Otandyq múdde, eldik mindet

Otandyq BAQ pen úkimettik emes uıymdardy damytý tór­tin­shi blokqa jatqyzyldy. So­lar­dyń aldyńǵysy – BAQ-qa qatys­ty aıtatyn bolsam, qoǵam damýy barysynda buqaralyq aqparat quraldarynyń alatyn orny zor ekeni kúmán týǵyz­baı­dy. Son­dyqtan da bolar, elimizde BAQ-tar sany jyldan jyl­ǵa artyp keledi. Sol sııaqty úkimettik emes uıymdar úlken kúshke aına­lyp otyr. Elbasy sessııany ashar­da sóılegen só­zin­de osy má­selelerge erekshe nazar aýdaryp, depýtattar al­dyna zańdardy jetildirý mindetin qoıdy. О́zde­rińizge málim, Úkimet osy oraıda «Teleradıo habarlaryn taratý týraly» zań jobasyn ázirledi. Endi atalǵan zańdyq qujat teleradıo habar­laryn taratý sapa­syn arttyrý­ǵa ózindik serpin qosady dep kútilýde. Biz buǵan deıin de buqara­lyq aqparat quraldaryna qa­tys­ty zańǵa birqatar ózgerister engizgen bolatynbyz. Alaıda, ýaqyttyń óz talaby bar, ıaǵnı osy oraıda sheshimin kútken má­seleler de az emes degen oı­da­myn. Radıo jáne tele­habarlaryn taratýdy bir júıege túsirýdiń ýaqyty jetti. О́kinishtisi sol, biz áli kúnge sheteldik aqparat qural­darynyń yq­palynan aryla almaı otyr­myz. Otandyq te­le­­arnalar men radıoe­fır­le­ri­miz solardyń ha­bar­laryn, jelilerin paıda­la­na­dy. Al bizge ózimizdiń eldik múd­deni, ult­tyq múddeni kóz­deı­­tin aqparat quraldarynyń bol­ǵany aýadaı qajet. Memlekettik til máselesin udaıy kóterip kelemiz. Táýel­sizdik týraly aıtqanda, sonyń bir tuǵyry, súıenishi men tiregi til bolýy kerek. Bul oraıda, osy saladaǵy belgilengen sharalar túgel oryndalyp jatqan joq. Kezinde qoıylǵan talaptar keıbir arnalar úshin oryn­dal­maıtyn normaǵa aınaldy. Esesine «Qa­zaqstan» telearnasy túgeldeı qa­zaqshaǵa kóshti. Bul – kóńil qýantatyn jáıt. Meniń oıymsha, bul bastama jalǵasyn tabýy tıis. Úkimettik uıymdar jumysyna keler bolsaq, olardyń bir maq­satqa qyzmet etýin qamtamasyz etý úshin zańnamalyq baza kerek. Depýtattar arasynda osy sala ókilderi de bar. Zań jobasyn talqylaý óz nátıjesin beredi dep senemin. Jarasbaı SÚLEIMENOV, Májilis depýtaty.