Astanada barlyq baǵyttaǵy joldar ashyldy

Astanadan barlyq baǵyttaǵy joldar ashyldy, dep habarlady QazAqparat. «Astana qalasynyń IID jergilikti polısııa qyzmeti Astana qalasynan shyǵatyn barlyq baǵyttaǵy tasjoldardyń ashylǵandyǵyn habarlaıdy», – delingen Smart Astana qosymshasynda taratylǵan aqparatta. Aıta keteıik, aýa raıynyń qolaısyzdyǵyna baılanysty 4 jeltoqsan kúni saǵat 14:14-ten bastap, Astana-Atbasar, Astana-Qaraǵandy tas joly qoǵamdyq jáne júk kólikteri úshin, 16:40-tan bastap Astana-Kókshetaý, Astana-Pavlodar joly kóliktiń barlyq túri úshin jabylǵan bolatyn. Aqmola oblysy - 4 jeltoqsan saǵat 15:15-ten bastap aýa raıynyń buzylýyna baılanysty (qatty jel, jaıaý burqasyn, kórý múmkindiginiń shektelýi) Astana-Petropavl jolynyń 18-231 shaqyrymy aralyǵynda (Astana qalasynan Shýchınsk qalasyna deıin) barlyq kólik túrleriniń qozǵalysy toqtatylǵan bolatyn. 4 jeltoqsan saǵat 17:00-den bastap, aýa raıynyń buzylýyna (kúshti jel, burqasyn, kórý múmkindiginiń shektelýi) baılanysty «Astana-Ereımentaý-Shiderti» avtojoly (22-205 shaqyrym aralyǵy) barlyq kólik túrleri úshin jabyldy. 4 jeltoqsan saǵat 18:00-den aýa raıynyń nasharlaýyna (kúshti jel, burqasyn, kórý múmkindiginiń shektelýi) oraı, «Ekaterınbor-Almaty» kúre jolynyń 917856 shaqyrym (Jaqsy kenti - Soltústik Qazaqstan oblysymen shekara) aralyǵy barlyq kólik túrleri úshin jabyldy. 4 jeltoqsan saǵat 22:45-ten bastap aýa raıynyń buzylýynan (kúshti jel, burqasyn, kórý múmkindiginiń shektelýi) «Ekaterınbor-Almaty» kúre joly (917-1006 shaqyrym aralyǵy, Jaqsy kenti-Atbasar), «Jaqsy-Esil-Buzýlyq» (0-82 shaqyrym), «Qostanaı-Áýlıekól-Surǵan» (232-260 shaqyrym), «Jezqazǵan-Petropavl» (377-595 shaqyrym), «Astana-Qorǵaljyn» (16-169 shaqyrym), «Astana-Qabanbaı batyr-Kıevka-Temirtaý» (16-51 shaqyrym), «Ekaterınbýrg-Almaty» (1280-1353 shaqyrym) tas joldarynda barlyq kólik túrlerine qozǵalys toqtatyldy. Shyǵys Qazaqstan oblysy 4 jeltoqsan saǵat 14:00-den bastap aýa raıynyń qolaısyzdyǵyna baılanysty (jańbyr, kóktaıǵaq) kóliktiń barlyq túrleri úshin respýblıkalyq mańyzy bar «Almaty-О́skemen» (778-1079 shaqyrym) tas joly jabyldy. 4 jeltoqsan 14:00-den bastap jańbyr men kóktaıǵaqqa baılanysty marshrýttyq reıstik avtobýstar men tirkemesi jáne jartylaı tirkemesi bar júk kólikteri úshin respýblıkalyq mańyzy bar «О́skemen-Semeı» (8-198 shaqyrym) joly jabyldy. 4 jeltoqsan 15:45-ten bastap burqasyn men kórý múmkindiginiń shektelýine baılanysty barlyq avtotransport úshin Novotroıssk aýylyna kireberistegi oblystyq mańyzdaǵy joldyń 0-22 shaqyrym aralyǵy jabyq. 4 jeltoqsan saǵat 18:00-den bastap, 5 jeltoqsan tańerteńgi 08:00-ge deıin burqasyn men kórý múmkindiginiń shektelýine baılanysty respýblıkalyq mańyzdaǵy «О́skemen-Zyrıan-Katon-Qaraǵaı-Rahman qaınarlary» avtojolynyń 4-65 shaqyrym aralyǵynda barlyq avtokólik úshin qozǵalys shekteldi. Qaraǵandy oblysy - 4 jeltoqsan 15:35-ten bastap kóktaıǵaq, burqasyn, kórý múmkindiginiń shektelýine baılanysty «Almaty-Ekaterınbýrg» (1051-1142 shaqyrym aralyǵy Temirtaý qalasy-Aqmola oblysymen shekara) kúre joly qoǵamdyq jáne júk kólikterine jabyldy. 4 jeltoqsan saǵat 21:30-dan bastap kóktaıǵaq, burqasyn, kórý múmkindiginiń shektelýine oraı avtokóliktiń barlyq túrine «Jezqazǵan-Petropavl» jolynyń (22-252 shaqyrym aralyǵy, Sátbaev qalasy-Qostanaı oblysymen shekara) ýchaskesine shyǵýǵa tyıym salyndy. Pavlodar oblysy - 4 jeltoqsan 17:00-den bastap kóktaıǵaq, burqasyn, kórý múmkindiginiń shektelýine baılanysty «Astana-Ereımentaý-Shiderti» (205-259 shaqyrym) tas jolynyń Shiderti kentinen Aqmola oblysynyń shekarasyna deıingi ýchaskesi kóliktiń barlyq túri úshin jabyq boldy.