Qazaqstan Respýblıkasy Aýyl sharýashylyǵy mınıstrliginiń buıryǵy №14-1/340

2011 jylǵy 17 maýsym,   Astana qalasy Memlekettik orman qory ýchaskelerinde aǵash kesý men súrek daıyndalǵan oryndaryn kýálandyrý erejesin bekitý týraly «Memlekettik orman qory ýchaskelerinde ósip turǵan súrekti bosatý erejesin bekitý týraly» Qazaqstan Respýblıkasy Úkimetiniń 2003 jylǵy 22 jeltoqsandaǵy № 1287 qaýlysyna sáıkes, buıyramyn: 1. Qosa berilip otyrǵan Memlekettik orman qory ýchaskelerinde aǵash kesý men súrek daıyndalǵan oryndaryn kýálandyrý erejesi bekitilsin. 2. «Memlekettik orman qory ýchaskelerinde aǵash kesý men súrek daıyndalǵan oryndaryn súrekti kýálandyrý erejesin bekitý týraly» Qazaqstan Respýblıkasy Aýyl sharýashylyǵy mınıstrligi Orman jáne ańshylyq sharýashylyǵy komıteti tóraǵasynyń 2005 jylǵy 4 sáýirdegi № 92 (Normatıvtik quqyqtyq aktilerdi memlekettik tirkeý tiziliminde № 3621 tirkelgen, Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵynda, 2006 j. № 2, 200-qujat, jarııalanǵan) buıryǵynyń kúshi joıyldy dep tanylsyn. 3. Qazaqstan Respýblıkasy Aýyl sharýashylyǵy mınıstrligi Tabıǵat resýrstaryn paıdalaný strategııasy departamenti zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin. 4. Osy buıryq birinshi ret resmı jarııalanǵannan bastap on kúntizbelik kún ótken soń qoldanysqa engiziledi. Mınıstr     A.MAMYTBEKOV. Qazaqstan Respýblıkasy Aýyl sharýashylyǵy mınıstriniń 2011 jylǵy «17» maýsymdaǵy № 14-1/340 buıryǵymen bekitilgen Memlekettik orman qory ýchaskelerinde aǵash kesý oryndary men daıyndalǵan súrekti kýálandyrý erejesi 1. Jalpy erejeler 1. Memlekettik orman qory ýchaskelerinde aǵash kesý oryndary men daıyndalǵan súrekti kýálandyrý erejesi (budan ári – Ereje) Qazaqstan Respýblıkasy Úkimetiniń 2003 jylǵy 22 jeltoqsandaǵy №1287 qaýlysymen bekitilgen Memlekettik orman qory ýchaskelerinde súrekti túbirinen bosatý erejesine sáıkes ázirlendi jáne memlekettik orman qory ýchaskelerinde aǵash kesý oryndary men daıyndalǵan súrekti kýálandyrýdyń biryńǵaı tártibin belgileıdi. Erekshe qorǵalatyn tabıǵı aýmaqtardy qosa alǵanda orman resýrstaryn paıdalanýdyń aıyryqsha tártibi belgilengen ormandarda bul Ereje osy tártipti eskere otyryp qoldanylady. 2. Aǵash kesý oryndary men daıyndalǵan súrekti kýálandyrý 2. Memlekettik orman ıelenýshiler súrek daıyndaý jumystary aıaqtalǵannan keıin kespeaǵashtardy ıgerýdiń tolymdylyǵy men durystyǵyn anyqtaý, tolyq kesilmeı qalǵan aǵashtardy, tasyp áketilmegen súrekti jáne súrek daıyndaýdy júzege asyrý kezinde basqa da tártip buzýshylyqtardy anyqtaý maqsatynda memlekettik orman qory ýchaskelerinde aǵash kesý oryndary men daıyndalǵan súrekke kýálandyrý júrgizedi. 