqyt dáleldedi. Tipti, ornalasýy jaǵynan Qazaqstannyń barlyq shalǵaıyna ortalyq bolyp sanalatyn, Uly Daladaǵy búgin toty qustaı taranyp turǵan Astana qalasynyń alǵashqy sáýletshisi de Nursultan Ábishulynyń ózi desek, artyq aıtqandyq emes. Eldiń ortalyǵyn kóshirýdiń jas Táýelsiz memleket úshin qanshalyqty saıası, ekonomıkalyq, áleýmettik mańyzy bolǵanyn jurt Astana qulpyra bastaǵanda túsindi. Qazir dúnıe júzindegi damyǵan kóp elder sekildi bizdiń de eldiń saıası, ekonomıkalyq, óner, bilim, týrızm ortalyǵy bolyp sanalatyn eki qalamyz bar. Almaty men Astana birin biri tolyqtyrmasa, qaıshy kelip turǵan joq. Qazir Astanaǵa syrttan kelgen qaı eldiń adamy bolsa da tańyrqamaı qaraı almaıdy. Aınaldyrǵan 25 jyldyń ishinde osyndaı qala kóterý ózge elder úshin múmkin ertegi shyǵar. Elimiz osy jyldar ishinde buryn-sońdy bolmaǵan damýdyń dańǵyl jolyna tústi. Kenjebek ÝKIN, oblystyq ardagerler keńesiniń tóraǵasy, Qostanaı oblysynyń Qurmetti azamaty QOSTANAI  

Baýyry bútin eldiń nesibesi eselenedi

Parlamentimiz Qa­zaq­stan Respýblıkasy Táýelsizdiginiń 25 jyldy­ǵy Deklarasııasyn qabyl­dady. О́z taǵdyr-tala­ıynda talaı surapyl oqı­ǵalardy kórip, tipti jer betinen joǵalyp ketý de qaýip tóngen halqymyz úshin óte mańyzdy qujat. Ábilqaıyr ulysynan Kereı men Jánibektiń bas­taýymen bólinip shyǵyp, tarıhqa qazaq ataýymen kirgen halqymyzdyń aldynan egemendik baqyty kúlip qarsy alǵan joq edi. Táýelsizdik, azattyq úshin qıdalasqan ǵasyrlarda ata-babamyz táýekelge minip, at ústinde júrse, asyl analarymyz «urpaǵymyzdyń erteńi qalaı bolady?» dep qaıǵydan qan jutqany anyq. Elimizdi ata-baba ańsaǵan Táýel­sizdikke Allanyń alqaýymen Qazaq­stannyń Tuńǵysh Prezıdenti Nursultan Ábishuly Nazarbaev jetkizdi. Búginde jer aman, eldiń baýyry bútin. Keshegi baýyrlas memleketterdiń ishinde eń alǵashqylardyń biri bolyp shekaramyzdy shegendep aldyq. Qazaq balasynyń úni Birikken Ulttar Uıymynyń minberinen estildi. О́z eli, óz jerinde esik kózin­de otyrǵan qazaq Eýro­panyń tórine shyqty. Bir-birimen sózi jaras­paı, jaǵaǵa jarmasqan el­derdiń prezıdentteri saýǵa, bitimgershilik surap biz­diń Elbasynyń aldyna keletin boldy. Qazaqty osyn­daı bıikke kótergen Memleket basshysy Nursultan Nazarbaev eke­ni aıtpasa da túsinikti. Men qarapaıym ha­lyqtyń ókilimin. Qazaqtyń dańqty uly Shámshi Qaldaıaqov oqyǵan oqý or­nynyń basshysymyn. Men sekildiler elimizde júz myńdap sanalady. Bul jerde meniń aıtaıyn degenim, ózim sııaqty qarapaıym halyqtyń ókili retinde táýelsizdigimiz tuǵyrly bolyp, Máńgilik El bolý armanymyzǵa qaraı senimdi qadammen ilgerileı bereıik. Erkimbek QANJIGITOV, Qaplanbek agrarlyq-tehnıkalyq kolledjiniń dırektory, veterınarııa ǵylymdarynyń doktory, professor Ońtústik Qazaqstan oblysy, Saryaǵash aýdany  

