Ekpe ósimdikterdiń qaı túrinen bolsyn biraz jyldan beri qol jetkizilip kórilmegen joǵary ónimder alynýda. Osy iste, ásirese, Abaı aýdany dıqandary men kókónisshileriniń eńbekteri jemisti. О́ńirdegi «Astro Agro» sharýa qojalyǵy eginniń ár gektarynan 30-35 sentnerden astyq jınasa, kartoptyń shyǵymdylyǵy da berekeli, gektarynan 400 sentnerden aınalýda. Aımaqtyń basqa aýdandarynda da aýyl eńbekkerleri mol tabysqa kenelip otyr. Astyqty Nura, Osakarov óńirlerinde jaýapty naýqan aıaqtalýǵa jaqyn.
Aıqyn NESIPBAI, Qaraǵandy oblysy.
Oblysta birinshi bolyp aıaqtady. Oblys ákimi Sergeı Dıachenko Atbasar aýdanyndaǵy «Shuńqyrkól» JShS dırektory Berik Tólebaevtyń atyna quttyqtaý jedelhatyn joldady. Onda: «Sharýashylyq dıqandary eginshilik mádenıetin jaqsartýdyń, jańartylǵan mashına-traktor parkiniń ozyq tehnologııanyń, egistikti óńdeý quraldarynyń qýatyn tıimdi paıdalanýdyń nátıjesinde jaýapty naýqandy oıdaǵydaı aıaqtady. Barlyq 7900 gektar alqaptyń ár gektarynan 14,3 myń tonna astyq jınaldy. Ár gektardan ortasha eseppen 18,1 sentnerden ónim alyndy. Sizderdiń qajyrly eńbekterińiz Prezıdent N.Nazarbaevtyń elimizdiń azyq-túlik qaýipsizdigin qamtamasyz etý jáne eksporttyq áleýetti arttyrý tapsyrmasyn oryndaýǵa qosylǵan eleýli úles bolyp tabylady», delingen. Qazir sharýashylyq ujymy 2012 jyldyń berekeli qam-qareketine kirisip ketti.
Baqbergen AMALBEK, Aqmola oblysy.
Úgit toptary dıqandar arasynda. «Nur Otan» HDP Mamlıýt aýdandyq fılıaly úgit-nasıhat tobyn uıymdastyryp, kúzgi astyq oraǵyn qyzý óristetken dıqandar arasynda boldy. Onyń birine fılıal tóraǵasy, aýdan ákimi Qanat Qalıev jetekshilik etip, Meńgeser, Qyzylásker eldi mekenderinde ornalasqan seriktestikterdi aralap shyqty. Kúndik normalaryn asyra oryndaǵan ozat kombaınerler men mehanızatorlarǵa alǵys hattar men aýyspaly vympelder tapsyrdy. «О́ner» mektebi men aýdandyq mádenıet úıiniń kórkemónerpazdary ánnen shashý shashty. Fılıal tóraǵasynyń orynbasary Rapııa Nurmuqanovanyń basshylyǵyndaǵy ekinshi top Novomıhaılov, Voskresenov aýyldyq okrýgterine atbasyn tirep, ýaqytpen sanaspaı jumys istep jaqtan eńbek adamdaryna qurmet kórsetip, marapat jasady.
О́mir ESQALI, Soltústik Qazaqstan oblysy.
Úkimettik emes uıymdardyń da úıreteri bar. Búgingi tańda oblysta alty júzden astam úkimettik emes uıym bar. Olar óńirdiń mańyzdy áleýmettik salalaryn tolyq qamtyǵan. Beısenbi kúni ótken ÚEU oblystyq 5-shi forýmynda ÚEU mindetteri sóz boldy. Forýmǵa qatysqan oblys ákimi Q.Bozymbaev oblys kásipkerleriniń áleýmettik jaýapkershiligin ornyqtyrý, ÚEU-larmen áriptestikti jańa deńgeıge kóterý jáne áleýmettik mańyzdy jobalardy ıgerýde ashyqtyq pen móldirliktiń qajettiligin aıtty. Oblys basshysynyń oıynsha, «úshinshi sektordy» qarjylandyrý tek memlekettik áleýmettik tapsyrystarmen shektelmeýge tıis. Qaıyrymdylyq mádenıetin qalyptastyrý úshin jergilikti bıznestiń de qarjysyn tartý qajet.
Kósemáli SÁTTIBAIULY, Jambyl oblysy.
Dóńgelek ústel arqaýy – «Aqbilek». Batys Qazaqstan memlekettik ýnıversıtetinde qazaq prozasynyń atasy Júsipbek Aımaýytovtyń «Aqbilek» romanyna baılanysty dóńgelek ústel ótkizildi. Onda osy týyndyǵa ádebı-ǵylymı turǵydan tereń taldaýlar jasaldy. Sondaı-aq, dóńgelek ústelge qatysýshylar «Qazaq prozasy jáne ulttyq ıdeıa» taqyryby tóńireginde de tyń oı-pikirler órbitti. Arnaıy uıymdastyrylǵan vırtýaldy kitap kórmesi sharanyń máni men mańyzyn asha tústi. Shara kezinde «Aqbilek» romanynyń elektrondyq nusqasy da jasalǵany aıtyldy.
Temir QUSAIYN, Oral.
Jazýshy shyǵarmashylyǵy ulyqtaldy. Kezinde «Dóń asqan», «Janartaý», «Shalqar», «Aıqaıtas», «Qyzbel» jáne «Asaý arna» roman-povesterimen tanymal bolǵan qazaqtyń kórnekti jazýshylarynyń biri Ǵabdol Slanovtyń týǵanyna 100 jyl toldy. Osyǵan oraı ótken aptada jazýshy esimimen atalatyn oblystyq ǵylymı-ámbebap kitaphanada «Darhan daryn» atty konferensııa uıymdastyryldy. Sharada bıblıograf A.Qartbaeva «Esimi elge qasterli» degen taqyryppen jazýshynyń shyǵarmashylyǵyna arnalǵan vırtýaldy kitap kórmesin tanystyrdy. Sondaı-aq, oblystyq muraǵattar basqarmasynyń bastyǵy Z.Súıinishev daryndy jazýshy týraly esteligimen bólisti. О́lketanýshy A.Ámirjanuly shalqar shabyt ıesiniń «Dóń asqan» romany jaıly tushymdy baıandama jasady.
Joldasbek ShО́PEǴUL, Atyraý oblysy.
Aımaqtyq baspasóz forýmy ótti. О́ńirdegi buqaralyq aqparat quraldarynyń forýmy alǵash ret ótti. Bul shara Qazaqstan táýelsizdiginiń 20 jyldyǵyna arnaldy. Jergilikti jerlerde áleýmettik saýaldama júrgizgende oqyrmandar men kórermender jergilikti buqaralyq aqparat quraldaryna kóp mańyz beretindigin aıtqan. Forým oblystaǵy barlyq basylymdar men elektrondy aqparat quraldarynyń basshylaryn jınady. Forým sheńberinde jergilikti buqaralyq aqparat quraldarynyń kókeıkesti máseleleri jóninde dóńgelek ústel májilisi boldy. Pikirtalas alańyna aınalǵan májiliste redaktorlar basylymdaǵy menedjment, marketıng jáne kadr máselelerin, gazetti oqyrmandarǵa ýaqtyly jetkizýdiń balama túrlerin talqylady. Sondaı-aq, forým sheńberinde ótkizilgen baıqaý nátıjesi shyǵarylyp, úzdik basylymdar marapattaldy.
Názıra JÁRIMBETOVA, Qostanaı.