3. Kýálandyrýǵa ruqsat berý qujattarynda kórsetilgen tasyp áketý merzimi aıaqtalǵan aǵash kesýdiń barlyq oryndary jatady. Súrek daıyndaý men tasyp áketýdi keıinge qaldyrý merzimi berilgen jaǵdaıda osy keıinge qaldyrý merzimi aıaqtalǵanda qaıtalama kýálandyrý júrgiziledi. 4. Súrek bosatý kezinde ony tasyp áketý bastalǵanǵa deıingi mólsheri eskerile otyryp, ruqsat berý qujattarynda kórsetilgen ony ýaqytsha jınap qoıý oryndarynda daıyndalǵan súrek mólsherine kýálandyrý júrgiziledi. Bul rette órtter búldirgen ekpelerde, sondaı-aq daýyl men jel qulatqan aǵashtardy jınap áketý kezinde kýálandyrý osy súrekti esepke alý uıymdastyrylǵan jaǵdaıda tómengi qoımalarda júrgizilýi múmkin. 5. Aǵash kesý oryndaryn kýálandyrý súrekti tasyp áketý úshin belgilengen merzim aıaqtalǵan kúnnen bastap 30 kúntizbelik kún ishinde júrgiziledi. 6. Kýálandyrý aǵash kesý oryndarynda anyqtalǵan tártip buzýshylyqtardy der kezinde joıý jáne orman sharýashylyǵy is-sharalaryn júrgizý maqsatynda jumystar aıaqtalǵan soń tehnıka men jumysshylardy basqa obektilerge alyp ketkenge deıin júrgiziledi. Jumystar ruqsat berý qujatynda belgilengen merzimnen buryn aıaqtalǵan jaǵdaıda orman paıdalaný­shy jumystardyń aıaqtalý merzimi jaıynda orman ıelenýshige 10 kúntizbelik kún buryn habarlaıdy. Orman ıelenýshi jumystar aıaqtalǵannan keıin 10 kúntizbelik kún ishinde kýálandyrý kúni jaıynda orman paıdalanýshyǵa jazbasha habarlap, aǵash kesý oryndaryna kýálandyrý júrgizedi. 7. Kespeaǵashtardyń ıgerilýine obektıvti baǵa berý maqsatynda (óskinniń saqtalýy, kespeaǵashtardy tazartý) kýálandyrý qarsyz kezeńde ótkiziledi. Aýa raıy jaǵdaılary qolaısyz bolǵan kezderde (qardyń qalyń túsýi, ózenderdiń tasýy, joldyń buzylýy) kýálandyrý orman paıdalanýshymen kelisim boıynsha orman ıelenýshi belgileıtin basqa ýaqytqa aýystyrylady. 8. Daıyndalǵan súrekti nemese aǵash kesý oryndaryn kýálandyrý kúni jaıynda orman ıelenýshi orman paıdalanýshyǵa nemese onyń ókiline merzim belgileýden 15 kúntizbelik kúnnen keshiktirmeı habarlaıdy. Orman paıdalanýshy nemese onyń ókili belgilengen merzimde kelmegen jaǵdaıda orman ıelenýshiniń kýálandyrýdy onyń qatysýynsyz ótkizýine bolady. Bul rette jasalǵan kýálandyrý aktisi orman paıdalanýshyǵa 10 kúntizbelik kúnde jiberiledi. 