Bıigimiz alasarmasyn

Táýelsizdiktiń 25 jyl­dyǵyna arnalǵan Dek­lara­sııanyń qabyldanýynyń tarıhı mańyzy bar. О́ıtkeni, shırek ǵasyrlyq merzimde talaı qıyndyqty artqa tastadyq. Talaı asý bermes bıikterdi baǵyndyrdyq. Ta­laılar ańsap júrgen tabysqa qol jetkizdik. Árıne, Qazaq eliniń Tuńǵysh Prezıdenti Nursultan Nazarbaev úshin de, bar úmitin Elbasyna artqan barsha qazaqstandyqtar úshin de táýelsizdik jyldaryndaǵy jetistigimiz ońaılyqpen ýysqa túse qoıǵan joq. Bir jaǵynan jańadan kásiporyndar qurý, ekonomıkany ártaraptandyrý máseleleri aldymyzda turdy. Ekinshiden, jahandyq qarjy daǵdarysynyń, álem elderiniń bir-birine ekonomıkalyq sanksııa salý sekildi qıyndyqtarynyń salqyny bizdiń ekonomıkamyzǵa da áserin tıgizbeı qoımady. Degenmen, qandaı qıyndyqtyń da kúrmeýin ońtaıly sheshý jolyn taba biletin Elbasy Nursultan Nazarbaev qarjy daǵdarysy ispetti syn-qaterlerdiń aldyn alý sharalaryn sátti júrgizdi. Qazir el ekonomıka­sy yrǵaqty damý baǵyty­nan jańylǵan emes. Ekono­mıkany eńselendirý, halyq­tyń áleýmettik ál-aýqatyn jaqsartý turǵysynda qolǵa alynǵan san alýan reformalar jemisin berdi. О́zimizde óndiriletin otandyq ónim­der qatary molaıdy. Ju­myssyz júrgender qatary edáýir azaıdy. Oblys pen oblystyń, aýdandar men aýyldardyń aralyǵyn jalǵaıtyn joldar jańǵyrtyldy. Jańa mektepter men aýrýhanalar, mádenıet oshaqtary boı kóterdi. Bir sózben aıtqanda, túrli ınfraqurylymdar jańaryp, eldiń eńsesi kóterildi. Táýelsizdiktiń shırek ǵasyrynda ortaq Otanymyz –Qazaqstannyń áleýmettik-ekonomıkalyq ahýaly, halqynyń turmysy túp-tórkinimen ózgerdi. Munyń bárin Táýelsizdigimizdiń aıryqsha syıy dep uǵynýymyz qajet. Osy oraıda qos palataly Parlament depýtattary qabyldaǵan Táýelsizdiktiń 25 jyldyǵyna arnalǵan Deklarasııasyn tarıhı qujat deýimizge tolyq negiz bar. Oǵan Deklarasııada «Táýelsizdiktiń 25 jyldyq mereıtoıy – óz tarıhynda tuńǵysh ret zamanaýı memleket qurǵan Qazaqstan halqynyń aýqymdy tarıhı jetistikteriniń jarqyn kórinisi. Qazaqstan úshin Táýelsizdiktiń 25 jyly ilgerileý men ornyqty damýdyń kezeńi boldy. Táýelsiz Qazaqstan óziniń jańa tarıhymen tabys­ty memleket jáne búkil Ortalyq Azııa óńiriniń kóshbasshysy atanýǵa quqyǵy bar ekendigin dáleldedi. О́z Táýelsizdiginiń 25 jylynda Qazaqstan ekonomıkasy qarqyndy damyǵan, tabysqa jetýdiń biregeı tájirıbesi bar saıası turaqty memleket retinde qalyptasty. Bizdiń elimizde ekonomıkalyq, saıası jáne áleýmettik salalarda asa iri ózgerister júzege asty. Táýelsiz Qazaqstannyń barlyq jetistikteri men jeńisteri Qazaqstan Respýblıkasynyń Tuńǵysh Prezıdenti Elbasy Nursultan Ábishuly Nazarbaevtyń tegeýrindi jáne dana basshylyǵymen árbir qazaqstandyqtyń tabandy da tynymsyz eńbeginiń arqasynda múmkin boldy. Prezıdent N.Nazarbaevtyń saıası erik-jigeri jáne strategııalyq kóregendigi damýdyń qazaqstandyq úlgisiniń tabysty bolýyn aıqyndap, Qazaqstannyń ornyqty ósip-órkendeý jolyna shyǵýyna múmkindik týdyrdy» delingeni tolyq dálel bola alady. Endi bul qujattyń tarıhı taǵylymyn el ishinde ásirese, jas býynnyń arasynda keńinen nasıhattaǵan oryndy bo­latyn sekildi. Olaı deıtinim, atal­ǵan Deklarasııanyń elimizdiń basty ıdeo­logııalyq qujaty retindegi mańyzy aıryq­sha bolǵaly tur. Muny táýelsizdik jyl­daryndaǵy jetistikterimizdiń keńinen qam­tylǵanyna baılanysty aıtyp otyrmyn. Orynsha QAIREKEShOVA, Mahambet aýdandyq Ishki saıasat bólimi basshysynyń mindetin atqarýshy Atyraý oblysy  

Qundylyqtardy qasterleıik

Parlament pala­ta­la­rynyń birlesken oty­rys­ynda qabyl­danǵan Dek­larasııa Táýel­siz­dik­tiń 25 jyldyǵymen tus­pa-tus kelgen mańyz­dy qujat boldy. Dek­larasııada shırek ǵasyr ishin­de atqarylǵan, táýel­siz elimiz qol jetkizgen je­tistikter men tabystar naqty ári keń baıandalǵan. Keń-baıtaq dala tósinde damýǵa qulash urǵan aı­byndy memlekettiń jetistikteri men Tuńǵysh Prezıdent Nursultan Nazar­bae­v­tyń eren eńbegi de anyq kórse­tiledi. Sebebi, Qazaqstannyń táýel­sizdik alǵaly júrip ótken joly men jarqyn jańalyqtary, áleýmettik-ekonomıkalyq damýynyń soqpaǵy Elbasy saıasatymen, Elbasy iskerligimen sabaqtasyp jatyr. Jańa Elordamyz – Astana qalasynyń qalyptasýy, onyń álemdik aıtýly jıyndardy ótkizip, dúnıejúzilik máni bar máselelerdi talqylaý tórine aınalýy, eń alǵash bolyp atomdyq qarýdan bas tartý, san ult ókilderi men san túrli dinı nanym-senimdegi adamdardy bir shańyraq astyna tatý-tátti ustaı alǵan aýyzbirlik máselesi, úreı men jarylystar qushaǵynda qalǵan dúrbeleńi mol zamanda beıbitshilikti ornyqtyrýǵa shaqyrý jáne arazdasqan alpaýyt elder arasyna araaǵaıyn bolý nátıjeligi Qazaq­stan­nyń, Memleket bas­shy­synyń tulǵasyn som­dap, álemdik dárejede be­delin asqaqtata tústi. Par­lament depýtattary qabyl­daǵan Deklarasııada Qazaq­stannyń 25 jyl ishin­de saıası ustanymy arqy­ly álem elderine tanylyp, ishki jáne syrtqy áleýetin arttyryp, damýdyń dańǵyl jolyn tańdaǵandyǵy da dáıekti aıtylady. Kólemi jaǵynan qysqa bolǵanymen, arqalaǵan júgi aýyr, aıtar oıy mańyz­dy, ón boıyna Táýelsizdiktiń 25 jyl­dyq tutas tarıhyn toptastyrǵan Dek­larasııa – el táýelsizdigin berik ustaý, qundylyqtardy qasterleý, Máńgilik El bolý jolynda ózara birlikte bolý ıdeıa­syn usynady jáne barlyq qazaq­stan­dyqtardy «bir jeńnen qol, bir jaǵadan bas» shyǵarý arqyly Otanymyzdy odan ári órkendetýdi maqsat etýge shaqyrady. Amangúl JAIYLHANOVA, Mańǵystaý oblystyq «Qoǵamdyq kelisim» memlekettik mekemesiniń dırektory AQTAÝ

