JYL AIаSYNDA 67 IS-ShARA О́TKIZILEDI

Qazaqstan Respýblıkasynyń Prezıdenti Nursultan Nazarbaev pen Germanııanyń Federaldy Prezıdenti Horst K¿lerdiń 2008 jylǵy qyr­kúıek­te Astanadaǵy kezdesýinde Mem­leketter basshylary 2009 jyldy Qazaqstannyń Germanııadaǵy jyly, al 2010 jyldy Germanııanyń Qazaq­standaǵy jyly dep jarııalaý týraly sheshim qabyldaǵan edi. Prezıdent­terdiń bul sheshimi eki el arasyndaǵy yntamaqtastyqty, sondaı-aq qazaq jáne nemis halyqtarynyń burynnan jalǵasyp kele jatqan tyǵyz baı­lanystaryn odan ári nyǵaıtýǵa negiz qalady. Osyǵan oraı, keshe elordada Germanııanyń Qazaqstandaǵy Tóten­she jáne ókiletti elshisi Raıner Shla­geter jýrnalıstermen baspasóz más­lıhatyn ótkizip, Germanııanyń Qazaq­standaǵy jylynda júzege asyryla­tyn is-sharalarmen tanystyrdy. Elshiniń habardar etýinshe, 2010 jylǵy 3 aqpanda Beıbitshilik jáne kelisim saraıynda Germanııanyń Qa­zaq­standaǵy jyly resmı túrde ashy­lady. Jyl aıasyndaǵy ótetin túrli sharalardy Germanııanyń Syrtqy ister mınıstrligi men Almatydaǵy Gete ınstıtýty uıymdastyratyn bola­dy. Baǵdarlama boıynsha jyl ishin­de 67 is-shara ótkizý josparlanyp otyr. Osy sharalar barysynda qazaq­standyqtar Germanııanyń qoǵamy men mádenıeti, saıasaty men ekonomı­kasy týraly keń aýqymdy maǵlumat alyp, olarmen jan-jaqty tanysatyn bolady. Germanııanyń Qazaqstandaǵy jylynyń ashylý saltanatynda kóp­shi­likke Bremen qalasyndaǵy Nemis kameralyq fılarmonııasynyń kon­serti jáne “Qazirgi Germanııa” atty jyljymaly kórme usynylmaq. Bul kórmeden qazaqstandyqtar Germanııa­nyń arhıtektýralyq ǵımarattarymen, landshaftarymen, sondaı-aq kórikti oryndarymen fotosýretter arqyly tanysa alady. Al mádenı sharalar arqyly Qazaqstan jurtshylyǵy qa­zir­gi nemis óneri men nemis qoǵamy­nyń jáne nemis halqynyń tarıhı mádenıetimen bettesedi. Olardan bólek, jyl aıasynda Germanııa Gete, Shıller, Bethoven jáne Bahtyń ota­ny retinde olardyń ónerin jáne kı­ne­matografııa salasyndaǵy jetis­tik­terin de tamashalaıtyn bolady. Al Almatydaǵy Gete ınstıtý­tynyń dırektory Barbara Frenkel-Tonet hanymnyń aıtýynsha, jyl ishinde atalǵan mádenı sharalarmen qatar, ekonomıkalyq jáne ekolo­gııa­lyq taqyryptardy qamtıtyn jı­yn­dar da uıymdastyrylady. О́tkiziletin is-sharalar Astana men Almaty qalalarynda ǵana emes, Qaraǵandy, О́skemen jáne Pavlodar qalalaryn da qamtymaq. Germanııanyń Qazaq­standaǵy jyly aıasynda ótkiziletin is-sharalar Qazaqstan men Germa­nııany, onyń ishinde qazaq pen nemis halyqtaryn odan ári jaqyndastyrýǵa qyzmet etetin bolady. Baspasóz máslıhatynda, sondaı-aq Ekonomıka jáne bıýdjettik josparlaý mınıstrliginiń departa­ment dırektory Álibek Baqaev pen Mádenıet jáne aqparat mınıstrligi Mádenıet komıteti tóraǵasynyń oryn­basary Ilııas Qozybaev ta sóz alyp, jyl aıasynda ótkiziletin sharalardyń oıdaǵydaı ótýine óz vedomstvolary tarapynan barynsha qoldaý kórsetiletindigin aıtty.