9. Kýálandyrýdy júrgizý kezinde orman ıelenýshiniń ókilderinde mynalar bolýy qajet: ruqsat berý qujattary (aǵash kesý bıletteri) nemese olardyń kóshirmeleri jáne súrek jınap qoıylǵan oryndar kórsetile otyryp, kýálandyrylýǵa jatatyn árbir kespeaǵashqa (móldekke) arnalǵan abrıster; ólsheý quraldary men aspaptary (burysh ólsheý aspaby, ólsheý lentasy, rýletka, ólsheý ashasy); kespeaǵashtardy bólý jáne taksasııalaý materıaldary (aǵashtardy qaıta esepteý vedomosy, kespeaǵashtardy materıaldyq-aqshalaı baǵalaý vedomosy, kespeaǵash qoryn aldyn ala berý aktisi); kýálandyrý aktileriniń, orman tártibin buzýshylyqtar týraly aktilerdiń, órt qaýipsizdigi erejelerin buzý týraly hattamalardyń, qaıta esepteý vedomostarynyń, materıaldyq-aqshalaı baǵalaýdyń blankileri, sondaı-aq qajetti kesteler men preıskýranttar. 10. Kýálandyrýǵa qatysýshy orman paıdalanýshyda nemese onyń ókilinde mynalar bolýy qajet: zańdy tulǵa úshin: orman paıdalanýshynyń ókiline - óziniń atyna jazylǵan senimhat; kásiporyn basshysy men bas býhgalter qol qoıǵan daıyndalǵan súrek (sonyń ishinde kádelik) mólsheri týraly anyqtama; resimdelgen tehnologııalyq karta; jeke tulǵa úshin: orman paıdalanýshynyń ókiline – zańnamamen belgilengen tártippen resimdelgen óziniń atyna jazylǵan senimhat; orman paıdalanýshy qol qoıǵan daıyndalǵan súrek (sonyń ishinde kádelik) mólsheri týraly anyqtama; 11. Orman ıelenýshimen tolyq esep aıyrysý úshin qajet aǵash kesý oryndaryn jáne daıyndalǵan súrekti kýálandyrý nátıjeleri sondaı-aq, onyń kýálandyrý kezinde jasaǵan eskertpeler orman ıelenýshiniń, orman paıdalanýshynyń ókilderi jáne kýálandyrýǵa qatysýshy barlyq adamdar qol qoıatyn aktige engiziledi. Sonymen qatar kýálandyrý kezinde alynǵan derekterden basqa orman paıdalanýshy anyqtamasynyń derekteri boıynsha naqty daıyndalǵan iskerlik jáne otyndyq súrektiń mólsheri týraly málimetter engiziledi. Anyqtamalar, qaıta esepteý vedomostary, abrıster aktige qosa tirkeledi. 12. Orman ıelenýshi kýálandyrý nátıjeleri boıynsha jıyntyq derekterdi statıstıkalyq eseptiliktiń belgilengen nysanyna oraı vedomstvolyq baǵynystylyǵyna qaraı joǵary turǵan uıymǵa usynady. 13. Orman paıdalanýshylarǵa bólinetin súrek daıyndaý kólemin durys ornalastyrý maqsatynda orman ıelenýshiler árbir jyldyń 1 qańtaryndaǵy jaǵdaı boıynsha barlyq sanattaǵy ormandarda tolyq kesilmeı qalǵan aǵashtardy, keıinge qaldyrý merzimi berilgen kesý aıaqtalmaǵan kespeaǵashtardy jáne osynyń aldyndaǵy jyldyń kesý bastalmaǵan kespeaǵashtaryn, al 1 mamyrǵa sondaı-aq berilgen keıinge qaldyrý merzimin eskere otyryp, daıyndalǵan, biraq merziminde tasyp áketilmegen súrekti anyqtap, ony kezekti jyldyń kespeaǵash qoryna esepteýge mindetti. 14. Kýálandyrý nátıjeleriniń esebi árbir kespeaǵash (móldek) boıynsha júrgiziledi, onyń derekteri aǵash kesý bıletine jeke jolmen engiziledi. Kýálandyrýǵa sondaı-aq kespeaǵashtarmen aralas 50 metrlik alqaptar jatady. 