Eńbektiń baǵasyn halyq beredi

Memleket basshysy Nursultan Nazarbaev halqynyń baǵyna týǵan tulǵa ekenin men ǵana emes, barsha qazaqstandyqtar aıtary sózsiz. Bul – elin súıer erin barsha qazaqstandyqtardyń da qurmetteıtininiń, qa­dir­leıtininiń aıqyn kóri­nisi. Elbasynyń táýelsiz­diktiń tuǵyrly bolýy jo­lyndaǵy tarıhı taǵy­lymdy isteri men izdenis­teri Qazaqstandy álemge tanytty, osy arqyly ózin de álemdik saıasatta moıyn­­datty. Onyń osy jyldardaǵy bolat­taı berik ustanymy ulan-ǵaıyr ju­mystyń atqarylýyna alǵyshart jasa­dy. Nursultan Ábishulynyń Táýelsiz­diktiń 25 jyly ishinde ǵasyrda atqa­rylatyn sharýalardy júzege asyr­ǵanyn kórip, kóńilimiz sezip otyr. Áýeli ekonomıkany durys jolǵa qoıýdy qolǵa alǵan ol saıasatta da álemdi moıyndatatyndaı qadamdar jasaǵanyn aıtý lázim. О́tken shırek ǵasyr ýaqyt ishinde táýelsiz memlekettiń negizi qalanǵany, demokratııalyq qoǵam qalyptasqany, halyqaralyq bedeldi uıymdar men qaýymdastyqtarǵa múshe bolǵany Elbasy esimimen tyǵyz baılanysty. Táýelsiz jas memleketimiz naryqtyq qatynastarǵa tóselip, damýdyń qazaqstandyq aıshyqty jolyn tańdaýynda da Nursultan Ábishulynyń ózindik qoltańbasy jatqany sózsiz. Elordany arqadaǵy As­tanaǵa kóshirip, ózge memle­ketterdiń túsine de kir­meıtin irgeli de iri is tyn­dyrǵanyn tórtkúl dúnıe túgel bilip otyr. Astanada álemdik deń­geıdegi úlken jıyndar ótkizip, olarda ekonomıkalyq damýdyń, beıbitshilik pen turaqtylyqtyń tuǵyryn bekitetin sheshimderge qol jetkizýi – bul kisiniń halqynyń baǵyna týǵan tulǵa ekeniniń aıqyn dáleli. Táýelsiz elimizdegi halyqtardyń birligi men yntymaǵyn saqtaýdaǵy eren eńbeginiń ózi nege turady. Ár alýan din ókilderiniń basyn Astanada áldeneshe ret qosýy, Semeı polıgonyndaǵy synaqtardy toqtatyp, Qazaqstandy ıadrolyq qarýsyz elge aınaldyrýy, túrli odaqtar qurýǵa bastamashy bolýy, basqa da álemdik deńgeıdegi eren eńbegi Nursultan Nazarbaevtyń qajyr-qaıratynyń, eliniń erteńi úshin qyzmet etýdegi janqııarlyǵynyń kórinisi bolsa kerek. Qalaı degende de Elbasynyń osynshalyqty eńbeginiń baǵasyn halyq áldeqashan berip qoıǵan. Janǵabyl QABAQBAEV, Halyqaralyq «Qazaq tili» qoǵamy Aqtóbe oblystyq uıymy tóraǵasynyń orynbasary AQTО́BE  

Jańa model qalyptastyrý joly

Parlamenttiń qos palatasynyń birles­ken otyrysynda Táýel­siz­dik Deklarasııasy qa­byl­dandy. Onda ótken jyldar bederinde baǵyn­dyr­ǵan bıikterimiz sarala­nyp, bul iste Elba­synyń eńbegi erekshe ekeni naqpa-naq kól­deneń tartyldy. Mine, osynyń arqasynda dúnıe júzi qaýymdastyǵy Qa­zaq­standy órkenıetti eldermen terezesi teń el retinde tanysa, Ota­nymyzǵa strategııalyq áriptes retin­de qarasa, sarabdal syrtqy jáne ishki saıasaty úshin qadirlese, onda ol – Nursultan Ábishulynyń jar qulaǵy jastyqqa tımeı, tynys taýyp, tynym kórmeı etken eńbeginiń, tókken teriniń nátıjesi. Osy 25 jyl ishinde etnosaralyq rýhanı birlik, saıası tu­raqtylyq, azamattyq kelisim ornyǵyp keı­bir elderdegideı tynysh­ty­ǵymyz ketip, tynysymyz tarylmasa, ultymyzdyń tarıhı zerdesine qaıta-qaıta oralyp, joǵaltyp alǵanymyzdy túgendep jatsaq, bul da Elbasynyń aıryqsha yntasy men yqylasynyń is júzindegi kórinisi. Eldegi demokratııalyq úrdisterdiń jyl sanap jańa sıpattarǵa ıe bolýy, úılesimdi til saıasaty, din saıasatynyń qalyptasýy, shyǵysta Qytaımen, ońtústikte jáne batys­ta, alys-jaqyn sheteldermen daý-damaıǵa yryq bermeı, esemizdi jibermeı, shekaramyzdy anyqtap alsaq, tajal ordasy bolǵan Semeı polıgonyn jaýyp, ıadrolyq qarýdan óz erkimizben bas tartsaq, munyń barlyǵy da Prezıdentimizdiń batyldyǵy men kóregendigi. Qazaqstan naryqtyq ekonomıkaǵa túpkilikti tańdaý jasap, qarjy júıesin qalyptastyryp, tól aqshamyz – teńgeni  qoldanysqa engizip, onyń turaqtanýyna qol jetkizsek, óndiris oryndary ındýstrııalyq-ınnovasııalyq damýdyń arqasynda qaıta jandanyp,  orta, shaǵyn bıznes qanatyn keńge jaısa, qazirgi kezeńde 5 halyqtyq reformamen «100 naqty qadamyn» qarqyndy júrgizip jatsaq, halyqaralyq EKSPO-2017 kórmesin ótkizý quqyna ıe bolsaq, azııalyq el bola tura, EQYU-ǵa tóraǵalyq etsek, BUU Qaýipsizdik Keńesiniń turaqty emes múshesi bolsaq, munyń bári de Ult Kóshbasshysynyń halyqaralyq dárejedegi bedeliniń nátıjesi. «Máńgilik El» ıdeıasyn basty baǵdar etip, táýelsizdigimizdiń damý dańǵylyn «Nurly jolǵa»  aınaldyrý, álemdegi ozyq 30 eldiń qatarynan  oryn alý búkilhalyqtyq meje retinde kún tártibine qoıylyp, onyń údesinen shyǵýǵa pármendi sharalar qoldanylyp jatsa ol da qazaq topyraǵyndaǵy jasampazdyq qubylystardyń tikeleı bastaýshysy, táýelsizdiktiń alǵashqy 15 jylynda-aq álemdegi damyǵan 50 eldiń qataryna shyǵarǵan qoǵam damýynyń «qazaqstandyq jol» dep atalatyn   jańa modelin qalyptastyrýshy Nursultan Ábishulynyń  danalyǵy. Bir sózben túıip aıtsaq, Táýelsizdik jyldaryndaǵy tabystarymyz qomaqty. Jandar KÁRIBAIULY, Jambyl oblystyq Qoǵamdyq keńes tóraǵasy  

