Jarqyn keleshek jolyndaǵy rýhanı nár

Táýelsizdigimizdiń 25 jyldyǵyn toılaýdyń eń úlken máni – jasampazdyq jolymyzdyń úlgilerin paıymdap, halyqqa usyný jolymen eldiń asyl rýhynyń saltanatyn pash etý. Munyń ózi, túptep kelgende, jas urpaqqa izgi ónege. Mine, osy turǵydan Qazaqstan Respýblıkasynyń Prezıdenti, Kóshbasshymyz N.Nazarbaevtyń – «Uly Dala ulaǵattary» tol­ǵaý – esseleri halqyna degen súıis­pen­shilikke toly perzenttik, onyń je­­ńimpaz rýhyna rýh qosatyn aza­mat­tyq, jarqyn jolyn nusqaǵan kó­­semdik tartý boldy. Men ózim ustaz bolǵandyqtan, Nursultan Ábishulynyń jańa eń­beginiń halqymyzdyń danalyq al­tyn qazynasyn jańa bıikke kótergenine sheksiz qýandym. О́ıt­ke­ni, muǵalim kez kelgen izgilikti dúnıeden jas urpaq janyna rýhanı azyq bolatyn nár izdeıdi. Qarapaıym órnekterimen ór­bi­til­gen eńbektegi qundylyq­tar­dyń qaı­sysyn áńgime etsek te, ózek­ti mánge ıe. Sonyń ishinde jas­tar tár­bıesine tikeleı arnalǵan «Jań­ǵy­ryp keler jas tolqyn» taraýy tol­qytty. Taraýda «Bolashaq» baǵ­dar­la­masynyń jemisti júzege asyp jat­qa­nynyń mańyzy aıqyn ashylǵan. Jal­py jas urpaq tárbıesindegi aǵa býyn úlgisi, otbasynyń baǵa jet­pes orny, kitaptyń ıgi yq­paly, muǵalimderdiń ustazdyq jaýap­kershiligi, mektep pen otba­sy yntymaqtastyǵy, halyqtyq pe­da­gogıkanyń qundylyǵy, ádebıet – tarıh – til qudireti – bári-bári ózara órimdese qamtylyp, adamı jandylyqta, adamı zárýlikte, adamı qurmette berilip, janǵa azyq, júrekke jylý, árbir taǵdyrǵa jaryq nuryn quıǵandaı seziledi. «Uly Dala ulaǵattaryn» búkil adamzattyq danalyqtyń HHI ǵa­syr­­dyń jańa bıikke kóterilgen tu­s­y der edim. HHI ǵasyr – jastar ǵa­syry» degen álem keńistigindegi qa­natty naqyldy jastardyń únemi jań­ǵyryp keler jańa sapasyn mereı­lep, ǵasyr salty deńgeıinde kórsetken kemeńger eńbek retinde áli baǵasyn alary sózsiz. Qazirgi elimizdegi jańa bilim reformasyna ótpeli shaǵymyzda «Uly dala ulaǵattary» atty eńbek «Máńgilik Eldiń» máńgilik ur­paǵyna bilim men tárbıe berýde ustanatyn birden-bir basty qural bolatynyna kámil senemin. Alǵysymyz sheksiz! Aıagúl MIRAZOVA, Qazaqstannyń Eńbek Eri, Qazaqstannyń eńbek sińirgen qaıratkeri   ALMATY