15. Aǵash kesý oryndaryn kýálandyrý kezinde kespeaǵashtardy ıgerýdiń tolymdylyǵy men durystyǵy, kespeaǵashtardy ıgerý tehnologııasynyń tehnologııalyq karta men aǵash kesý erejelerine sáıkestigi (kespeaǵashtar men súrek súıretip shyǵaratyn jerlerdiń eni, tıeý alańdaryn, qoımalardy jáne basqa da qosymsha obektilerdi ornalastyrý, orman sharýashylyǵyn júrgizý talaptaryn saqtaý) anyqtalady. Kýálandyrý kezinde árbir kespeaǵash boıynsha mynalar: kespeaǵash shekarasynyń jáne oǵan aralas jatqan 50 metrlik alqaptyń jaı-kúıi, sondaı-aq shekaralyq, oramdyq, kespeaǵashtyq jáne basqa da baǵandardyń saqtalýy; daıyndalǵan súrektiń mólsheri; tasyp áketilmegen súrektiń bar-joǵy; tyıym salǵan ýaqytta daıyndalǵan jáne butaqtalǵan súrektiń mólsheri; qabyǵy arshylmaǵan nemese basqa tásildermen qorǵalmaǵan súrektiń bar-joǵy; tolyq kesilmeı qalǵan aǵashtardyń bar-joǵy; tuqymdyqtardyń, tuqymdyq shoq aǵashtardyń jáne alqaptardyń, sondaı-aq kesýge jatpaıtyn aǵashtardyń saqtalýy; aspaly aǵashtardyń bar-joǵy; bıik túbirlerdiń bar-joǵy, aǵashtar dińderi men túbirlerinde nómirler men tańbalardyń saqtalýy; óskinderdiń, jas ekpelerdiń jáne orman daqyldarynyń saqtalýy; kespeaǵashtardy tazartý sapasy; topyraq erozııasynyń paıda bolýyna ákep soǵatyn ósimdik qabaty tutastyǵynyń buzylýy; ormandardy qalpyna keltirý is-sharalaryn júrgizý qajettigi jáne olardy oryndaý merzimderi anyqtalady. Ormandy kútip-baptaý maqsatynda kesý júrgizilgen ekpelerdi kýálandyrý kezinde olardy júrgizý sapasyna aǵash ósirý baǵasy (aǵashtardy kesýge taǵaıyndaýdyń ýaqtylyǵy, qarqyndylyǵy, negizdemesi jáne taǵy da basqalar) beriledi, bul týraly kýálandyrý aktisine belgi qoıylady. Kýálandyrý kezinde sondaı-aq aǵash tasylatyn joldardyń (magıstraldardyń, jol tarmaqtarynyń, jol bólikteriniń) boıynda tastap ketilgen súrektiń bar-joǵy anyqtalady. 16. Súrekti bosatý kezinde mólsherin eskere otyryp, kýálandyrý daıyndalǵan súrekti aralyq kýálandyrý aktileri boıynsha olardy ýaqytsha jınap qoıý ornyna tasyp áketkenge deıin júrgiziledi. 17. Orman paıdalanýshynyń anyqtamasy men aralyq kýálandyrý aktileri boıynsha alynǵan derekter aǵash kesý bıletterindegi derektermen salystyrylady jáne naqty daıyndalǵan súrektiń búkil mólsheri úshin orman paıdalanýshynyń túpkilikti esep aıyrysýyna negiz bolyp tabylady. 18. Orman paıdalanýshylarmen túpkilikti esep aıyrysý úshin: aǵash kesý bıletteri; aǵash kesý oryndaryn kýálandyrý aktileri, daıyndalǵan súrektiń mólsheri týraly anyqtamalar, sondaı-aq naqty daıyndalǵan súrektiń mólsherin rastaıtyn basqa da qujattar; tólemderdi qaıta esepteý jónindegi materıaldar. Buıryq Qazaqstan Respýblıkasynyń Ádilet mınıstrliginde 2011 jylǵy 19 shildede Normatıvtik quqyqtyq kesimderdi memlekettik tirkeýdiń tizilimine №7073 bolyp engizildi.