Táýelsizdikti eshkim syıǵa tartpaıdy

Táýelsizdikke jeter jol qaı kezde de, qaı elde de jeńil bolmaǵan. Ashy menen tushyny tatqan biler, jaqsy menen jamandy jortqan biler degendeı memleket qurýdyń qanshalyqty kúrdeli, qanshalyqty qıyn ekenin onyń basy-qasynda júrgender ǵana sezine alatyn bolsa kerek. Osy oraıda táýelsizdikke qol jetkizý joly – uly jol desek, artyq aıtqandyq bolmaıdy. Eger shyndyqtyń kózine týra qarasaq, egemendikti eshkim de syıǵa tartpaıdy. Aıtaıyn degenim, budan tup-týra 25 jyl buryn Qazaq eli óz aldyna derbes el atandy. Táýelsizdikke ıe bolý bar da, osy talaptarǵa sáıkes eldi ári qaraı damytý eshteńemen aıyrbastalmaıtyn ári eshqandaı qundylyqqa teń kelmeıtin osy táýelsizdigimizdi tuǵyrly ete túsý mindeti taǵy bar. О́tken 25 jyldyń ishinde biz osy talaptar údesinen de shyǵa alǵanymyz anyq. Táýelsizdikke qoıylatyn basty talaptardyń biri – ulttyq mádenıetimizdi damytýǵa udaıy kóńil bólý, ejelgi salt-dástúrimizdi saqtaı otyryp, ony búgingi kúnniń erek­sheligine sáıkestendire bilý emes pe?! Bul turǵyda da memlekettik deńgeıde belgilengen is-sharalar kesheni az emes. Álemdegi qazirgi jahandaný úderisiniń jeti qarys jutqynshaǵyna jutylyp ketpeýdiń basty joldarynyń biri de – ulttyq óner men mádenıet bolsa kerek. О́tken sársenbi kúni qabyldanǵan Táýelsizdik Deklarasııasynda eli­mizdegi mádenıet salasy qýatty damý serpinine ıe bolǵany atap kórsetilgen. Son­daı-aq, buǵan qozǵaý salǵan el Pre­zıdenti N.Á.Naz­ar­baev­­tyń bas­tamasy boıyn­­sha iske asyryl­ǵan «Mádenı mura»  baǵdar­­la­masy ekendigi de aıtylǵan. Mádenı mura uǵy­mynyń aýqymy óte keń. Sonyń basty tarmaq­tarynyń biri halqy­myzdyń dástúrli án-kúı murasy ekeni anyq. О́zim osy óner salasynda uzaq jyl boıy qyzmet jasap kele jatqandyqtan ári óner­diń óz ókili bolǵandyqtan, Táýelsiz­diktiń 25 jyldyǵy tusynda halqy­myzdyń dástúrli án óneriniń qaıta jań­ǵyr­tylýyna memlekettik turǵyda qol­daý kórsetilse, munyń ózi táýelsiz­dikti nyǵaıtý jolynda jasalǵan qa­damdardyń biri bolyp shyǵatyny anyq. Al tutastaı alǵanda, Táýelsizdik Deklarasııasynyń qabyldanýy tarıhı turǵydan da, oǵan búgingi kezeń bıiginen baǵa berý turǵysynan da ádiletti ári qajetti sheshim dep sanaımyn. Sonymen birge, Deklarasııanyń tórimizge ozýy bizdiń ári qaraı damýymyzdyń berik irgetasy bolmaq.  Qatımolla BERDIǴALI, Qazaqstannyń eńbek sińirgen qaıratkeri ORAL  

