Nurlan Álimjanov: О́zim somdaǵan barlyq rólderdi jaqsy kóremin

Táýelsizdiktiń shırek ǵasyrynda otandyq kınoındýstrııamyz da úlken jetistikke jetti. Aýyz toltyryp aıtatyn nebir myqty fılmder túsirildi. Sonyń ishinde Tuńǵysh Prezıdent N.Nazarbaev jaıly kınoepopeıalyq fılmderdiń orny bir tóbe. Biz Tuńǵysh Prezıdent kúni qarsańynda Elbasy týraly túsirilgen fılmderdiń tórt bóliminde basty róldi somdaǵan, Qazaqstannyń eńbek sińirgen qaıratkeri, akter, ánshi, kompozıtor Nurlan Álimjanovpen áńgimelesken bolatynbyz. – Nurlan, áńgimeni «Balalyq shaǵymnyń aspany» kórkem fılminde sizge qandaı jaýapkershilik júktelgeninen bastasaq. О́z keıipkerińizdi bolashaq prezıdent retinde seziný, bolashaq prezıdentti somdaýdyń jaýapkershiligi boldy ma? – Men Elbasymyzdyń bozbala shaǵy men jastyq kezindegi beınesin týra qaıtalaı almaıtynymdy sanaly túrde bildim. Biraq ról tapsyrylǵan sátten bastap barynsha kóp izdenýge tyrystym. Ol kisiniń ózi jazǵan kitaptaryn oqydym, ol týraly túsirilgen derekti fılmderdi kórip, gazet-jýrnaldar men kitaptardy oqyp shyqtym. Úlken ekranǵa shyqpastan buryn fılmdi Elbasynyń ózi kóretinin qaperde ustadym. Bolashaq prezıdentti somdaýdyń jaýapkershiligi osy shyǵar. Al bolashaq prezıdent retinde seziný degen máselege kelsek, «Balalyq shaǵymnyń aspany fılminde» basty keıipker taǵdyr oǵan qandaı syı daıyndap turǵany belgisiz, aýyldan shyqqan qarapaıym ǵana jigit. Sondyqtan, dál osy fılmde bolashaq prezıdentti emes, bilimge degen umtylysy, alǵa qoıǵan maqsaty bar aýyl balasynyń beınesin músindeýge umtyldym. Bul úshin kóp ter tógýge týra keldi. Kamera aldynda ýyzdaı bozbala róline ený úshin sportzaldan shyqpaı 12 kelige deıin aryqtadym. Qımyl-qozǵalysymdy, minez-qulqymdy barynsha prezıdenttiń bozbala shaǵyna uqsatýǵa tyrystym. Tipti, «Elbasy joly» fılmder sıklynyń ekinshi, úshinshi bóliminde de keıipker satylap ósip otyrady. Eger akter ózin ishteı «prezıdenttikke daıyndap» qoısa, beıne sátti shyqpas edi dep oılaımyn. – Osy «Otty ózen» jáne «Temirtaý» fılmderine de siz tústińiz. Sizdi Elbasyǵa syrt kelbetińizdiń uqsastyǵy úshin tańdady ma? – Jeke basym syrt kelbetim Elbasyǵa qatty uqsaıdy dep aıta almaımyn. Múmkin bet pishimimizde, mańdaıymyzda uqsastyqtar bar shyǵar. Osynyń ózi de áser etýi múmkin. Sondaı-aq, alǵashqy fılmde Elbasynyń bozbala shaǵynyń beınesin sátti shyǵardy dep tańdaýy da ǵajap emes. Biraq osy fılmderdiń bárinde bir adamdy ǵana somdaǵanymmen, onyń ómir jolynyń túrli kezeńderi qamtyldy. Bir fılmde bozbala, al ekinshi, úshinshi fılmderde jigit, azamat jasqa kelgen, ǵashyqtyq ǵalamatyn bastan ótkergen, qoǵamdyq jumysqa aralasqan Nursultannyń rólin shyǵarýym kerek boldy. Temirtaý qalasynda túsirilgen osy ekinshi, úshinshi fılmder meniń akterlik ómirimdegi ózgeshe bir jańalyq desem, artyq aıtqandyq emes. О́z kózimmen metallýrgterdiń qareketin kórdim. Elbasymyz neshe jyl boıy temir balqytatyn peshtiń, ıaǵnı, domna peshiniń janynda turyp jumys istegen ǵoı. Bul peshterdegi temperatýra 2 myń gradýsqa deıin jetedi. Onyń janynda turǵan adamnyń árbir qadamy, qımyl-qozǵalysy óte qyraǵy, saq bolýy qajet. Múlt ketýge jol joq. 50-60-shy jyldarda bári qolmen jasaldy emes pe? Sondyqtan, múlt ketý óz ómirińe balta shabýmen birdeı. Qazir metallýrgterdiń jumysy avtomattandyrylǵan. Degenmen, kásip budan qaýipsiz bola qoımaǵan eken. Domna peshiniń janynda turyp osyny óz kózimmen kórdim. Túsirilim bitken soń men metallýrg jigitterdiń barlyǵymen qımaı, qushaqtasyp qoshtastym. Olar rólge enýim úshin kóp kómektesti. – «Elbasy joly» sıklynyń tórtinshi bólimi «Tyǵyryqtan jol tapqan» fılmi týraly ne aıtasyz? – Bul fılmde Memleket basshysynyń 1971-1977 jyldar aralyǵyndaǵy ómir kezeńi beıneledi. Saıasatqa endi qadam basqan azamatty somdadym. Árıne, bul fılmniń de ózine tán erekshelikteri bar. Uzaq daıyndyqpen túsirildi. Kıno salasynyń jetekshi mamandary jumyldyryldy. Uzaq ýaqytqa deıin kópshiliktiń esinde qalatyn shyǵar degen oıdamyn. – Al osy fılmniń árbir bólimi túsirilip bitken soń Prezıdenttiń tamashalaıtyny, baǵasyn beretini belgili. Osy oraıda adam retinde Elbasynyń qandaı jaqsy qyrlaryn baıqaı aldyńyz? – Nursultan Ábishuly kınonyń ár bólimin erekshe yqylaspen kórdi dep aıta alamyn. Oń baǵasyn berdi. Ol kisiniń qarapaıymdyǵyn, asa eńbekqorlyǵyn jeke óz basym úlgi tuttym. Kınonyń ár bólimi aıaqtalǵan soń fılmge túsken árbirimizben emen-jarqyn áńgimelesip, dıdarlasyp otyrdy. «Handa qyryq kisiniń aqyly bar» degen sózdiń rastyǵyn ár kezdesken saıyn túısindim desem artyq aıtpaımyn. Jalpy, kınolarǵa túse júrip, Elbasynyń rólin somdaıdy ekem degen oı úsh uıyqtasam túsime kirgen emes. Bul da bir Allanyń bergen baǵy shyǵar. Sondaı-aq, bul basqa rólderimdi mańyzsyz sanaımyn degen de sóz emes. О́ıtkeni, men aktermin. О́zim somdaǵan barlyq rólderdi jaqsy kóremin. – Áńgimeńizge rahmet. Áńgimelesken Aıgúl SEIILOVA, «Egemen Qazaqstan»