• 30 Qarasha, 2016

Konfederasııa kýbogy. Smetov jańa salmaqta beldesedi

140 ret

kórsetildi

2 mın

oqý úshin

Egemen Qazaqstan

"Olımpıadada altyn alýǵa sáttilik qana jetispedi", - deıdi Eldos Smetov sports.kz - ke bergen suhbatynda. Dzıýdoshynyń aıtýynsha, ol fızıkalyq turǵyda da, psıhologııalyq turǵyda da jaqsy daıyndyqta bolǵan. Ári fınaldyń qalaı ótkenine de kóńili tolady eken. "Maǵan elimniń úlken jaýapkershilik artqanyn sezindim. Qazaqstan úshin Olımpıadada kúmis medal alyp, sol senimdi aqtaı aldym dep oılamyn", deıdi Eldos. Dzıýdoshynyń endigi maqsaty - Tokıo Olımpıadasynan altyn alý. Tipti, bolashaqta bapker bolý oıynda bar ma ekenin suraǵan jýrnalıstke ol: "Bul týraly áli oılanbadym. Meniń qazirgi oıym da, kúshim de tek Tokıo Olımpıadasyna baǵyttalǵan", dep jaýap berdi. Jaqynda Almatyda «Balýan Sholaq» sport kesheninde 3-4 jeltoqsan kúnderi júlde qory 125 mıllıon teńgeden asatyn sporttyq jekpe-jek jáne kúsh qoldanatyn sport túrleri konfederasııasy kýbogy ótetinin habarlaǵan bolatynbyz. Bul saıysta 66 kg salmaqta beldesetin Eldos óziniń daıyndyǵy týraly da atalmysh suhbatta aıtyp ótti. "Olımpıadaǵa daıyndalǵandaı qatty daıyndyǵym joq. 66 kg-ǵa deıingi salmaq dárejesinde shyǵatynym da ońaı bolmaıtynyn sezip otyrmyn. Barlyǵyn tatamı kórsetetin bolady", dedi ol. Esterińizge sala keteıik, Ol buǵan deıin 60 kg salmaqta kúresetin jáne Ol Olımpıadadan keıin tatamıge endi shyqqaly otyr.

Eldos bıyl alǵash ret ótkiziletin saıysty jetkinshekterdiń sportqa qyzyǵýshylyǵyn oıatatyn bastama retinde baǵalady. Bárimiz baıqaǵanymyzdaı, sońǵy ýaqyttarda qazaqstandyq dzıýdoshylar álemdik arenada jaqsy nátıjelermen kózge túsip júr. Eldos buǵan memlekettiń qoldaýy da áser etti dep otyr. "Prezıdenttiń tapsyrmasymen oblystarda halyqaralyq standarttarǵa saı sport keshenderi salyndy. Sporttty nasıhataý úshin de úlken jumystar atqarylýda. Olımpıada oıyndaryndaǵy qazaq sportshylarynyń jtistigi - bul memlekettiń sportshylarǵa kórsetip jatqan úlken eńbegi men yqylasynyń nátıjesi", deıdi Eldos.