Qabyrǵaly qujat

Bala kezimde aýyl aq­saqal­darynyń ózara bas qosqan sátterinde «qaıran 25» dep jastyq shaǵyn, 25-tegi jalyn, shıyrshyq atyp turatyn kezderin saǵyna, kúrsine eske alyp otyrǵandaryn kórip edim, bul, árıne, adam ǵu­my­ry­nyń qaıta­lan­bas bir bele­sine qatysty áńgime. Al qoǵamdyq damý­dyń ár qıly kezeńderinde 25 týra­ly ne deýge bola­dy? Meniń oıymsha, bul ýaqyttyń ara­lyǵynda óziniń damý strategııasyn aı­qyn belgileı bilgen memleketter bıik nátıjelerge jete alady. Bul arada kóp máseleniń túıini el-jurtyn asqaq maqsattarǵa jeteleı alatyn belgili bir eldiń basshysyna da baılanysty. Osy oraıda taǵy bir aqıqattan attap ketý esh múmkin emes. Eger belgili bir eldiń basshysy óz eli­ne turaqty ósip-órkendeý baǵytyn kór­­sete almasa, onda 25 jyl turmaq, 50 jyl­­da da eshteńe ózgere qoımaıdy. Keri­­­sinshe, saıası-ekonomıkalyq damý kezeń­­­derine­ naqtylyq sıpat beril­gen jaǵ­­daı­­larda tek 2-3 jyldyń ishin­de on­­daǵan jyldarǵa tatıtyndaı beles­ter­di ba­ǵyn­dyrýǵa bolatyny anyq. Bu­ǵan bú­gingi Qazaqstannyń damý úlgisi aıqyn aıǵaq. Sársenbiniń sátti kúni Parlament palatalarynyń birlesken otyrysynda qabyldanǵan Táýelsizdik Deklarasııasy egemen elimizdiń 25 jyl ishinde alǵan ulan-asyr asýlaryn kezeń-kezeńimen kórsete bilgen qabyrǵaly qujat bol­dy. Munda Elbasynyń jol, jón kór­setýi­­men shırek ǵasyrlyq kezeńde qol jet­­kizilgen tabystar, Qazaqstannyń ha­lyq­aralyq qoǵamdastyq arasyndaǵy aby­roıynyń óse túskeni naqty dáıek­ter­­men kómkerilgen. Osy ýaqyt­tyń ara­ly­­ǵynda elimizde tıimdi demo­kra­tııa­lyq ınstıtýttar, prezıdenttik ıns­tıtýt, Par­lament, sot júıesi jáne belsen­di azamattyq qoǵam qalyptasqany aıtylǵan. Árıne, táýelsizdik jyl­darynda alǵan asý­larymyz, eń birinshiden, Elba­synyń sarabdal saıa­saty­nyń arqasynda jáne ornyq­ty da turaqty damý joly belgilenip iske asyrylýynda desek, q­ate­­les­peımiz. Osy ara­da Memleket bas­shy­sy Nursultan Nazarbaevtyń ki­siligi men kishiligine ta­ǵy bir márte kýá bola­myz. О́ıtkeni, Nursultan Ábishuly muny men istedim demeı­di. Qazaq­stannyń táýelsizdik jyl­daryn­daǵy jetistikteri tereń túsinistik arqyly qol jetkizilgen bárimizdiń ortaq tabystarymyz dep baǵalaıdy. Men istedim degenshe, myń istedi deseńshi degen belgili qaǵıdat bar emes pe? Elbasynyń osy qaǵıdatty qashan da basty nazarda ustaı biletinine taǵy bir márte kýá bolyp otyrmyz. My­sa­ly, Elbasymyzdyń: jalǵyz adam ne óndiredi, ne isteı alady? Árı­ne, eshteńe tyndyra almaıdy. Ony qol­daı­tyn qalyń el bolmasa, dep júre­gi­niń túkpirindegi kirshiksiz oıyn jetkizip berdi keshe Elbasymyz barsha qazaqstandyqtarǵa. Al Qazaqstannyń damý kezeńderi, táýelsizdik jyldaryndaǵy jetistikteri týraly Táýelsizdik Deklarasııasy qabyldanǵan bolsa, munyń jóni bir bólek. Bul óte qajet qujat dep tujy­rymdaıdy Elbasy. Biz de Memleket bas­shysynyń osy oıly sózine qol qoıamyz. Búgingi kúnge deıingi jetken tabys­tarymyzdy keleshek urpaqqa amanat­taý paryz. Osy oraıda, Parla­ment palatalarynyń birlesken otyry­syn­da qabyldanǵan Táýelsizdik Dekla­ra­sııa­sy­nyń qabyrǵaly qujat retindegi orny bólek dep sanaımyn. Qazybaı BOZYMOV, aýyl sharýashylyǵy ǵylymdarynyń doktory, professor  Batys Qazaqstan oblysy  

Eldik maqsattar jiger men serpin beredi

Qazirgi zaman asy­ǵys, jyldam, zýlap bara­dy. Sol aǵystyń ishin­de bizdiń elimiz de ózi­niń Táýelsizdik atty keme­simen alǵa júzip keledi. Kún saıyn ózgerister, jańalyqtar bolyp jatady. Qulaq estip, kóz úırendi degendeı. Árıne, Táýelsizdiktiń 25 jyldyǵy Deklara­sııasyn qabyldaýdyń da, mine, bárimiz de kýágeri bolyp otyrmyz. Uzaǵynan súıindirsin deımiz. Elbasynyń únemi aıtatyny tatýlyq pen birlik, Prezıdent qandaı jıynda sóılese de tyńdap, teledıdar arqyly kórip, qoldap, tilektes bolyp otyramyz. Bul bizdiń aldaǵy jumysymyzǵa jiger, serpin beredi. Osy jyldar ishinde Elbasynyń bastamasymen qabyldanyp, qazirgi kúnderi iske asyrylyp jatqan «Qazaq­stan-2050» Strategııasy, «Nurly jol» Jańa ekonomıkalyq saıasaty, «100 naqty qadam» Ult jospary – álemniń eń damyǵan memleketteriniń qataryna kirýge qabiletti elimizdiń qýatyn nyǵaıtýǵa úlken úles qosyp otyr. Al «Máńgilik El» qundylyqtary Táýelsizdik jetistikterin, halqymyzdyń ortaq múddelerin, tarıhı taǵdyryn kórsetedi. «Máńgilik Eldiń» jeti qundy­lyǵy qazaqstandyqtardy Táýelsizdikti nyǵaıtýǵa degen ortaq bolashaqqa biriktirdi. Endigi basty qujatymyzdyń biri – Deklarasııanyń Uly Dala eliniń «Máńgilik El» qundylyqtaryn aıqyn beıneleıtin mańyzy erekshe. Bul 25 jyldy búkil bizdiń halqymyz birge kórdik, birge ótkizdik, jeńisterimizge qýandyq, eńbek etip úles qostyq. El damýynyń berik irgetasyn qalaǵan Memleket basshysyn maqtan etemiz. Elimizde qoǵamdyq kelisim men jalpy­ulttyq birlik saltanat qurýda. О́zge ult ókilderi de birlesip, táýelsizdik jyldaryn qurmettep, qadirlep el ıgiligi úshin birge, bir otbasyndaı eńbek etip keledi. Basqa jurtqa, ıaǵnı shetelderge de úlgi boldyq. О́sip kele jatqan urpaqtar úshin birlik, beıbitshilik pen kelisimdi bizdiń qoǵam­nyń adamgershilik jáne etıkalyq normalary retinde jasap berdik. Assambleıanyń jańa ókilderi – jastardy tár­bıeleýdemiz. Barlyq ult ókilderi qazaq halqyn, elin, jerin syılap óstik. Búgingi urpaqtyń da solaı jasaıtyny kúmánsiz. Qazaqtardyń ótken baı tarıhyna bas ıemiz. Uly Túrki qaǵanaty, Altyn Orda atalatyn ǵasyrlyq tarıhy bar qazaq halqy baqytty. Táýelsizdikti saqtap qalý amanat ekenin árbir qazaq biledi. Qazaqtarmen bir elde ómir súrip jatqan basqa ult ókilderi de sol amanatty oryndaý jolynda birge jumyla jigermen, eldik maqsatta jumys atqaratyn bolady. Endi, mine, elimiz «Qazaqstan-2050» Strategııasyn júzege asyra otyryp, álemniń ozyq 30 eliniń qataryna qosylýǵa qadam basýda. Memleket basshysynyń «100 naqty qadam: barshaǵa arnalǵan qazir­gi zamanǵy memleket» Ult jospary elimizde óndiris pen ınnovasııa­ny, áleýmettik salany damytýǵa jáne jumys oryndaryn ashýǵa múmkindik berýde. Ekinshiden, Deklarasııa bizdiń qoǵamdy, jastarymyzdy egemendik pen Táýelsizdikti saqtaý men nyǵaıtýǵa, «Máńgilik El» qundylyqtaryn ardaqtaýǵa shaqyrady. О́ıtkeni, «Táýel­sizdiktiń 25 jyldyǵy Deklarasııasy» qazaqstandyqtardyń el ıgiligi men «Qazaqstan-2050» Strategııasynyń maqsattaryna qol jetkizýi úshin Elbasynyń aınalasyna toptasýǵa degen senimdilikti odan ármen nyǵaıta túsedi. El birligi, tatýlyq pen kelisim bizdiń máńgilik jolymyzda únemi aldyńǵy qatarda júretin jaryq shamshyraǵymyz ispetti. Marııam BAIRAMQULOVA, «Elbýrs» balkar etnomádenı birlestiginiń tóraıymy PAVLODAR  

