Aldaǵy úsh kúnde respýblıkanyń keı óńirinde qar jaýady

Osy aptanyń 1-3 jeltoqsan kúnderi aralyǵynda elimizdiń keıbir óńirlerinde qar jaýady, dep habarlaıdy «Qazgıdromet» RMK. «Qazaqstan aýmaǵynda kúrdeli meteorologııalyq jaǵdaı kútilýde. Aldaǵy úsh táýlikte aýa raıyn aldymen sýyq atmosferalyq front, sodan keıin ońtústik sıklon anyqtaıtyn bolady. Respýblıkanyń soltústigi men shyǵysynda burqasyndy qar jaýyp, kúshti batys jeli soǵady. Elimizdiń batysy men ortalyǵyna, sondaı-aq, keı jerlerge qar jaýady», – deıdi sınoptıkter. Sonymen qatar, olar atalǵan óńirlerdi kúndizgi temperatýra mınýs 3 - plıýs 3ºS bolyp, kóktaıǵaq kútiletinin aıtýda. Qazaqstannyń ońtústiginde 2 jeltoqsanda kúndiz, 3 jeltoqsanda ońtústik-shyǵysynda temperatýra plıýs 2...plıýs 10ºS deıin kóterilip, jaýyn-shashyn túsedi, basymyraq jańbyr jaýyp, aıaǵy sýly qarǵa ulasady. Sondaı-aq, ekpindi ońtústik-batys jeli de kútilýde. Sondyqtan da sınoptıkter joldarda, ásirese qala syrtynda óte abaı bolýdy eskertedi.