Mindet minsiz oryndalýy tıis

Keshe «Nur Otan» partııasy Tóraǵasynyń birinshi orynbasary Muhtar Qul-Muhammedtiń qatysýymen Qarýly Kúshterdiń ulttyq áskerı-patrıottyq ortalyǵynda partııanyń Astana qalalyq fılıalynyń eseptik-saılaý konferensııa­sy ótti. Qala ákimi Áset Isekeshev jetekshilik etken jıynda osy kezge deıin atqarylǵan sharýalardyń qorytyndysy tyńdalyp, bolashaqta júzege asyrylýy tıis basym baǵyttar aıqyndaldy. «Elbasymyz búginde búkil álem tanyǵan ásem Astanamyzdy salyp, ony dúnıe júzine jarqyrata kórsetti. Astana búkil óńirlerimiz úshin damýdyń dańǵyl jolyna aınaldy. Sondyqtan «Nur Otan» partııasynyń astanalyq fılıaly Elbasymyzdyń baǵdarlamalary men strategııalyq kýrsyn oryndaýda oblystyq partııa uıymdary úshin úlgi-ónege bolýǵa tıis», – degen Muhtar Abraruly mundaı mindet, ásirese, mıllıondaǵan Ekspo qonaqtaryn qarsy alý kezinde erekshe mánge ıe ekendigin atap ótti. Búgingi tańda «Nur Otannyń» astanalyq fılıaly 350 bastaýysh partııa uıymynyń basyn biriktirse, sońǵy eki jyl ishinde Astanadaǵy jetekshi saıası partııa músheleriniń sany 12 195-ten 45 501 adamǵa deıin artypty. Mundaı derekterdi jıynda arnaıy qorytyndy baıandama jasaǵan partııanyń qalalyq fılıaly tóraǵasynyń birinshi oryn­basary Edil Mamytbekov má­limdedi. Sondaı-aq, partııanyń muryn­dyq bolýymen osy kezge deıin 5 myńnan astam túrli formattaǵy is-shara uıymdastyrylyp, oǵan 400 myńnan asa adamnyń qatysýy qamtamasyz etilgen. Sonyń ishinde «100 naqty qadam» Ult jospary aıasynda qabyldanǵan zańdy tú­sin­dirý jumystary boıynsha 463 kezdesý ótkizilipti. Sonymen qatar, «Nur Otan» partııasynyń qalalyq fılıaly «Nurly jol» ınfraqurylymdy damytý baǵ­dar­lamasyn júzege asyrýdy tu­raqty baqylaý jumystaryn da sheber úılestirip keledi. Osy maq­­satta máslıhattaǵy partııa fra­k­sııasy janynan arnaıy tórt ıns­peksııalyq komıssııa qurylyp, olar Astanadaǵy qurylys nysandaryn aralap, 22 reıd júrgizgen. Al partııanyń qalalyq qabyldaý bólmesine sońǵy eki jyldyń ishinde 26 myńnan astam azamat kómek surap kelgen bolsa, olardyń 38 paıyzynyń máselesi sol jerde oń sheshimin tapqan. Qalǵandary tıisti memlekettik organdarǵa joldanyp, partııa­lyq baqylaýǵa alynǵan. Eseptik-saılaý konferensııa­syn­­da qyzý talqylanǵan taǵy bir taqyryptyń biri – taıaýda Qazaqstan Parlamenti qa­byl­­­daǵan Táýelsizdiktiń 25 jyl­­dyǵy Deklarasııasy boldy. Oǵan erekshe kóńil bólý qa­jet­tigine toqtalǵan Partııa Tó­ra­ǵasynyń birinshi orynbasary, Elbasymyz shırek ǵasyrda Qa­zaqstandy qýatty, birtutas, qar­qyndy damyǵan memleketke aı­naldyrǵanyn tilge tıek etti. «Qazirgi tańda Elba­sy­myz aldymyzǵa Bes ın­s­tı­tý­ttyq reforma, «100 naq­­ty qadam» Ult jospary, «Nur­ly jol», ın­dýstrııalyq-ınno­vasııalyq da­mý baǵ­dar­lamasy, álemniń eń damyǵan 30 memleketiniń qa­­ta­ryna qo­sy­lý sııaqty ja­ńa aý­qymdy min­detter men maq­sattar qoıyp otyr. Bizdiń par­­tııamyzdyń bas­ty mindeti – Mem­leket basshysy tap­syr­ma­la­rynyń oryndalý sapasyna qatań ári turaqty baqylaý ornatý bolyp tabylady», – dedi Muhtar Qul-Muhammed. Nurlybek DOSYBAI, «Egemen Qazaqstan»