«Ál Kaıda» uıymynyń músheleri ózderiniń opat bolǵan kósemi Ýsama ben Ladenniń beıneúndeýin taratqan.
Úndeýde Batystyń taıaý ýaqyttarda kúıreýge ushyraıtyny, al AQSh-tyń ıslam álemine qarsy turýda jeńiliske jaqyn ekenin moıyndaýǵa kúshi jetpeı otyrǵany aıtylǵan. Sonymen birge onda «arab kóktemi» degen ataý alǵan oqıǵalardyń «Ál Kaıdanyń» qolymen jasalyp otyrǵany da atap kórsetilgen.
Taǵy da atys bastaldy
Iemenniń astanasy Sanada úkimet áskerleri men oppozısııa kúshteri arasynda taǵy da atys bastaldy.
Rejimge qarsy toptyń bas alańda turǵyzǵan palatkaly lagerine eki snarıad kelip túsken. Aldyn-ala málimetter boıynsha, eki adam qaza taýyp, taǵy bes adam jaraqattanǵan kórinedi. Aıta ketý kerek, osynyń aldynda ǵana Iemen armııasy men oppozısııa kúsh qoldanbaý týraly kelisimge keldi dep habarlanǵan bolatyn.
Túrkııa Kıprge ásker jóneltpek
Ankara halyqaralyq qoǵamdastyq moıyndamaǵan Soltústik Kıpr Túrik Respýblıkasymen birge Shyǵys Jerorta teńizinde munaı men gaz óndirýdi bastamaq.
Bul is-qımyl Kıpr respýblıkasynyń araldaǵy shelfti taldaý jumystaryna jaýap retinde jasalyp otyr. Kıpr respýblıkasy óziniń ǵana ekonomıkalyq aımaǵy dep sanaıtyn aýdanǵa qatysty bizdiń kózqarastarymyz ártúrli, dep atap kórsetken Túrkııa premer-mınıstri T.Erdoǵan. Biz buryn olarǵa atalǵan ekonomıkalyq aýmaqtyń daýly ekenin, onda bul sııaqty qadamdar jasaý durys emes ekenin aıtqan bolatynbyz. Sondaı-aq, ol ahýaldy baqylaý úshin aralǵa áskerı-teńiz kúshteri men áskerı avıasııanyń jiberiletinin de jetkizgen.
«Azshylyq» ta áskerı qyzmet atqarady
AQSh-ta ózderin «azshylyq» sanaıtyn gomoseksýaldar men lesbııankalardyń qarýly kúshter qatarynda qyzmet etýine shekteý qoıýdyń kúshin joıatyn zań kúshine endi.
Prezıdent Barak Obama qol qoıǵan zańnyń máni gomoseksýaldar men lesbııankalardyń áskerı qyzmet atqarýyna ruqsat berýge, olardyń ózderi týraly shyndyqty aıtpaýlaryna, al áskerı basshylyqtyń ol jóninde suraq qoımaýyna kelip saıady.
Beıbit turǵyndar qaza bolýda
«Frans Press» agenttigi Banı Valıd aýdanynda Kaddafıge adal otrıadtar men jańa bılik áskeriniń arasynda keskilesken urys júrip jatqanyn habarlaǵan.
Tóńkerisshiler alǵashynda Banı Valıdqa kirgenimen, keıin Kaddafı kúshteriniń tegeýrinine shydamaı, qalany tastap shyǵýǵa májbúr bolǵan. Al kýágerler bolsa, Sırt qalasynda NATO áskerleriniń bombalaýynan 300-den astam beıbit turǵynnyń qaza bolǵanyn, 500 páterdiń qıraǵanyn aıtqan.
Japondar elektrden bas tartýǵa daıyn
Japondardyń jartysynan astamy (erlerdiń 60 %-y jáne áıelderdiń 70%-y) ózderiniń turmys deńgeılerin tómendete otyryp, elektr paıdalanýdy qysqartý jóninde pikir bildirgen.
