Brıtandyq «British Civilians For Peace in Libya» úkimettik emes uıymy Trıpolıde, Zaýııde, Bın-Valıdte jáne Lıvııanyń batysyndaǵy basqa da qalalarda bir apta ınspeksııa ótkizgen soń, elde Mýammar Kaddafıdiń qylmystyq rejimi bolmaǵan degen málimdeme jasaǵan.
Ol az bolsa, uıymnyń aldyn ala jasalǵan baıandamasynda NATO avıasııasynyń bombalaýy saldarynan beıbit turǵyndardyń qaza tapqany týraly aıǵaqtar tabylǵany aıtylǵan. Al úkimet áskeriniń beıbit halyqqa qarsy shabýyl uıymdastyrǵanyna dálel joq kórinedi. Sapar qorytyndysy boıynsha batystyq jýrnalıster, shyndyqty burmalaı otyryp, jurtshylyqqa ádil habar taratý jónindegi óz mindetterin oryndamaǵan degen túıin jasalǵan.
Úndistanda jer silkindi
Jeksenbi kúni Úndistannyń soltústik-shyǵysynda bolǵan kúshti jer silkinisinen 42 adam qaza tapqan.
Qazirgi ýaqytta Sıkkım shtatynda jáne oǵan jaqyn aýdandarda áskerı tikushaqtardyń qatysýymen izdestirý-qutqarý jumystary júrgizilýde. О́ńirge 5 myń áskerı qyzmetshi attandyrylǵan. Qaıǵyly statıstıkanyń budan da góri óse túsýi múmkin degen kúdik bar. Kóptegen shalǵaı aýdandar kóshkin saldarynan qorshaýda qalǵan, birqatar eldi mekenderde elektr jaryǵy men baılanys joq.
Úkimet jasaqtaý tuıyqqa tireldi
Lıvııa kósemi Mýammar Kaddafıdi jaqtaıtyn kúshter ereýilshilerdiń Sırt jáne Benı-Valıd qalalaryna jasaǵan shabýylyna toıtarys bergen.
Sonymen birge, úkimet jasaqtaýmen aınalysyp jatqan О́tpeli ulttyq keńes oppozısııa ishindegi alaýyzdyq saldarynan kabınet quramyn habarlaýdyń keıinge qaldyrylatynyn moıyndap otyr. О́tpeli ulttyq keńes atqarý komıtetiniń basshysy Mahmýd Djıbrıldiń aıtýynsha, birqatar kandıdatýralar boıynsha kelisimge qol jetkenimen, qalǵan oryndarǵa talas naqty nátıje bermeı otyrǵan kórinedi.
Táýelsizdikti moıyndaýǵa shaqyrdy
Palestına ulttyq ákimshiliginiń basshysy Mahmud Abbas dúısenbi kúni Izraıl bıligin Palestınany táýelsiz memleket retinde moıyndaýǵa shaqyrdy.
Nıý-Iorkke kelgen soń Abbas jýrnalısterge Tel-Avıvtiń Palestınanyń táýelsizdigin moıyndaýy Taıaý Shyǵysta beıbitshilikke qol jetkizý úshin jaqsy múmkindik bolar edi dep túsindirgen. Osy aptada Abbas Palestına memleketiniń 1967 jylǵy shekarasyn moıyndaý jóninde BUU-ǵa suraý jibermek nıette. Izraıl ókimeti bolsa bul bastamaǵa qarsylyq bildirip otyr.
Berlındegi sosıal-demokrattar jeńisi
Berlınniń jer parlamentine ótken saılaýda sosıal-demokrattar jeńiske jetti.
Olar jeke federaldyq jer mártebesine ıe Germanııa astanasynyń depýtattar palatasynda 28,3 paıyz daýys alǵan. Sóıtip, astanalyq sosıal-demokrattar jetekshisi Klaýs Voveraıt úshinshi ret Berlınniń basqarýshy býrgomıstri bolyp otyr. FRG kansleri Angela Merkel basqaratyn hrıstıan-demokratııalyq odaǵy óz pozısııasyn jaqsartqanymen, saılaýda jeńilis tapty.
Túrkııa Egıpetpen odaqtaspaq oıda
Túrkııanyń syrtqy ister mınıstri Ahmed Davýtoǵlý túrik úkimetiniń Egıpetpen alıans qurýǵa qarsy emes ekenin málimdegen.
Ol óz sheshimin Egıpettiń eldiń burynǵy prezıdenti Hosnı Múbáraktiń bıliginen shyǵyp, demokratııany qaıta qura bastaýymen negizdegen. Sonymen birge, túrik mınıstri óz eliniń Egıpetpen odaǵynyń Izraılge, Iranǵa nemese basqadaı bir elge qarsy baǵyttalmaıtynyn atap kórsetken. Sondaı-aq ol Túrkııanyń Egıpetke salatyn ınvestısııasynyń eki jylda 5 mıllıard dollarǵa jetýi múmkin ekenin de aıtqan.
Avıashoýdaǵy ushaq apaty
AQSh-tyń Batys Vırgınııa shtatynda ótken avıashoýda 1958 jyly shyqqan bir motorly ushaq apatqa ushyraǵan.
«Troıan salt attylary» komandasynyń múshesi bolyp tabylatyn ushqysh qaza tapqan. Amerıkalyq BAQ-tardyń habarlaýynsha, ushaq belgisiz sebepten angar syrtyna qulap, jarylyp ketken. Osy oraıda amerıkalyq avıashoý barysynda bir aptada eki ushaqtyń apatqa ushyraǵanyn aıta ketý kerek.
Nıý-Iorktegi «ashý-yza kúni»
Jeksenbi kúni «AQSh-taǵy ashý-yza kúni» sheńberinde Ýoll-Strıt janyna birneshe júzdegen adam jınalǵan.
Ereýilshiler, óz pikirlerinshe, qatardaǵy azamattardyń múddelerine qaıshy keletin amerıkalyq qarjy júıesine qarsylyq bildirgen. Olardyń aıtýlarynsha, Amerıkanyń qarjy júıesi qarapaıym azamattardyń ál-aýqatyn baılardyń múddesi jolynda qurbandyqqa shalyp otyr. Halyq qoldaryna qarjy toptary men iri korporasııalardaǵy jemqorlyqpen kúreske shaqyrǵan plakattar ustaǵan.
Qytaı ǵarysh apparatyn ushyrdy
Qytaı eldiń ońtústik-batysyndaǵy Sychýan provınsııasyndaǵy Sıchan ǵarysh aılaǵynan «Chjýnsın-1 A» baılanys apparatyn ǵaryshqa tabysty ushyrdy.
Spýtnıkti «Chanchjen-3V» zymyran ushyrǵyshy orbıtaǵa alyp shyqqan. Apparatty Qytaı aeroǵarysh ǵylymy men tehnıkasy korporasııasy janyndaǵy Qytaı ǵaryshtyq tehnologııalar akademııasy ázirlep, jasap shyqqan. Ol búkil QHR aýmaǵynda joǵary sapaly baılanys ornatýǵa jáne habarlar taratýǵa arnalǵan.
Internet materıaldary negizinde ázirlendi.
