Polsha elshisimen kezdesti

Májilistiń Halyqaralyq ister, qorǵanys jáne qaýipsizdik komıtetiniń múshesi Ýálıhan Qalıjanov Polsha Respýb­lı­ka­synyń Qazaqstan Respýblıkasyndaǵy Tótenshe jáne ókiletti elshisi Iаsek Klıýchkovskımen kezdesti, dep habarlady osy palatanyń baspasóz qyzmeti. Depýtat elshimen ekeýiniń áriptes ekendigin aıtyp, kezinde «Egemen Qazaqstan» gazetinde bas redaktor bolyp júrgeninde Polshada bolyp, Prezıdent Kvasnevskıden suhbat alý múmkindigine ıe bolǵanyn eske aldy. Endi elshi bolyp kelgen áriptesiniń eki el arasyndaǵy yntymaqtastyqqa jańa serpin beretinine senim bildirdi. Elshi óz kezeginde óziniń parlamenttik is-tájirıbesi baryn, birneshe jyl Polshanyń Parlamentinde apparat basqar­ǵa­nyn, endigi negizgi jumysy Pol­sha men Qazaqstan arasyn­daǵy baılanystardy jan­dan­dyrý dep biletinin málimdedi. Búginge deıingi ekonomıkalyq qarym-qatynastardyń órken­dep, ótken jylǵy eki el ara­syn­daǵy taýar aınalymy 1 mıllıard 600 mıllıon AQSh dol­lary­na jetip otyrǵanyn ha­barlady. Kezdesýde Eýropalyq Odaq pen Qazaqstan arasyndaǵy qa­rym-qatynasty ornyqtyrýǵa baılanysty «Eýropaǵa jol» baǵdarlamasyn júzege asyrý men EQYU-ǵa tóraǵalyq kezinde de Polshanyń qazaqstandyq saıasatty qoldaǵany aıtyldy. Sondaı-aq, júzdesýde 9 qazanda ótetin Polshadaǵy parlamenttik saılaýdy oıdaǵydaı ótkizý jaıynda da áńgime boldy.