«Maınıtı» gazeti júrgizgen saýalnama qorytyndysy osyndaı nátıje kórsetken kórinedi. Suraý salynǵandardyń 60 paıyzy neǵurlym úlken qater tóndiretin reaktorlardan bastaı otyryp, eldegi AES-ter sanyn qysqartý qajet dep atap kórsetken. Al 20 paıyzy AES-ter sanyn kóbeıtpeı-aq, qazirgi barlaryn ǵana paıdalana berý kerek degen ustanymda bolǵan.
Grýzııanyń talap-aryzy qaralmaq
Strasbýrg qalasyndaǵy Eýropalyq sottyń joǵarǵy palatasy 22 qyrkúıekte Grýzııanyń Reseıge qarsy bergen talap-aryzyn qaramaq.
Grýzııa taraby Reseıge 2008 jylǵy tamyz soǵysy kezinde Adam quqyqtaryn qorǵaý jónindegi eýropalyq konvensııanyń 1,2,3,5 jáne 8-inshi baptaryn buzdy degen aıyp taǵyp otyr. Al Reseı jaǵy bolsa, taǵylǵan aıyptar negizsiz jáne dálelsiz degendi qaıtalaýdan tanbaı keledi.
Merkel Túrkııanyń Eýroodaqqa ótýine qarsy
Germanııa kansleri Angela Merkel Túrkııanyń Eýroodaqqa ótýine qarsy shyqty, dep habarlaıdy Augsburg Allgemeine basylymy.
Onda keltirilgen málimetter boıynsha nemis úkimetiniń basshysy Túrkııanyń Eýroodaqqa tolyqqandy múshe bolýyna qarsy, biraq ol sonymen birge Ankara men Berlınniń áriptestiginiń mańyzdy ekenin de atap kórsetken. Aıta ketý kerek, EO-ǵa múshelik jónindegi Germanııa men Túrkııa arasyndaǵy kelissózder Ankara men Kıpr arasyndaǵy qarym-qatynastardyń shıelenisýi jaǵdaıynda ótip otyr.
Abbas ázirge aıtqanynda tur
Arabtyń kóptegen buqaralyq aqparat quraldary Nıý-Iorkke kelgen PUA basshysy Mahmýd Abbastyń BUU Bas hatshysy Pan Gı Mýnmen kezdesýi jaıynda habarlaýda.
Olardyń jazýlaryna qaraǵanda, Mahmýd Abbas Palestına memleketin moıyndaý jóninde Qaýipsizdik Keńesine usynys bildirý nıetin áli ózgertpegen kórinedi. Sonymen birge osy qadamǵa baılanysty AQSh tarapynan beriletin qarjylyq kómek toqtatylatyn bolsa, Palestına jaǵdaıynyń qıyndaı túsetini de aıtylýda.
Ǵarysh qoqysy qaıda qulaıdy?
Salmaǵy jarty tonna bolatyn ǵaryshtyq qoqys Jerge qaraı asqan jyldamdyqpen jaqyndap keledi.
NASA mamandarynyń aıtýlarynsha, jumys istemeıtin amerıkalyq spýtnıktiń synyqtarynyń juma kúni planetamyzdyń ústine kelip qulaýy múmkin. Másele onyń dál qaı jerge kelip túsetininde bolyp otyr. О́ıtkeni, odan adamdarǵa keler qaýip óte zor. Sarapshylardyń bir bóligi soltústik endiktiń 57 gradýsy men ońtústik endiktiń 57 gradýsyna deıingi aralyqta qulaýy múmkin degendi aıtýda. Al ol synyqtar Máskeý mańyna qulaıdy degendi bildiredi eken. Biraq, Reseılik ǵarysh mamandary synyqtar Úndi muhıty aıdynyna qulaıdy dep halyqty tynyshtandyrǵan kórinedi.
Internet materıaldary negizinde ázirlendi.