Bıik asýlar bastaýy

Elimizdiń aldynda úlken qýanysh tur. Ol – babalarymyzǵa ǵasyrlar boıy arman bolǵan, búgingi urpaqtyń baqytyna buıyrǵan Táýelsizdik merekesi. Halyq uǵymynda «Aq túıeniń qarny jaryldy» delinetindeı uly qýanyshty kúnniń esigin ashqanymyzǵa 25 jyl toldy. Eń qasterli merekeni atap ótý men qur­­­metteý, urpaq jadyna sińirý baǵy­tyn­­­­daǵy jumystar az emes jáne ol res­pý­b­­lı­­ka­myz­dyń barlyq óńirlerinde mek­tep-balabaq­sha­lardan bastap júrgizilip jat­qany belgili. Osy oraıda, Qazaqstan Res­pýb­lıkasynyń qos palataly Parlamentiniń de­pýtat­tary qabyldaǵan Deklarasııa aıtýly oqıǵalardyń biri boldy. Deklarasııada 25 jyl Qazaqstan úshin «ilgerileý men ornyq­ty damýdyń kezeńi boldy» dep shırek ǵasyrlyq mer­zimniń jan-jaqty qalyptasýdyń, damýdyń merzimi bol­ǵan­dyǵy basa aıtylady. Táýelsizdiktiń eleń-alań jy­l­darynda el tizginin qolyna alyp, memleketimizdi soq­tyq­paly-soqpaqsyz jerlermen alǵa jetelegen Elba­sy­nyń ólsheýsiz eńbegi men bıik bolmysy kórinis tabady. 1991 jyly Táýelsizdik týraly Zań­nyń qabyldanýynan bastap, elimizdiń órken­deýine negiz bolǵan basty qujat – Kons­tıtý­sııanyń qabyldanýy, demo­kratııalyq ınstıtýttardyń qalyp­tasýy, saıası jáne ekonomıkalyq refor­ma­lardyń júrgizilýi, álemdegi básekege qabiletti 50 eldiń qatarynan tabyl­ǵan Qazaqstandy damyǵan 30 el­diń sapy­na jeteleıtin strategııalyq baǵ­dar­lamasy, qazirgi zamanǵy memleket qurý úshin maqsat etilgen «Ult jospary» mańyz­dylyǵynyń aıtylýy tekten-tekke emes. Bul aıtylǵandardyń barlyǵy da Elbasy men halyqtyń, táýelsiz elimizdiń 25 jyl ishinde qol jetkizgen jarqyn jetistikteri ekeni sózsiz. Qazaqstannyń álemdik deńgeıdegi tanymaldyqqa ıe bolatyn taǵy bir tusy – ıadrolyq qarýdy taratpaý ıdeıasy men eń birinshi bolyp óziniń qýaty jóninen álemdegi tórtinshi oryndaǵy ıadrolyq arsenalynan bas tartýy. О́z erkimen. Keıinnen bul jarqyn ıdeıa órisin keńeıtip, elimizdiń bastamasymen BUU deńgeıinde Iаdrolyq synaqtarǵa qarsy is-qımyldyń halyqaralyq kúni dep jarııalandy. Qazaqstan bul taqyryptan da basqa álemdik mańyzy bar jıyndarǵa tóraǵalyq etip, mańyzdy máselelerdi biliktilikpen atqaryp, laıyqty sheshýge atsalysyp keledi. Táýelsizdik jyldarynda elimizdiń qorǵanys sala­sy­nyń qabileti artyp, osy jol­da júıeli jumystar júrgizildi. Qurlyq, áýe jáne teńiz baǵytyndaǵy áske­rı tehnıkalar jańǵyr­tylyp, áskerıler múmkindigi art­ty­ryldy, sheberlikteri shyń­daldy. Týǵan eldi qorǵaıtyn jalyndy jastar ósip-jetil­di, sheteldik joǵary áskerı oqý oryndarynda bilim men bilik jetildirgen jas mamandar, jigerli ofıserler qatardy tolyqtyrdy. Deklarasııada bul týraly jaqsy aıtylǵan. Aldymyzda úlken mindetter tur. 2017 jyly EKSPO kórmesin ótkizý – qazaq taǵdyryndaǵy, Qazaq­stan táýelsizdigindegi jańa tarıhı bıiktik bolmaq. Deklarasııa – 25 jyl ishinde atqarylǵan jumystardy júıelep, aldaǵy mindetterdi uǵyndyrǵan qujat bolýy­men qundy. Biz qandaı asýdy da ózara túsinistik, birlik arqyly baǵyndyra beretin bolamyz. Amangeldi ǴUMAROV, otstavkadaǵy polkovnık, Qazaqstan Qarýly Kúshteriniń ardageri Mańǵystaý oblysy  

