Tórt eldiń aýmaǵynda ótedi

Qazaqstan Qarýly Kúshteri Aeroutqyr áskerleriniń ókil­­­deri birlesken strategııalyq «Or­talyq – 2011» jattyǵýyna qatysý úshin Reseı Federa­sııa­synyń Astrahan oblysyndaǵy Ashýlýk polıgonyna attandy. Áskerı kólik ushaqtary desant­ty-shabýyldaýshy rota orna­las­qan Taldyqorǵannan ushyp shyǵyp, Astana, Atyraý arqy­ly Ashýlýkqa kelip qondy. Qa­zaqstan desantshylar tobyn Aeroutqyr áskerleriniń áýe-desantyn daıyndaý jónindegi orynbasary polkovnık Vıktor Jıtnık bastap bardy, dep ha­barlady QR Qorǵanys mınıs­tr­liginiń baspasóz qyzmeti. «Ortalyq – 2011» jatty­ǵýy­nyń Reseı Federasııasynda ótetin kezeńine Qazaqstannan barlyǵy 100-ge jýyq adam qatyspaq. Olar áskerı basqarý organdarynyń ofıserleri men Aeroutqyr áskerleriniń ókil­de­ri. Al Qazaqstan desantshy­la­rynyń aldyna qoıylǵan mindet – mejelengen jerdi «basyp alyp, ustap turý». Bul opera­sııany qazaqstandyq jaýynger­ler jattyǵýǵa qatysýshy basqa da elderdiń bólimshelerimen bir­ge júzege asyratyn bolady. Qazaqstan jaǵynan áýede óz sheberlikterin Mı-17 tik ushaq­tary men maıdandyq avıasııa­nyń Sý-27 ushaqtarynyń ekı­pajdary kórsetpek. Jattyǵý tórt eldiń aýma­ǵynda ótedi: Ashýlýk pen Oımasha polıgondarynan basqa oqý-jattyǵý qımyldary Qyrǵyz­stan­nyń Podgornoe jáne Tá­jik­stannyń Lıaýr polıgonynda jalǵasyn tabady. Qazaqstan Qa­rýly Kúshteri jattyǵý­lar­dyń barlyq kezeńine atsaly­syp óz úlesterin qosady. Jat­tyǵýǵa sondaı-aq, Belorýssııa men Ýkraınanyń da áskerı bó­limsheleri tartylǵan. Belsendi qımyldar, ásirese, Kaspıı te­ńizi sý aılaǵyndaǵy qazaqstan­dyq sektor men Oımasha polı­gonynda da jalǵasady. Bul aı­maq qurlyqtaǵy, teńizdegi jáne áýedegi áskerı is-qımyldardyń naǵyz oshaǵyna aınalmaq. «Egemen-aqparat».