Keńestiń kóshpeli otyrysy

Keshe Parlament Senatynyń Tóraǵasy Qaırat Mámıdiń tóraǵalyq etýimen О́skemende Parlament Senaty janyndaǵy Jergilikti ókildi organdarmen (máslıhattarmen) ózara is-qımyl jónindegi keńestiń kóshpeli otyrysy boldy. Shara «Qazaqstan Respýblıkasyndaǵy jergilikti ózin ózi basqarý jáne ony zańnamalyq turǵyda retteýdi jetildirýdiń keleshegi» taqyrybyna arnaldy, dep habarlady osy palatanyń baspasóz qyzmeti. Jergilikti aktıv aldynda Qaırat Mámı sóz sóıledi. Bul kezdesýdiń el táýelsiz­di­giniń 20 jyldyǵy qarsańynda ótip otyr­ǵany mańyzdy ekenin atap óte kelip, Tóraǵa Qazaqstan memle­ket­tiliginiń qalyptasýy men damý­yn­daǵy 2011 jyldyń tarıhı ke­zeń ekenin atap ótti. Q.Mámı Táýelsizdiktiń 20 jyl­dyǵy deklarasııasyn qabyl­daý jónindegi Parlamenttiń bas­ta­masy týraly áńgimelep, onda derbes damý kezeńindegi Qazaq­stan­nyń basty jetistikteri kór­se­tiletini jaıyna toqtaldy. Jergilikti bılik organ­da­ry­nyń rólin nyǵaıtý jáne jergilikti ózin ózi basqarýdy damytý máselelerine qatysty Q.Mámı «Nur Otan» partııasynyń HIII sezinde elimizdiń Prezıdenti saıa­sı júıeni odan ári jańǵyrtý qajettigin aıtqanyn, onyń ma­ńyz­dy quramy Parlament óki­let­tigin keńeıtý men jergilikti bılik organdarynyń rólin nyǵaıtý ekenin atap kórsetti. – «Jergilikti ózin ózi basqarý memlekettik basqarý júıesiniń tolyqqandy jáne kúshti býyny bolýy tıis», – dedi Tóraǵa. Jo­ǵar­ǵy zań shyǵarý organynda jer­gilikti ózin ózi basqarýdy da­mytý máselelerine erekshe nazar aýdarylady. Parlament Sena­tyn­da Jergilikti ókildi organdarmen (máslıhattarmen) ózara is-qımyl jónindegi qoǵamdyq keńes jáne «О́ńir» depýtattyq toby quryl­dy. Bul qury­lym­dar­dyń jumysy osy saladaǵy zań­namany jetildirý men aımaq­tar­dy damytýǵa járdemdesýge baǵyttalǵan. Elimizde alǵash ret О́skemende 1996 jyly jergilikti ózin ózi bas­qarý komıtetteri paıda bol­ǵan edi. Jergilikti mańyzy bar másele­ler­di sheshýge azamattardy qatys­ty­rýda oń tájirıbeler jı­naqtaldy. Tóraǵa atap ótkendeı, oń táji­rıbeni zerdeleý jergilikti ózin ózi basqarýdyń qazaqstandyq úlgisin  jetildirýge qyzmet etetin bolady. Bıylǵy sáýir aıyndaǵy ke­ńeı­tilgen otyrysta Memleket bas­shysy Úkimet aldyna jergilikti ózin ózi basqarýdy keńeıtý jóninde birqatar naqty mindet júktep, memlekettik ókilettik­ter­diń bir bóligin jergilikti ózin ózi basqarý organ­daryna berýdi tapsyrǵan bolatyn. – «Jergilikti ózin ózi bas­qa­rý­dy damytý azamattyq bastama­lar­ǵa jol ashady, jergilikti ha­lyqtyń áleýmettik belsendiligin, olardyń ózderi turyp jatqan jerdiń jaǵdaıyna ujymdyq jaýapkershiligin arttyrýǵa járdem­desedi», – dedi Q.Mámı. Kóshpeli otyrys on-line tú­rin­de ótip, 1500 adamdy qamtydy jáne talqylaýǵa barlyq deń­geıdegi máslıhattar depýtattary, jergilikti atqarýshy organdar men qoǵamdyq birlestikterdiń ókil­deri qatysty. Aktıv oty­rysy kezinde Senat Tóraǵasy oty­rysqa qatysýshylar qoıǵan saýaldarǵa jaýap berdi.