Ideıalar aqıqatqa aınaldy

Parlament palata­larynyń birlesken otyrysynda qabyldanǵan Qazaq­stan Respýblıka­sy Táýelsizdiginiń 25 jyl­dyǵy Deklarasııasy – tarıhı máni zor qujat. Eldigimiz ben ege­men­digi­mizdiń ómir­sheńdi­gin kór­setetin bul tarıhı qujatta Táýel­sizdik jyldaryn­da memleketimizdiń qol jetkizgen jetis­tik­teri egjeı-tegjeıli kórse­til­gen. Bul – eli­mizdiń jańa tarı­hyn­daǵy jarqyn betterdiń biri bolyp qala­tyny anyq. Deklarasııa zamanymyzdyń asa kórnekti qaıratkeri, elimizdiń tuńǵysh Prezıdenti-Elbasymyz Nursultan Ábishuly Nazarbaevtyń basshylyǵy­men Qazaqstannyń táýelsizdik jyl­daryndaǵy jetistikterin aıshyq­ty kórsetip, sonymen birge, halqy­myz­dy jańa jasampaz isterge bastaı­tyn­­dyǵymen qundy. Sonymen qatar, Nursultan Nazarbaevtyń basshy­lyǵy­men Qazaqstannyń az jyl aıasynda baǵyndyrǵan belesin baıandaıdy. Ári bul Qazaqstan halqynyń bereke-bir­liginiń jarqyn kórinisi. Biz qysqa ýaqyt ishinde basqalarmen terezesi teń memleket qura alǵanymyzdy jáne jas respýblıkanyń nebir synaq­tarǵa tótep bergenin laıyqty maq­tanysh etemiz. Bul – mıllıondaǵan qazaqstandyqtar men el senimin arqa­laǵan Elbasynyń eren kúsh-jigeri. Eli­mizdiń ǵasyrlar boıǵy úmiti, qol jetpesteı saǵymdy armany tek 25 jyl buryn ǵana Elbasy bastaýymen shynaıy ómirge aınaldy. Búginde biz jer júzine tanylǵan erkin el­diń ókili ekendigimizdi álem halyqtarynyń aldynda maqtanyshpen aıtamyz. Memleket basshysy jalpy jahandaný men HHI ǵasyrdyń qarqyndap kele jatqan syn-qaterleri jaǵdaıynda elimiz úshin jańa kókjıekter men jańa múmkindikterdi ashty. Pre­zıdenttik baǵdardy bas­­shy­lyqqa ala otyryp, 25 jyl ishinde qazaq­s­tandyqtar stra­tegııalyq qujattar negizinde ıdeıalardy shyndyqqa aınaldyrdy. Qazaqstan álemge óziniń saıası-ekonomıkalyq baǵytyn moıyndatyp, qurlyqtar taǵdyryn sheshetin damy­ǵan memleketterdiń qatarynan óz ornyn aldy. О́z basym Qazaqstan Res­pýb­lıkasy Táýelsizdiginiń 25 jyl­dyǵy Deklarasııasyn shırek ǵasyr ishin­de shıraǵan el men ony bastaǵan Elbasy eńbegine berilgen eń joǵary baǵa dep qabyldaımyn. Sondyqtan bul – Elbasynyń eńbegine oryndy baǵa bergen, memleket damýynyń negizgi kezeńderin jáne qalyptasýyn qamtıtyn saltanatty saıası mańyzdy qujat dep senemin. Aqtolqyn SÝNGÝR, Qyzylorda oblystyq «Azamattyq Alıans» qaýymdastyǵynyń tóraıymy  

