Bı Boranbaı búginge qadam basty

Tarbaǵataı aýdanynyń Qyzyl­kesik aýylynda el Táýelsiz­digi­­niń 25 jyldyq mereıtoıy aıasynda qazaq tarıhynda esimi qur­met­pen atala­tyn áıgili bı, batyr Boranbaı Qalqa­man­ulynyń eskertkishi ashyldy. Atal­ǵan sharaǵa qoǵamdyq uıymdar men aýdan­dyq ardagerler keńesiniń ókilderi jáne óńir jurtshylyǵy qatysty. Qazaqqa qaýip tóndirgen jońǵar shapqynshylyǵynyń bir legi Barqyt­­bel men Barlyqty asyp jóń­kilgeni tarıhtan belgili. Oırat basqynshylaryna qarsy soǵysqan tarıhı tulǵalardyń biri – Boranbaı Qalqamanuly. Tarıhı-ádebı derekterde Qarakereı Qabanbaımen esimi qatar atalatyn bıdiń Abylaı hannyń saıasatyn iske asyrýǵa qos­qan úlesi óte zor bolǵan kórinedi. – Táýelsizdik týyn tigýge umtyl­ǵan qaharman babalarymyzdyń erli­gine taǵzym etý – erteńin oılaǵan eń­seli urpaqtyń asyl paryzy. Sol bir dúrbeleń dúnıeniń búginge jetken ja­syn-jańǵyryǵy urpaq sanasynda jaı otyndaı jarqyl taýyp jatsa, otan­shyldyq máıeginiń tolyqsı tús­­keni, – dedi eskertkishtiń ashylý sal­ta­na­tynda aýdan ákimi Dildábek Orazbaev. Sondaı-aq, aýyldyq mádenıet úıinde dala danasynyń ómiri men qyzmeti jóninde ǵylymı-táji­rı­belik konferensııa ótti. Bı Boranbaı atyn­daǵy orta mekteptiń tarıh páni muǵalimi Gúlbataı Zııa­danova Boranbaı bıdiń qaı­ratker retin­degi bolmysyna, mek­tep­tegi «Qyzyltas qyrandary» aqyn­dar úıirmesiniń jetekshisi Medet Orynǵojın «Aqyrǵy shaı­qas» dastanyndaǵy bı beınesine toq­tal­dy. Al aýdandyq aqsaqaldar keńe­siniń múshesi, derbes zeınetker Muratbek Qarataev aýdanda sońǵy ýaqytta tarıh taǵylymyn ulyqtaǵan sharalardyń dúrkin-dúrkin ótip jatqany qýantatynyn aıtty.  Shyǵys Qazaqstan oblysy,