Elimiz boıynsha jeltoqsan aıynda jaýyn-shashyn bolyp, keı jerlerde qar jaýady. Aıdyń ortasynda aýa temperatýrasy túnde tómendep, soltústik jáne ortalyq aımaqtarynda 17 gradýsqa deıin sýytsa, ońtústikte 3 gradýs nólden joǵary bolady, dep habarlaıdy
Today.kz.
Astana qalasynda aýa raıy 7-13 gradýs nólden tómen bolady. Sınoptıkterdiń boljamy boıynsha, jeltoqsannyń birinshi jartysynda aýa raıy jaýyn-shashyndy bolýy yqtımal. Al aıdyń ekinshi jartysynda qurǵaq jáne ashyq aýa raıy saqtalady.
Almatyda aýa temperatýrasy 7-9 gradýs jylyqty kórsetedi. Al eń jyly kúni jeltoqsannyń 20-sy men 26-sy aralyǵynda saqtalyp, kúndiz 16 gradýs jyly, túnde 6 gradýs nólden tómen bolady. Dese de jeltoqsannyń sońynda jaýyn-shaýyn bolyp, aýa temperatýrasy nólden joǵaryny kórsetedi.
Aqmola oblysynda aýa temperatýrasy 8-14 gradýs tómendikti quraıdy. Búkil bir aı boıy kóshpeli bult shyǵyp, qar jaýady. Aıdyń birinshi onkúndiginde aýa temperatýrasy 8-16 gradýs, ekinshi onkúndikte kún sýytyp, kúndiz 21 gradýs, túnde 25 gradýs nólden tómen aýa raıy saqtalady.
Aqtóbe oblysynda aı boıy 8-10 gradýs sýyqtyqty kórsetedi. Jeltoqsannyń basynda keıbir jerlerde qatty qar jaýyp, aýa temperatýrasy kúndiz 1-11 gradýsqa deıin tómendep, túnde 16 gradýsqa deıin sýyq bolady. Aıdyń eń sýyq kúni jeltoqsannyń 15-i. Bul kúni kúndiz 11 gradýs, túnde 22 gradýsqa deıin tómendep, aıaz bolady.
Almaty oblysynda aıdyń ortasha temperatýrasy
5-7 gradýs jylylyqty kórsetedi. Aıdyń birinshi onkúndiginde aýa raıy sýyq bolyp, keıbir jerlerde jaýyn-shashyn bolady. Aıdyń eń joǵarǵy temperatýrasy jeltoqsannyń 29-y kúni 9 gradýs jylylyqty kórsetedi
Atyraý oblysynda aýa temperatýrasy 3-5 gradýsty quraıdy. Aıdyń birinshi onkúndiginde jaýyn-shashyn bolyp, kúndiz 2 gradýsqa deıin jyly bolady. Ekinshi onkúndikte kún sýytyp, keıbir jerlerde turaqsyz aýa raıy saqtalady.
Batys Qazaqstan oblysynda aýa raıy 11 gradýs sýyqtyqty kórsetedi. Jeltoqsannyń alǵashqy kúnderi kún ashyq bolyp, kúndiz aýa temperatýrasy 6 gradýsqa deıin tómendeıdi. Aıdyń ekinshi onkúndiginiń ortasynda 1 gradýsqa deıin jyly bolyp, úshinshi onkúndikke deıin qatty jel saqtalady. Aıdyń bitýine on kún qalǵanda jaýyn-shashyn bolmaıdy, eń joǵarǵy aýa temperatýrasy kúndiz 4-6 gradýsqa tómendeıdi. Aıdyń eń sýyq kúnderi jeltoqsannyń 27-si. Bul kúni kúndiz 15 gradýs, túnde 16 gradýs tómendikti kórsetip, aıaz bolady.
Jambyl oblysynda aıdyń ortasha temperatýrasy 5-9 gradýs jylyqty kórsetedi
. Kún ashyq, qurǵaq bolyp, jaýyn-shashyn kútilmeıdi. Ekinshi onkúndikti qospaǵanda, aı boıy qurǵaq aýa raıy bolady dep kútilýde. Jeltoqsannyń basynda eń jyly kúnder bolady. Kúndiz 8-9 gradýs, túnde 1-3 gradýsqa deıin aýa temperatýrasy joǵarylaıdy. Aıdyń ekinshi onkúndiginiń basynda jylylyq saqtalyp, kúndiz 5-6 gradýs, túnde 1-2 gradýs joǵarylyqty kórsetedi. Aıdyń eń sońǵy sheshýshi onkúndiginde aýa temperatýrasy kúndiz 7-12 gradýs jyly bolady. Aı jyly, ári ashyq aýa raıymen aıaqtalady. Kúndiz 5-7 gradýs joǵarylyqty kórsetip, jeltoqsannyń 27-si men 28-i kúnderi jaýyn-shashyn bolady dep kútilýde.