Ulttyq rýhymyzdy uıytyp otyr

Parlament palatalarynyń birlesken otyrysynda Táýel­sizdiktiń 25 jyldyǵyna ar­nal­ǵan Deklarasııa qabyldandy. Shynynda, elimizdiń barlyq jetistikteri men tabystary, eń aldymen, Tuńǵysh Prezıdentimiz – Elbasy Nursultan Ábishuly Nazarbaevtyń eren eńbeginiń jemisi. Sondaı-aq, Elbasyna qoldaý kórsetip, tirek bolyp kele jatqan halqymyzdyń bereke-birliginiń nátıjesi. Táýelsizdik – biz úshin qashan da kıeli qundy­lyq, asyl qazyna. Táýelsizdikke qolymyz­dyń jetkeni, eń aldymen, ultymyzdyń baǵa jetpes baǵy. Osy jyldar ishinde qoǵamdyq qury­lysymyz tolyq ózgerip, jańa qoǵam, jańa kezeń, jańa bolmys keldi. Halyqtyń oı-sanasy, turmys-tirshiligi bútindeı ózgerdi. Elimizde telegeı-teńiz tirlikter atqaryldy. Qazaqstannyń jańa táýelsiz memleket bolyp qalyptasýy, álemde ózindik orny bar, qarqyn­dy damyp otyrǵan elimizdiń syrtqy-ishki saıasattaǵy jetistikteri – Qazaqstannyń Tuńǵysh Prezı­dentiniń eńbegimen tikeleı baı­lanysty. Sondyqtan da, El men Elbasy, Táýelsizdik pen Tuńǵysh Prezıdent – egiz uǵym dep baǵa­lanýda. Elbasynyń elimizdiń Tuń­ǵysh Prezıdenti retinde atqarǵan, atqaryp otyr­ǵan tarıhı eńbegin búginde halyqaralyq qoǵamdastyq ta moıyndap, joǵary baǵasyn berip otyr. Halyq senim artqan N.Á.Nazarbaevtyń uly ómirlik energııasy, saıası oıynyń keńdigi, ulttyq ıdeıaǵa berilgendigi, kóregendik qasıeti, jan-jaqty talanty, parasattylyǵy, dana­ly­ǵy men utymdy sheshimderi bizderdi áli de talaı jetistikterge jetkizetindigine senimdi­miz. Elimizdiń óskeleń jastaryna jarqyn bola­shaq syılaǵan, kópultty memleketti qurýshy, damy­týshy, elimizdi jarqyn bolashaqqa bastaýshy Tuńǵysh Prezıdentimiz N. Nazarbaev ekendiginde daý joq. Elbasynyń eren eńbeginiń arqasynda táýelsiz Qazaq eli álemge tanyldy. Astana qalasy – el maqtanyshyna, ósip kele jatqan jastardyń qalasyna aınaldy. Táýelsizdik bizge jańa jolymyzdy, ózimizdiń sony soqpaǵymyzdy tabýǵa zor múmkindik usyndy. Sol jańa jolymyzdy biz Astana arqyly taptyq. Qazirgi kezde Astana bizdiń keleshegimizge qatysty mańyzdy sheshimder qabyldaıtyn memleketimizdiń saıası ortalyǵy ǵana emes, ulttyq rýhymyzdy uıytyp otyrǵan rýhanı ordamyz.  Sembek SEIDÁZIMOV, Jambyl oblysynyń qurmetti azamaty Jambyl oblysy  

Qazaq eli Máńgilik El bolsyn!

Az kúnderden soń atalyp ótetin Qazaqstan Respýblıkasy Táýel­sizdiginiń shırek ǵasyrlyq mereıtoıy – halqymyzdyń ult­tyq merekesi. Sonaý 86-nyń Jel­toq­sanynda alańǵa shyǵyp teńdik suraǵan qazaq jastarynyń da ańsaǵany osy kún edi. Egemendik alǵan eliniń eńsesin tiktep, sońynan ertken – Tuńǵysh Prezıdentimiz Nursultan Ábishuly Nazarbaev edi. Qytaı halqynda «О́tpeli kezeńde ómir súr!» degen qarǵys bar eken jáne ol qarǵystyń eń úlkeni sanalatyn kórinedi. Onyń mánisin biz ótken ǵasyrdyń 90-shy jyldarynda, ıakı el táýelsizdiginiń alǵashqy qadamdary tusynda ábden túsindik. Osydan eki jyl buryn bir saıasatker Nursultan Nazarbaevty saıasattyń shahmat taqtasyndaǵy eńbegi sińgen grossmeıster dep ataǵan edi. Tabylǵan teńeý! Shahmat degenińiz – aılasy men sheshimi kóp, tuńǵıyǵyna eshkim jete almaı kele jatqan tereń álem. Oǵan asqan daryn kerek. Úlken saıasatta da solaı, álemdik taqtada árdaıym aqyly basymnyń mereıi ústem bolady. Degenmen, Prezıdent N. Nazarbaevtyń ustanǵan bizge belgili ustanymy: Aldymen – ekonomıka sodan keıin saıasat. Iаǵnı, aldymen halyqtyń kóılegi kók, tamaǵy toq bolýy kerek. Bul naǵyz halyq qamyn oılaǵan Tulǵanyń qaǵıdasy. Biz qazir daǵdarys synynan ótken, ulttyq ekonomıkasy bar, azamattyq qoǵamy qurylǵan, qoǵamdyq kelisimge qol jetkizgen, halyqaralyq bedeli bar memleketpiz. Ǵasyrlar toǵysynda álem halqyna tańdaı qaqtyrǵan Asta­namyz boı kóterdi. Árıne, Elbasynyń eren eńbeginiń nátı­jesinde. Endi, mine, Tuńǵysh Prezıdent kúni men Táýelsizdik kúni – eki úlken mereke qatar kele jatyr. Toı toıǵa ulassyn deımiz! Qazaq eli Máńgilik El bolsyn! Ǵazym JARYLǴAPOV, Qaraǵandy oblystyq máslıhatynyń depýtaty, Jańaarqa aýdanynyń qurmetti azamaty, «Qurmet» ordeniniń ıegeri Qaraǵandy oblysy, Jańaarqa aýdany  

Jetistiktermen keldik

Parlament depýtattary qabyldaǵan Qazaqstan Res­pýblıkasy Táýelsizdiginiń 25 jyldyǵyna arnalǵan Deklara­sııa Jetisý jerinde de qyzý tal­qylanýda. Ásirese, búgingi qoǵamnyń belsendi músheleri bolyp tabylatyn kásipkerler arasynda erekshe qoldaýǵa ıe. Shyny kerek, keı memleketter júz jylda qol jetkize almaǵan tabysqa Qazaqstan shırek ǵasyr­da ıe bolyp otyr. Árıne, oǵan El­ba­­synyń qajyr-qaıraty men parasaty ar­qasynda qol jetkizildi. Bul kúnderi erekshe qarqynmen salynyp jat­qan Batys Eýropa – Batys Qytaı avtomagıstrali de Memleket basshysynyń kóregen saıa­saty arqasynda júzege asyp jatyr. Bile bilsek, bul Qazaqstannyń álemniń barlyq elderi­men saýda-sattyq jasap, ekonomıkamyz­dy órkendetýge ashylǵan jarqyn da, tıimdi jol. Osy múmkindik kásipkerlerimizdi qýantyp qana qoımaı, kásibimiz arqyly tórt­kúl dúnıeni aralap, bıznesti damy­týǵa jol ashady. Qazaqstan Uly Jibek jolyn jańǵyrtý, jandandyrý jónindegi iri halyqaralyq joba­nyń beldi múshesi bolyp taby­lady. Bul tabys­tarǵa elimiz jıyr­ma bes jy