Qaraǵandy oblysynda aýa temperatýrasy 11 gradýs sýyqtyqty kórsetedi
. Jeltoqsan aıynyń
basynan ortasyna deıin kóshpeli bult shyǵyp,qatty jaýyn-shashyn men qar jaýyp,joldarda kóktaıǵaq oryn alady. Sýyq aýa temperatýrasy jeltoqsannyń 12-si men 13-i kúnderi bolady. Bul kúnderi termometr baǵany kúndiz 14 gradýs, túnde 17 gradýsqa deıin nólden tómen bolady.
Qostanaı oblysynda aıdyń ortasha temperatýrasy 14-16 gradýs bolady. Jeltoqsan aıynda kóshpeli bult shyǵyp, qar jaýady dep kútilýde. Birinshi onkúndikte aýa temperatýrasy 10-12 gradýs sýyqtyqty kórsetse, ekinshi onkúndiktiń ortasynda kúndiz 26 gradýs, túnde 30 gradýsqa deıin kún sýytady.
Qyzylorda oblysynda aýa raıy 2-4 gradýs jylylyqty kórsetedi. Aıdyń basynda azdaǵan jańbyr jaýyp, kóshpeli bult shyǵyp, kúndiz bes gradýsqa deıin jyly bolady. Ekinshi onkúndiktiń basynda jaýyn-shashyn saqtalyp, túnde 6 gradýsqa deıin sýytyp, úsik júrýi múmkin.
Mańǵystaý oblysynda aıdyń ortasha temperatýrasy 4-6 gradýs jylylyqty kórsetedi. Aıdyń basynda jaýyn-shashyn bolyp, kóshpeli bult shyǵady. Eń joǵarǵy temperatýra kúndiz 8 gradýs, túnde 4 gradýs jyly bolady. Aıdyń ortasynda jaýyn-shashynsyz, kún ashyq, kúndiz 10 gradýs, túnde 3-5 gradýs nólden joǵary.
Ońtústik Qazaqstan oblysynda aýa temperatýrasy 7-9 gradýs jylylyqty kórsetedi. Aıdyń birinshi onkúndiginde aımaqta jaýyn bolyp, kúndiz 14 gradýsqa deıin jyly bolady.Jeltoqsan aıynyń ekinshi onkúndiktiń aıaǵynan sońǵy onkúndiktiń aıaǵyna deıin, jyly, qurǵaq aýa raıy saqtalady.
Pavlodar oblysynda aıdyń ortasha temperatýrasy 10-12 gradýs sýyqtyqty kórsetedi
. Jeltoqsannyń ortasyna deıin jaýyn-shashyn saqtalady. Bul kúnderi kúndiz 18 gradýs, túnde 22 gradýsqa deıin tómendeıdi. Osydan keıin aımaqqa jyly aýa sıklondary keledi. Termometr baǵany 7 gradýs tómendikti kórsetedi.
Soltústik Qazaqstan oblysynda aýa raıy 15-17 gradýs sýyqtyqty kórsetedi.Qystyń birinshi aıynda oblysqa jaýyn-shashynmen aralasqan qar túsedi. Aıdyń sońyna deıin jańbyrly jáne sýyq aýa raıy saqtalyp, kúndiz 3-20 gradýs, túnde 26 gradýsqa deıin nólden tómen bolady.
Shyǵys Qazaqstan oblysynda aıdyń ortasha temperatýrasy 5-7 gradýs sýyqtyqty kórsetedi. Aıdyń basynda jaýyn-shashyn túsedi. Eń sýyq kúnder jeltoqsan aıynyń 20-y men 21-i. Kúndiz 6 gradýs, túnde 15 gradýsqa deıin sýyqtyqty kórsetedi. Ekinshi jáne úshinshi onkúndiktiń basynda ashyq aýa raıy boljanyp, odan keıin birden jaýyn-shashyn bolyp, kóktaıǵaq oryn alady.
